هل عدد الكيلو مترات بيفرق فى حالة العربية؟؟

[drali]

اعتقد بيفرق فى كل العربيات الا الالمانى زى المرسيددس والبى ام دبليو

[فادى]

عداد الكيلومترات هو عمر السيارة الحقيقى, الى جانب عدد السنوات.
رسميا, تعتبر أى سيارة "قديمة" بعد 100 الف كيلومتر, أو 6 سنوات, و لا تضمن لك الشركة المصنعة أن تحافظ السيارة على نفس ادائها أو اعتماديتها بعد هذا العدد من الكيلومترات. لكن عمليا الوضع مختلف شوية, معظم السيارات تؤدى جيدا بعد ال100 الف.
السيارات الحديثة و بفضل التكنولوجيا الحديثة المستخدمة فى تصنيع اجزاء المحرك بدقة مرتفعة و أيضا بفضل أنواع الزيوت الحديثة أصبح عمر المحرك الافتراضى يتعدى ال300 أو 400 الف بسهولة, لكن مازال حد ال100 الف كيلو مطبقا.

[sheekoo]

متهيالى 12000ك فى السنة مسافة مش مظبوطة فى هذا الزمن يعنى 1000 ك فى الشهر يعنى 33ك فى اليوم انا متوسطى اليومى 50 ك يعنى 1500ك فى الشهر واصحابى بيعتبرونى انى مبتحركش كتير ةانا عامل فى ال 10 سنيين الا شهر 172000 ك وحالة عربيتى ممتازة لانى ماشى على الصيانة الدورية زى المصنع ما بيقول ملحوظة انا عايش فى شرم الشيخ يعنى مفيش زحمة ولا مرور

[ahmed el gendy]

12000 كيلو ايه ف السنه ؟؟؟ هو انا جايب العربيه عشان اعينها للباشا اللي هيشتريها مني
وبعدين هو فيه عربيه بتتباع دلوقتي من غير ما يتلعب ف عدادها انتوا فاكرين نفسكم ف الجنه يا جماعه
الللي بيحكم هو حاله العربيه مش عداد الكيلو خااالص
لكن لو تساوت الحاله ف كل شيء بما فيه السعر بنبدأ نبص للعداد وده طبعا نادر الحدوث