غموض يحوم حول ابوالفتوح .. بخصوص ال M11

[سيمون شحاتة]

أهلا بيك يا أستاذ / إمبابى
أنا حجزت الجيلى من معرض غبور بتاع جيلى الى فى شارع أحمد عرابى الى فى المهندسين و هى تمنها 75900 جنيه و انشاء الله حاستلم فى يناير على كلامهم فى المعرض.
و النهارده الصبح اتصلت بيهم علشان واحد صاحبى عايز يحجز قالولى ان حجز يناير خلص و هما دلوقتى شغالين فى حجز فبراير و ده معناه ان هما بيقفلوا حجز الشهر فى حوالى اسبوع او 10 أيام بالكتير و برضه قالى الى فى المعرض ان فيه ناس استلمت العربيه فعلا الى هما حاجزين من الأول.

[aftr]

هروب ايه ياجماعه مش عارف الناس دى بتتكلم على اساس ايه يهرب ازاى بعد كميه انتشار هذه العربيات الاسبرانزا فى مصر بجد كلام يضحك طيب اتكلم على ماركه مفيش لها انتشار ساعتها نقول الوكيل خلع

[سيمون شحاتة]

يا جماعه أخر معلومه جبتها من أبو الفتوح انه بينزل عربيات لكن للموزعين فقط لانهم طبعا بيبقوا فاتحين حساب معاه و بيدفعوا بالملايين و مش حينزل العربيه فى فروعه غير كمان 3 أو 4 شهور فالى عايز يشترى يدور عند الموزعين و مش حيلاقى بسهوله و لو لقى حتبقى بأوفر برايس.:red_face10 :

[mhamdy75]

شكرا على المعلومة وانا مقتنع بها

[embaby]

المشاركة الأصلية كتبت بواسطة سيمون شحاتة يا جماعه أخر معلومه جبتها من أبو الفتوح انه بينزل عربيات لكن للموزعين فقط لانهم طبعا بيبقوا فاتحين حساب معاه و بيدفعوا بالملايين و مش حينزل العربيه فى فروعه غير كمان 3 أو 4 شهور فالى عايز يشترى يدور عند الموزعين و مش حيلاقى بسهوله و لو لقى حتبقى بأوفر برايس.:red_face10 :

فعلا
انا كنت في التوكيل امبارح عشان احجز بعد ما عرفت معلومة من المصنع ان العربية كان ناقصها اجزاء كتير ووصلت اليومين اللي فاته وابتدوا فعلا في التجميع بعد ما كانو واخدين اجازة

ولكن للاسف اتصدمت لما قالي العربية مش هاتتوفر قبل 4 او 5 شهور على الاقل

بس كل ما اتصل باي معرض يقولي اجيبهالك خلال اسبوع ومزود في سعرها .. اللي بيقول 73000 واللي يقول 74000 وفي كمان واحد قالي 76000 ..
بس المشكلة عندي مابقتش في السعر ... المشكلة اني مش واثق ان اي معرض من دول يقدر يجيبها خلال اسبوع.

انا شوفت الجيلي في المصرية امبارح ... حاجة روعة بجد .. احتمال افكر فيها