افضل عربية عائلية جديدة مانيول ..... بحد اقصى 80 الف جنيه

[CarMania]

المشاركة الأصلية كتبت بواسطة drali يا باشا ولا كتر اسئلة ولا حاجة انا تحت امرك بالنسبة للحاجات اللى انت قلت عليها فى الافيو دى مشاكل فردية لأن انا اعرف ناس معاهم افيو محدش طلعتله المشاكل دى بصراحة اما بالنسبة للانوس ومقارنتها بالافيو اولا انا شايف ان الافيو تكسب فى مسألة العلو والفخامة فى الشكل الخارجى والداخلى والوسع الداخلى قليلا انما هى هى اللانوس فى كل حاجةواللانوس اجمالا فى رأيي افضل لانها ارخص ومنتشرة اكتر وقطع غيارها ارخص ومتوفرة اكتر ووسعها الداخلى مش بطال هى بس عيبها انها مش عالية قوى يعنى لو اسرتك عددها كبير ما شاء الله هتعملها معاك فى المطبات ولو لأ هتبقى حلوة معاك نيجى بقا لمقارنتها بالفيرنا انا معاك ان الفيرنا شكلها مريح اكتر لكنها اضيق من جوة وبرضه مش عالية قوى بالرغم من انهم علوها ورفعو الشكمان بتاعها وكمان فراملها مش متناسبة مع تسارعها المهوووول هى عربية شبابية اكتر من عائلية بالنسبة للوجان قطع غيارها كانت غالية انما دلوقتى اسعارها كويسة وانا فى رأيي انها زى الافيو بالظبط فى العلو والوسع بل الافيو يمكن يميزها شوية انتشارها الاكتر من اللوجان وسهولة بيعها بعد كده بسعر كويس وصاجها احسن شوية. من الاخر كده لو عايز رأيي هات الانوس وتوكل على الله. ربنا يوفقك ان شاء الله

اشكرك جدا على الرد و الاهتمام

بس هوا للاسف على كلام حضرتك كدا .... اللانوس مش هتنفع معايا لأن عائلتى مكونة من 5 افراد و انت عارف المطبات المصرية بتبقى معموله بضمير اوى
فالعربية كدا هتتبهدل منى

فدلوقتى الاختيارات محصورة بين اللوجان و الافيو
ايه رأى حضرتك؟؟

المشاركة الأصلية كتبت بواسطة mr_astra الفيرنا مش عائلية وانت طالب عربية واسعة خلى فى بالك اختيار الاسبرانزا 516 اوسع عربية ممكن تجبها

اشكر حضرتك على الرد و الاهتمام

حضرتك عندك حق بخصوص الفيرنا
بس بالنسبة للاسبرنزا .... انا لا افضلها نظرا للشكل الخارجى بردة
فأية رأى حضرتك بردة .... هل اللوجان افضل ولا الافيو؟؟؟

[Sameh Ragih]

رأيي و عن ثقة إن الأفيو عربية محترمة و كل ما يثار عنها إشاعات أو عيوب فردية زي ما قال drali و ده على الرغم من إني شخصياً مش باحبها لكن ده رأي شخصي لا يقلل من قيمة السيارة أو سمعتها في السوق

[mr_astra]

فأية رأى حضرتك بردة .... هل اللوجان افضل ولا الافيو؟؟؟

اللى تشوفة لانى مش بحب العربيتين دول
مع انى عاشق للرينو لكن مش لوجان

[روبرت مجدي]

اللوجان طبعا و المعاينة خير دليل.

[Neo206]

بص أنا معايا لوجان
بس الاسبرانزا 516 هتنزل خلاص الشهر الجاى بالكتير بشكل جديد احلى كتير من القديم
و فى موضوعات عنها فى المنتدى هنا أدخل و شوف
بس أنا عن نفسى لسه بخاف من الصينى
بس ناس كتير اعرفها بتشكر فيه