عايزة مساعدة فى الكانشيل

[احمد على 1999]

المشاركة الأصلية كتبت بواسطة د.شاهندة شكرا جدا لرد حضرتك هى المشكلة ان المطبات نفسها مرتفعة جدا والشارع كله تكسير فالعربية بتكون عمالة تترج جامد واللى قاعد وراه بيتعب اوى فكدة الحل فى علايات للسوست بس ولا فيه حاجة تانية المفروض اعملها؟؟

العفو يا فندم ..........طالما العربية مبتحكش يبقى كدا المفروض حضرتك متعمليش حاجة خالص
ملهاش حل غير ان الشارع يتسفلت

[د.شاهندة]

المشاركة الأصلية كتبت بواسطة احمد على 1999 العفو يا فندم ..........طالما العربية مبتحكش يبقى كدا المفروض حضرتك متعمليش حاجة خالص ملهاش حل غير ان الشارع يتسفلت

ههههههه ياريت والله
دة مطلب جماهيرى

[حمدى مخترع مانيوال بدون د]

السلام عليكم كفاية تعلى العربية من الخلف والى يعملهالك عفشجى مش ميكانيكى وما تبقيش تجرى بالعربية فالمطبات عشان ما تترجرجش جامد انتى بتجرى عشان تلحقى المدرسة وما بتخديش بالك انك بتجرى اصحى بدرى شوية وامشى براحتك تقبلى مرورى

المشاركة الأصلية كتبت بواسطة حمدى مخترع مانيوال بدون د السلام عليكم كفاية تعلى العربية من الخلف والى يعملهالك عفشجى مش ميكانيكى وما تبقيش تجرى بالعربية فالمطبات عشان ما تترجرجش جامد انتى بتجرى عشان تلحقى المدرسة وما بتخديش بالك انك بتجرى اصحى بدرى شوية وامشى براحتك تقبلى مرورى

http://www.youtube.com/watch?v=zD8BAsI5CEc

http://www.youtube.com/watch?v=iiqZUQbq8o8

[Hisham.Elgazzar]

المشاركة الأصلية كتبت بواسطة د.شاهندة سلام عليكم ورحمة الله وبركاته انا لسة جايبة برودوا كانشيل 98 اتوماتيك هى الحمد لله مريحانى وموفرة جدا معايا بس المشكلة دلوقتى انى بودى بنتى مدرستها فى شارع مكسر جدا وفيه مطبات كتير والعربية واطية جدا وقريبة من الارض فهل فيه حاجة ممكن اعملها عشان ترفع العربية شوية عن الارض؟ يعنى انا المفروض اعمل ايه؟ اغير العفشة مثلا ولا المساعدين ولا اعمل ايه بالظبط؟؟ معلش اشرحولى كدة بالراحة عشان انا ماليش خبرة فى السيارات ومش عايزة اروح لميكانيكى يشتغلنى عايزة افهم كل حاجة قبل ماروحله عشان انا ابقى فاهمة اطلب منه يعمل ايه بالظبط والموضوع هيتكلف كام؟

نصيحة تغيير السوست الخلفية الضعيفة بأخرى أقوى
والسير ببطء جدا فى الطرق غير الممهدة عشان لحامات العربية ماتفكش