محتار ما بين هوندا سيتي و هوندا سيفيك

[Injection]

أنا نسيت الشارك فعلا, الشارك موتورها ضعيف, و تصميمها من جوه غير مريح, وبصراحة بحس أن التوكيل منزلها عربية لعبة, الشارك متتركبش الا لو evo غير كده برضه متنفعش تتقارن بالباقى, رغم شكلها الهجومى المميز.

صدقنى حكاية المطبات دى مالهاش أى لازمة, والعربية مبتضرش من المطب, ومعظم العربيات الجديدة بتبقى مدعمة من تحت بصفيحة حديد تحت الموتور وعند تانك البنزين علشان الحكات (معظمها)

وفيه حلول لتعلية العربيات, بس منصحش بيها لعربية جديدة أبدا, والوطى ده ميزة لأنه بيقرب العربية من الأرض وبيخليها ثابتة على السرعات العالية, بس تعمل أيه فى شوارع جهنم.

ومتخليش الحكاية دى تأثر على أختيارك, ولو لسه مصمم عندك التيريوس تنفع للشوارع المهببة بتاعتنا, بس زى ماقلت شكلها وموتورها المصمم للعزم مابيدوهاش سرعة عالية ولا ثبات.

والمازدا غبور لسه فاتح أول مركز صيانة وخدمة ليها من قريب, بس عربية تحفة, وأفتكر أن المازدا هى اللى بتختارك.

والسيفيك عربية خطيرة, وبصراحة مالكش دعوة برأى الناس, مش هما اللى هيدفعوا, شوف المقارنات والريفيوهات عنها فى المنتدى وهل تنفع لطريقتك فى السواقة ولا لأ.

وزى ماقلت, المياه تكدب الغطاس, معارض السيارات تقدر تفحص العربية براحتك, ده كفاية دخلتك عليهم وأنت بتقلوهم عايز أشوف السيفيك (شغل أتفضل ياباشا والكلام ده).

[lRatedl]

ههههههه فعلا شوارع جهنم


بس ايه الروعه دى انت اقنعتنى هههههههههه بجد طريقه عجيبه ف الرد بتقنع بسرعه اوى

وان شاء الله اروح اتفرج ع السيفيك والمازدا وربنا يسهل

والله انتا تريح دماغك وتجيب الاسكودا الفانتزيا الجديدة وهم واديك راكب الماني زيرو

[lRatedl]

ناس كتير قالولى ع السكودا

بس انت راى حضرتك ان السكودا احلى م السيفيك ووالمازدا ولا ايه وايه اللى بيميزها عنهم

