|
|||||||
| لادا LADA لادا الروسية LADA احدى شركات اوتوفاز AvtoVAZ الروسية بدات فى السبعينيات بتجميع سيارات فيات 124 واستمرت فى تقديمها بشكل اقتصادى لعشرات السنين تمشيا مع الفكر الشيوعى الروسى الا انها الان تسعى للمنافسة والتجديد بعد شراكتها مع مجموعة رينو - نيسان |
 |
|
|
أدوات الموضوع |
|
#6
21-10-2012, 12:10 AM
|
|||
|
|||
رد: لادا و الصنايعيه .... مشكله ليس لها حل حتى الآن
تمام و متشكر أوى لإهتمامكم و ردودكم
و الله أحببتكم فى الله الذى جعلكم عوناً لنا. و مش هأعرف لا أنا و لا أى حد فى المنتدى يرد لكم جمايلكم علينا. جزاكم الله عنا كل الخير   نتابع مع بعض: - فلتر الهوا لسه منضفه من يومين و الميكانيكى فك الكربراتير و نضفه كله - فلتر البنزين بص عليه و قاللى نضيف و مش محتاج تغيير - التانك عندى مبيقلش عن النص و بأروح أفول, علماً بإنى لسه فكه و غاسله بالخل. - الميكانيكى ضبط كهربا العربية و غيّر أبلاتين (كان لادع) و كشف على البوجيهات و قاللى الأسلاك بتاعة الإسبراتير مش محتاجه تغيير. - خليط الهوا و البنزين: الـ 2 ميكانيكية فضلوا يلعبوا فيه لما إتهروا و أعتقد أنه مضبوط. =================== أنا كده أركز على : - خراطيم البنزين - رداخ / طرمبة البنزين - لو مكانش كده أشوف واحد بتاع كربراتير متخصص يكشف على الكربراتير و العوامة و بك السلانسيه. * سؤال: هل ضبط التاكيهات ممكن يكون سبب ؟؟؟ بإذن الله هأشوف المشوار ده و أرد عليكم, و لازلت منتظر إقتراحتكم و خبراتكم, و ربنا يعيننا  التعديل الأخير تم بواسطة zing0 ; 21-10-2012 الساعة 12:22 AM 
|
|
#7
21-10-2012, 01:27 AM
|
||||
|
||||
رد: لادا و الصنايعيه .... مشكله ليس لها حل حتى الآن
ومن ناحية موضوع ضبط التاكيهات دا مهم اوووووووى لان لو التاكيه مقفول يبرجل اجدع عربيه ويخلى الموتور يعمل الناقصه ديما ياريت تتأكد من الحاجات السهله الاول وبعدين تشوف موضوع التاكيهات
__________________
دا لينك اولتراس فيات 132 دا لينك صفحتى على الفيس بوك  
|
|
#9
21-10-2012, 04:07 PM
|
|||
|
|||
|
رد: لادا و الصنايعيه .... مشكله ليس لها حل حتى الآن
إليكم آخر الأنبـاء
راجع النهارده من الشغل, و عامل حسابى أن النهارده الأحد و الصنايعيه أجازة, و معدى أمام ورشة الميكانيكى لاقيته فاتح  قولتله بص يا كبير الحتايته, العربية لسه فيها نفس العيب - و بصراحه ناس حبايبى قالولى إتأكد من دورة البنزين كلها, و مسكناها حته حته. نضف خراطيم البنزين و فك الكربراتير و نضفه بكمبروسر الهوا و بيك السلانسية كمان و كشف عالطرمبه, و قاللى غير الفلتر بتاع البنزين علشان يبقى عملنا إللى علينا. خلص شغله و قاللى جرب, طلعت أجرب ... اللهم لك الحمد كله حسيت أنى بجد راكب عربيه, بدل تعب الأعصاب كل شوية العربية تنط أو تفصل. المهم... رجعت البيت و قولت عالتجربة غداً فى الصباح الباكر, بعد ما تكون دورة البنزين ريّحت و العربية باردة .... و ربنا يستر جزاكم الله كل الخير
|
|
#10
21-10-2012, 05:00 PM
|
|||
|
|||
|
رد: لادا و الصنايعيه .... مشكله ليس لها حل حتى الآن
اعتمد على نفسك
Do it تنظيف الكاربيراتير ( غسيل ومكواة ) عملية بسيطة مراجعة الخراطيم ( عملية بسيطة ) وبعدين تخش على الفلتر والابلاتين والاسبيراتير وهتلاقى الدنيا اتظبطت هو الميكانيكى هيعمل ايه يعنى اكثر من كده اتعلم علشان ما تحتاجشى لحد ربنا يكفيك شر الحوجة لميكانيكية مصر الا من رحم ربك
__________________
بسم الله الرحمن الرحيم {يُرِيدُونَ أَن يُطْفِؤُواْ نُورَ اللّهِ بِأَفْوَاهِهِمْ وَيَأْبَى اللّهُ إِلاَّ أَن يُتِمَّ نُورَهُ وَلَوْ كَرِهَ الْكَافِرُونَ }التوبة32 صدق الله العظيم 
|
|
|
|
