ما هو نوع التعليق فى لادا 2107

[mr_astra]

ما تنسوش ان الدفع الخلفى تتمسك بية الى الان اعتق شركات صناعة السيارت واللى بيضرب بيها المثل فى الاتزان مثل BMW

[abokoko]

المشاركة الأصلية كتبت بواسطة borio1704 التعليق الخلفي للادا إسمه: المحور (Axle) أو غير المستقل (Dependant) نظام التعليق ده قوي وبيستحمل الخدمة الشاقة... بس بشكل عام بيدي ثبات أقل بعض الشيء من التعليق المستقل... وبالذات في المطبات... لإن العيب الأساسي اللي فيه إن كل عجلة مرتبطة بالتانية ... يعني لما عجلة بتطلع على مطب أو تنزل في حفرة العجلة التانية هي كمان بتتحرك معاها زي كده.. في الحالة دي العجلة بتبقى ماسكة في الطريق بنص مساحة المداس أو أقل على حسب الزاوية، وحضرتك عارف طبعا إن كل ما زودنا مساحة التلامس (عرض الكاوتش) التماسك بيزيد. لو عايز معلومات أكتر عن ثبات العربيات... ادخل على الموضوع ده: عربية تقيلة ولا خفيفة؟؟؟ طبعا الخفيفة أحسن بس لما نيجي للمقارنة مع الفيرنا واللانوس... الموضوع يدخل فيه متغيرات تانية... والعبرة النهائية بالتجربة... بس أنا بصراحة ما جربتهمش ...

انا بلاحظ ان اللى فى العربيه بيميلوا جامد لو فجأه حاولت تجنب مطب او عند الدوران
المفاجئ - لدرجة انى احيانا باكل المطب واعدى عليه لو ماشي سريع - وسريع دى ممكن تكون 70/80 كيلو - علشان خوفى من ميلان العربيه
مش عارف ده مجرد احساس خاطئ ولا ايه ؟

[Hisham.Elgazzar]

المشاركة الأصلية كتبت بواسطة abokoko انا بلاحظ ان اللى فى العربيه بيميلوا جامد لو فجأه حاولت تجنب مطب او عند الدوران المفاجئ - لدرجة انى احيانا باكل المطب واعدى عليه لو ماشي سريع - وسريع دى ممكن تكون 70/80 كيلو - علشان خوفى من ميلان العربيه مش عارف ده مجرد احساس خاطئ ولا ايه ؟

انا كمان عندى المشكلة دى
ده غالبا بسبب ضعف السوست والله أعلم
اللى راكب بيتخض ونتا تحس ان العربية هتقلب
بضطر فعلا اكول مطب لأن العربية سهل تتقلب او تتزحلق

[Oussama]

لو مقاس السوست بتاعة العربية القدام زى اللى ورا مستحيل ان العربية تميل على سرعة

اللادا عاملة زى الزلطة لو كلت مطب فجاة حتحس انها حتطير منك تانى بعد ما تاخد المطب بسرعة و ده كله بسبب السوست

بس سبب تانى و ده بيخلى اختلاف العوم فى الادا و هو الحالة من جوة " يعنى رشة دواخل و لا لا "

[borio1704]

المشاركة الأصلية كتبت بواسطة mr_astra ما تنسوش ان الدفع الخلفى تتمسك بية الى الان اعتق شركات صناعة السيارت واللى بيضرب بيها المثل فى الاتزان مثل BMW

من المؤكد أن الدفع الخلفي يوفر قدرا أكبر من التماسك للسيارات ذات القدرة العالية... خاصة أن الدفع الأمامي لايمكن - حتى الآن - وضع محركات قدرتها أكبر من 250 حصان

إنما بالنسبة للتعليق... فالسيارات الحديثة تعتمد النظام "المستقل" وأيضا النظام "متعدد الوصلات" للحصول على ثبات أعلى بمراحل من السيارات ذات النظام "غير المستقل"

لذلك .. لا أستطيع الحكم على السيارة بدون معرفة التفاصيل الكاملة عن نظام الدفع و نظام التعليق شاملا المساعدين... بالإضافة إلى توزيع الوزن ومركز الثقل

والتجربة بعد ذلك خير برهان



...