المشاركة الأصلية كتبت بواسطة Payoo أولا باركولي على حجزي للجميلة Skoda Fantasia وإن شاء الله هاستلم بعد شهر ونص ثانيا عاوز أشارككم اختياري وأقولكم على السعر التحفة إللي حجزتها به مبدئيا العربيه فيها 4 فئات الفئة الأولى هي المانيوال ودي سعرها 150ألف جنيه الفئة التانيه Tiptronic سعرها 165 الفئة التالته Sport سعرها مش فاكره الفئة الرابعة Elegance سعرها ماسألتش عليه الفئة الأولى هيه إللي أخترتها لاني بفضل المانيوال عن الأوتوماتيك بجميع أنواعه وبصراحة لقيت الفرق بين الفئة الأولى وأعلى فئه في الكماليات بسيط جدا أو نقدر نقول أن الفرق مايستحقش (من وجهة نظري) الفرق الكبير في السعر باستثناء الفتيس لمحبي الأوتوماتيك بانواعه وهاقولكم على الكماليات إللي أخدتها في الفشة دي والكماليات إللي مأخدتهاش وأحكموا أنتم بنفسكم وقولولي تستاهل الفرق في السعر وللا لأه ؟ مبدئيا من ناحية الأمان ونظم الفرامل واحدة في كل الفئات ودي أهم حاجه يعني الفئة الأولى فيها ABS و ASR و MBA و MSR و Airbags زيها زي الفئة Elegance والشكل واحد لا يوجد أدنى أختلاف إلا في مربع صغنون آد كده أمام الفوانيس الأماميه إللي بيطلع منه رشاشات غسيل الفوانيس ...... بس وكل المواصفات الميكانيكية و المتعلقة بنظم التعليق وغيره واحده تماما نيجي بقى للكماليات إللي فيها الأختلاف ما حصلت عليه هو الأتي:- سنتر لوك بالريموت كنترول فتح الشنطة وغطاء التنك بالريموت كنترول التحكم في الزجاج بالريموت كنترول مع نظامن تأمين للأطفال ضبط وتسخين وطي المرايات كهربائيا مع خاصية التعتيم الأوتوماتيكي مثبت سرعه عجلة القيادة جلد طبيعي متعددة الوظائف والتحكم في الراديو والتليفون تجهيزات تليفون أربعة سماعات اضافية تكييف يدوي (يعني بكر مش تاتش) راديو CD و MP3 مصباح قراءة للمقعد الخلفي ضبط أرتفاع كرسي قائد السيارة كومبيوتر متعدد الوظائف يعطي القائد كافة البيانات حتى ضغط الهواء بالإطارات باور أسترينج كهربائي درج التابلوه مجهز بخاصية تبريد المشروبات وكذلك الكونصوله الموجوده تحت يد السائق بها نفس الخاصية السابقة شاشة بيانات ألكترونيه ذات عرض حيوي بالوحة العدادات ضبط عجلة القيادة بأربعة أتجاهات المسند الأمامي بين الكراسي يمكن ضبط أرتفاعه مساحة خلفية وأمامية رف خلفي مجهز لسهولة وضع الحقائب خاصية طي الكنبه الخلفيه الثلث والثلثين حامل أكواب بالكونسول الأمامي والابواب حامل نظارة مؤشر لضغط الهواء بالغطارات فوانيس شبورة أماميه وخلفيه غلق مصدر الوقود عندالتصادم ايموبلايزر للحماية وتأمين السيارة ضد السرقة تصفيح أسفل المحرك خمسة مساند راس قابلة للتعديل تعتيم أوتوماتيكي للمرايا ضد الإضائه القادمة من الخلف فوانيس أمامية شفافة مقاومة للكسر الفرامل ومقبض الجيربوكس وعجلة القيادة من الجلد الطبيعي ========================= = إللي ماأخدتوش في الفئة الأولى تكييف تاتش مش مهم ماهو البكر برضه حلو وتوزيع الهواء للمقاعد الخلفية كده كده الناس إلي ورا هايوصل لهم التكييف من قدام سقف متحرك مابحبوش أصلا تدفئة للكراسي الأماميه يعني هيه مصر بقت في الأسكيمو ؟ وبعدين ماهو التكييف برضه بيقوم بالواجب CD CHANGER أنا مش سميع قوي يعني فمش مهم ضبط أرتفاع مقعد الراكب يعني هو الراكب لازم ينجعص أوي يعني ؟ ما يقعد زي مخاليق ربنا !!!! المهم إن مقعد السواق فيه الخاصية دي هههههه المرايات الجانبيه مزودة بمصابيح للإضاءة جانب الأبواب دي بقى إللي فعلا تستاهل إن الواحد يندم عليها لأنها بتدي للعربيه شكل أحسن .... بس مش مهم نبقى نشوف لها صرفة دي درج تخزين أسفل مقعد السائق كان عندي في العربيه الماتريكس وعمري ما أستخدمته شماسة خلفيه ممكن أشتري واحده من شارع دمشق وكان الله بالسر عليم جنوط ألمونيوم مقاس 16 أنا أساسا لا افضل الجنوط الاسبور إيرباج جانبيه ربنا يستر علينا جميعا فرش وتجهيزات رياضية من الجلد الطبيعي مش طالبه فشخره .... وعلى أي حال عندي بالطو جلد هابقى ألبسه لما اجي أركب العربيه دي كشافات زينون أمامية مع نظام غسيل لها الزينون ممكن نركبه بعدين وبالنسبه للغسيل الكهربي ده فأنا مش ناوي اطلع بيها الغابات عشان الطين يغطي على الكشافات وابقى محتاج أغسلها وانا ماشي حساسات للأنتظار أهو الواحد بقاله 15 سنه بيسوق وبيركن من غيرهم مش هاتيجي بقى على الركنه ========================= قولولي بقى ترضوا تدفعوا الفرق الكبير قوي في السعر عشان الفروق دي ؟

ده ردي علي سؤالك يا جميل وقولي ايه رائيك