استفسار عن تنظيف الكربراتير

[zing0]

المشاركة الأصلية كتبت بواسطة mostafa_wahid طب ياريت تقولى ازاى اعملوا بنفسى من غير ماروح لحد ... بس انا كشفت على العربية امبارح عند كهربائى سيارات وقالى المشكلة مش فى الكهرباء دى فى الكربراتير ,لان العربية كانت بتبطل معايا لما برفع رجلى من على البنزين والار بى ام بيرعش ومش ثابت

يا باشا بعتلك اللينك بتاع موضوع تنضيف الكربراتير بالصور, فى الرد بتاعى.
http://masrmotors.com/vb/showthread.php?t=25236
كلاكيت تانى مرة

[zamanan2000]

انا اعرف اتنين واحد فى شارع الترعة فى شبرا مصر قبل سينما شبرا بالاس وانت جاى من اول شبرا اسال على الحج محمد بتاع الكاربيراتير هتلاقى الف مين يدلك
والتانى فى الزاوية الحمرا عند موقف 31 اسال على مدرسة السلام الابتدائي وهتلاقيه جنبها علطول وده اللى انا بتعامل معاه شخصيا صنايعيى وايديه نضيفة وراجل محترم

[mostafa_wahid]

المشاركة الأصلية كتبت بواسطة zing0 يا باشا بعتلك اللينك بتاع موضوع تنضيف الكربراتير بالصور, فى الرد بتاعى. http://masrmotors.com/vb/showthread.php?t=25236 كلاكيت تانى مرة

شكرا ياباشا على اللينك ربنا يكرمك

[amir elgamal]

المشاركة الأصلية كتبت بواسطة mostafa_wahid طب ياريت تقولى ازاى اعملوا بنفسى من غير ماروح لحد ... بس انا كشفت على العربية امبارح عند كهربائى سيارات وقالى المشكلة مش فى الكهرباء دى فى الكربراتير ,لان العربية كانت بتبطل معايا لما برفع رجلى من على البنزين والار بى ام بيرعش ومش ثابت

هتروح اى بنزينه محترمه
هتقوله هات منظف رشاشات او كربيراتير عادى
وافضل نوع من شركه stp
الاول هتغير فلتر بنزين
بعدها هتحط المحلول على 15 لتر بنزين فقط
وتروح مشوار حلو كده وتحرقهم مره واحده لحد ما توصل للاحتياطى
وبعدها تفول العربيه على الاخر
وانت ماشى احرق على العربيه واديها غيارات على rbm عالى يعنى اقرص على العربيه شويه ولحد 4000 لفه فى الدقيقه ماتكترش يعنى
بعدها هتروح لاى ميكانيكى يغير البوجيهات او ينضفهم

هقولك احنا عملنا كل ده ليه
اولا احذر انك تبيت المحلول فى التنك لانه هياكل الوصلات لانه مركز وهيخربلك الدنيا
فاول ما تحطه تطلع مشوار وتحرقه فورا
ثانيا بنغير فلتر بنزين قبلها علشان المحلول مايخدش الشوائب الى فى الفلتر ويرميها على السيلندرات وكده هتؤذى الموتور وعلفكره تغيير الفتر سهل جدا ممكن انت تغيره عادى
ثالثا بتمشى على rbm عالى علشان البنزين يتحرك اسرع وتنظيف افضل
رابعا حكايه البوجيهات ده لان البوجيهات اتحرق عليها كميه شوائب فده بيقلل من كفائتها شويه فنضفها لو هى جديده او غيرها لو جه معاد التغيير ليها
واستنى العربيه تبرد الاول بعدين غير البوجيهات او نضفهم
وممكن تروح لميكانيكى يغيرهوملك لان ده لو حضرتك مش هاوى ممكن تقابلك مشاكل فيها لانى اعرف واحد حط البوجيه بالمقلوب وخرب الدنيا فروح لميكانيكى افضل ومع ان برضو تغيير البوجيهات مافيهوش حاجه
طبعا احنا بنفول العربيه بعد كل ده على الاخر وماتنساش لان الخطوه ده مهمه
ارجو انى اكون عرفت اوضح لحضرتك
تحياتى

[mostafa_wahid]

المشاركة الأصلية كتبت بواسطة amir elgamal هتروح اى بنزينه محترمه هتقوله هات منظف رشاشات او كربيراتير عادى وافضل نوع من شركه stp الاول هتغير فلتر بنزين بعدها هتحط المحلول على 15 لتر بنزين فقط وتروح مشوار حلو كده وتحرقهم مره واحده لحد ما توصل للاحتياطى وبعدها تفول العربيه على الاخر وانت ماشى احرق على العربيه واديها غيارات على rbm عالى يعنى اقرص على العربيه شويه ولحد 4000 لفه فى الدقيقه ماتكترش يعنى بعدها هتروح لاى ميكانيكى يغير البوجيهات او ينضفهم هقولك احنا عملنا كل ده ليه اولا احذر انك تبيت المحلول فى التنك لانه هياكل الوصلات لانه مركز وهيخربلك الدنيا فاول ما تحطه تطلع مشوار وتحرقه فورا ثانيا بنغير فلتر بنزين قبلها علشان المحلول مايخدش الشوائب الى فى الفلتر ويرميها على السيلندرات وكده هتؤذى الموتور وعلفكره تغيير الفتر سهل جدا ممكن انت تغيره عادى ثالثا بتمشى على rbm عالى علشان البنزين يتحرك اسرع وتنظيف افضل رابعا حكايه البوجيهات ده لان البوجيهات اتحرق عليها كميه شوائب فده بيقلل من كفائتها شويه فنضفها لو هى جديده او غيرها لو جه معاد التغيير ليها واستنى العربيه تبرد الاول بعدين غير البوجيهات او نضفهم وممكن تروح لميكانيكى يغيرهوملك لان ده لو حضرتك مش هاوى ممكن تقابلك مشاكل فيها لانى اعرف واحد حط البوجيه بالمقلوب وخرب الدنيا فروح لميكانيكى افضل ومع ان برضو تغيير البوجيهات مافيهوش حاجه طبعا احنا بنفول العربيه بعد كل ده على الاخر وماتنساش لان الخطوه ده مهمه ارجو انى اكون عرفت اوضح لحضرتك تحياتى

شكرا جدا يا فندم على الشرح الوافى دة