اشتريت لانسر بطة

[AHMAD_FOX]

يا مستر استرا يا غالي متشكر جدا علي الاهتمام الكبير ده
انا كنت فرحان بيها جداوكل حاجه لغاية ما الميكانيكي قالي ان الموتور اللي فيها بتاع اكسل واحتمال تعمل عمرة قريب لان فيه رزعه وواحد تاني قالي ان الشكمان لونه اسود والبيجيهات كمان مهببه اسود وده عاوز ظبط كربيراتير وقالي سعرها غالي .
تنصحوني اصلح الكربيراتير وابيعها ولا ايه (علما باني هقول للمشتري كل حاجه عنها بصراحه) ولا احتفظ بيها

[mr_astra]

المشاركة الأصلية كتبت بواسطة AHMAD_FOX يا مستر استرا يا غالي متشكر جدا علي الاهتمام الكبير ده انا كنت فرحان بيها جداوكل حاجه لغاية ما الميكانيكي قالي ان الموتور اللي فيها بتاع اكسل واحتمال تعمل عمرة قريب لان فيه رزعه وواحد تاني قالي ان الشكمان لونه اسود والبيجيهات كمان مهببه اسود وده عاوز ظبط كربيراتير وقالي سعرها غالي . تنصحوني اصلح الكربيراتير وابيعها ولا ايه (علما باني هقول للمشتري كل حاجه عنها بصراحه) ولا احتفظ بيها

حضرتك ما قراتش المشاركات كلها بالكامل تقريبا
انا بقول لحضرتك ان مواتير الاكسل هى اللى متخدة من مواتير ميتسوبيشى
يعنى اكسل بتاخد مواتيرها من ميتسوبيشى مش العكس
باختصار عربيتك مش مغيرة موتور ولا حاجة والميكانيكى اللى شافها على ادوة اوى
و وحياة ربنا سعرها مش غالى ولا حاجة
والدخنة السوداء موضوع ظبط كربراتير يتعمل بـ 100 جنية مثلا

اما الهبدة لو وصفتهلنا شوية هانعرف من اية

[ahmed.counselor]

اولا مبروك عليك العربيه
اهم حاجه متخليش حد يشتغلك انت معاك عربيه يابانى محترمه والميكانيكى اللى حضرتك رحتله ده شكله مش بيشتغل في اليابانى اصلا
غير الميكانيكى او سيبك منه خالص وروح عند حد متخصص كربيراتير وهتدعيلى

[ahmed.counselor]

وفيه معلومه ثانيه مينفعش متور الهيونداى يتثبت للانسر في المرور

لو فيه علامه هيونداى على الموتور ممكن يكون غطاء التكيهات الاصلى كان فيه مشكله فاطر انه يجيب غطاء هيونداى لانه هو هو والهيونداي متوفر ورخيص

[jojojojojo]

الف مبروك اولا الموتور ميعيبش عربيه لو باظت منك اوي ممكن تجيب موتور استيراد بس ان شاء الله متوصلش بكده المهم العربيه تكون دواخل وحاله عامه كويسه والبطه من العربيات المحترمه جدا وسعرها كويس وحضرتك محتاج ميكانيكي نضيف بيفهم في العربيه وتغير البوجيهات والسيور وتظبط الكريبراتير وتنضف الرايدتير وتحطله مياه خضره عشان بدايه الصيف وتغير زيت موتور وزيت للفتيس وان شاء الله هتلاقي العربيه فاقت وهتبقي تمام والف مبروك ومتخليش حد يكرهك في العربيه