هل تشعر بنقص البنزين

[AbOnOrA]

المشاركة الأصلية كتبت بواسطة mesho70 - شكرا ابوا نورا لسرعة ردك - وبما ان الموضوع بتاع تفاعل مادة الجركن مع المسدس عجبك فهى قصة تتحكى - البداية مدير الحطة كان فالحمام وقعدت حوالى ربع ساعة منتظرة و عمال المحطة بيدورا علية ومش عارفين مكانة - ولما طلع وقلتلة عالجركن قلى ان " الجيش وثلاث جهات اخرى منعوة يعبى اى حاجة غير التنك وان مادة الجركن تتفاعل مع البنزين والجيش يعرف " - وطبعا ً مع طول الانتظار العمال غسلوا زجاج السيارة ورفعوا المساحات مشيوا - فبعد ما ركبت العربية ناديت على المدير واديتة 2 جنية يهم للعامل ومشيت

ياااااااااااه ده الموضوع طلع كبير فعلا

الف شكر على اهتمامك وعرض تجربتك بس هو فعلا ممنوع يزودو اى حد ببنزين غير فى التانك وده من فترة بس بتشددو اكتر دلوقتى علشان ظاهرة بيع البنزين خارج البنزينات

[fourseasons]

بصراحة يا جماعة موضوع عدم بيع البنزين غير فى التنك صحيح 100% لاكن زمان كان عادى ممكن تشترى حبة بنزين فى جركن ولا حاجة كان اقصى تفكير الناس ساعتها انة ممكن الى بيشترى البنزين يولع فى نفسه ولا حاجة.ده كان زمان طبعا.وكان برضوه ممنوع.لاكن دلوقتى الناس بتشترى البنزين فى جراكن عشان تعمل قنابل الملوتوف بيه عشان تولع فى بعضها وفى عربيات الناس و الشرطة و المحلات.صحيح ان الناس ديه مش حتغلب يعنى ممكن تجيبه من تنك العربيه لاكن اهه بقى كل حاجة بتيجى على دماغ الناس الغلابة.

[تامر ديزل]

بالنسبه لدمياط البنزين ال92 قليل شويه الاسبوع الي فات والاسبوع ده وملاحظ حاجه انه لو فيه بنزين 80 مابيبقاش فيه 92 والعكس
اول امبارح دخلت بنزينه من اكبر البنزينات في دمياط العامل قعد يشارورلي بايده تمانيه مقلوبه يعني مافيش الا تمانين والحركه دي عملها معايا اكتر من مره قبل كده نفس الشخص ف نفس البنزينه وكنت بادوروامشي لاني جربت ال80 اكتر من مره بيخلي العربيه تكركر وصوتها بيعلا اوي وبتتدربك كلها ف بعضها فاخدت فرمان بعدم التعامل معاه ....
المره دي قلت اتراخم عليه وعلى نفسي وع العربيه ووقلتله..... ماشي قالي بقولك 80 يابيه ......قلتله فول 80 ماشي
المهم الواد سلم امره وراح مفول
الغريب والله ده اللي حصل ان صوت العربيه ناعم ومافيش اي كركره ولا دربكه والسحب هايل ولا كأنه 92
عايز اقول حاجه وخايف تفتكروني بخرف : شاكك انه 92 فعلا وانه كان بيطفشني اناو زباين زيي كتيير ومش بعيد يكون بيعمل كده مع زباين ال80 ويقلبلهم صوابعه لفوق انه مافيش الا 92 فيبقى لا باع لدول ولا دول على اساس ان البنزين هايغلا مستني يبيعه غالي ؟ ولا دي جت شطحه مني شويه ؟

[fourseasons]

يا بوب ديه صعبة شويه

[black_cres]

المشاركة الأصلية كتبت بواسطة dieseltrucker بالنسبه لدمياط البنزين ال92 قليل شويه الاسبوع الي فات والاسبوع ده وملاحظ حاجه انه لو فيه بنزين 80 مابيبقاش فيه 92 والعكس اول امبارح دخلت بنزينه من اكبر البنزينات في دمياط العامل قعد يشارورلي بايده تمانيه مقلوبه يعني مافيش الا تمانين والحركه دي عملها معايا اكتر من مره قبل كده نفس الشخص ف نفس البنزينه وكنت بادوروامشي لاني جربت ال80 اكتر من مره بيخلي العربيه تكركر وصوتها بيعلا اوي وبتتدربك كلها ف بعضها فاخدت فرمان بعدم التعامل معاه .... المره دي قلت اتراخم عليه وعلى نفسي وع العربيه ووقلتله..... ماشي قالي بقولك 80 يابيه ......قلتله فول 80 ماشي المهم الواد سلم امره وراح مفول الغريب والله ده اللي حصل ان صوت العربيه ناعم ومافيش اي كركره ولا دربكه والسحب هايل ولا كأنه 92 عايز اقول حاجه وخايف تفتكروني بخرف : شاكك انه 92 فعلا وانه كان بيطفشني اناو زباين زيي كتيير ومش بعيد يكون بيعمل كده مع زباين ال80 ويقلبلهم صوابعه لفوق انه مافيش الا 92 فيبقى لا باع لدول ولا دول على اساس ان البنزين هايغلا مستني يبيعه غالي ؟ ولا دي جت شطحه مني شويه ؟

فعلا يا باشا انا لاحظت ان جوا دمياط كتير بيكون مافيش 92
بس لو سمحت ايه هي المحطات اللي حضرتك بتثق فيها جوا دمياط ؟؟