حكايتى مع العمرة ومصاريف من هنا الى غمرة

[Vanditta]

المشاركة الأصلية كتبت بواسطة mr_astra الاخ العزيز استاذ nader10 اولا قدر الله وما شاء فعل ثانيا اتكلمنا زمان هنا وكان خلاصة الكلام ان لو الموتور من المواتير الحديثة يبقى نجيب موتور استيراد افضل من عمل عمرة للمكنة انما لو موتور قديم زى الفيات يبقى نعمر المكنة افضل ما نجيب موتور استيراد ودة راى بصراحة ومقتنع بية ولية مبرراتى وشراء موتور استيراد خصوصا لو كانت دايو هو عين الصواب بحكم سعرة المعقول جدااااا الاخ العزيز استاذ / Vanditta لك كل التحية والاحترام حضرتك وقعت فى كمين وما اختش بالك منة وموضوع حصل كتير لناس وراى المتواضع ان الموتور حالة توافقة مع بعضة بمعنى ان الشمايز عمرها من نفس عمر البساتم وركب الكرنك او وسبيكة الكرنك فاذاى نفك موتور ونحكمة اوى اوى من فوق ومش عاوزينة يرزع من تحت كلنا عارفين الكلام دة انك لما تحكم الموتور شنبر وهد وكانت السبايك حالتها نص نص اجباااااااااااارى الموتور هايزرع سبيكة تخيل مكبس محوم اوى وضغطة زى الفل شغال او بيدق على سبيكة مبوشة اية اللى هايحصل؟؟؟؟؟؟؟؟ وبعدين انا بستغرب لان انا خلاص فكيت وهادفع مصنعيات واشترى خامات وقفت على طقم سبيكة وتجليخ كرنك!!!!!!!!!!!

الكلام دة من زماااااان ييجى من 3 سنين تقريبا
ودى كانت اول عربية اركبها فى حياتى وكان لازم اتقرص عشان اتعلم
ماحدش بيتعلم ببلاش

وبعدين
صنايعى غير امين + زبون غشيم + عربية غير منتشرة موديل قديم = اللى حصلى دة واكتر كمان

[mezat2020]

الله الانسان كل يوم يتعلم قل الحمدلله رأيى الموتور الاستيراد لو50% افضل من الاعيب المكيانيكيه ويمكن البطيخه نطلع حمراء وحلوة و الخيريعلمه الله وهنا فائده المنتدى والتجارب للا عضاء

[zing0]

صح علشان كده المفاضلة بين شراء موتور إستيراد أو عمل عمرة بيتحدد من توافر 3 حاجات أو عدم توافرهم:
1- صنايعى خبرة (فى نوع العربية بالذات) و عمل مليون عمرة قبل كده و أمين.
2- قطع غيار أصلية ( و ربنا يستر علينا من حكاية أصلية دى, لأن الصينى المضروب دلوقتى بقوا بيدلعوه و يقولوا عليه أصلى)
3- فترة تليين كويسه و بلا إستعجال و متابعة الحرارة و الزيت و ....
طبعاً معادله شبه مستحيله إن يتحقق فيها الـ 3 مع بعض.
طبعاً بالإضافة للوقت و الجهد و الزهق و ضغط الأعصاب.


غير كده = موتور إستيراد و سقط و عيش.

[nader10]

اشكر كل الاعضاء برد علي وانا حكيت القصة عشان الناس تستفاد من الموضوع وانا شايف انى استفدة كتير من المنتد ويارب يكرم كل المشرفين لتعبهم والاعضاء الى زى العسل دول

[memo59]

خلاصة الكلام ان لو الموتور من المواتير الحديثة يبقى نجيب موتور استيراد افضل من عمل عمرة للمكنة انما لو موتور قديم زى الفيات يبقى نعمر المكنة