#6
|
||||
|
||||
رد: ** أيام في امستردام - جنيدي الذي لا نعرفه **
مستنيين باقى تقريرك يا احمد بيه وياريت لما تكون حاجه عجباك تقولنا عجبتك فى ايه بالظبط
زى موضوع القطر التحفه اللى انت ركبته دا |
#7
|
||||
|
||||
رد: ** أيام في امستردام - جنيدي الذي لا نعرفه **
والله يا محمد انت واحمد من اعز اصدقائى وانتو الاتنين متتخيروش عن بعض فى الصدق والرجولة
|
#8
|
|||
|
|||
رد: ** أيام في امستردام - جنيدي الذي لا نعرفه **
والله انا الفرحه مش سيعاني حاسس اننا عيله واحده والله مش منتدي علي النت وخلاص
والاستاذ محمد الجنيدي ربنا يباركله مصري بمعني الكلمه والواحد بيتمني انه يكون زي حضرتك في كرمك كدا وربنا يجمعكم في الخير دايما ومستني بقية التقرير يا ابو حميد اوعي تقعدنا اسبوعين علي ما تفكر تكملنا الرحلة ههههههههه وعلي فكرة بردك احنا عندنا هنا قطار السويس اشيك بكتير من القطار اللي انتا ركبته ده علي الاقل مش هتلاقي الجو الرومانسي اللي في قطر السويس ده يا راجل مفيش فيه لمبه واحده كله قاعد علي ضوء الشموع وموسيقي تزيق الباب وهو مفتوح مش هتلاقي جو زي الجو ده هههههههههههه |
#9
|
|||
|
|||
رد: ** أيام في امستردام - جنيدي الذي لا نعرفه **
الله علي رجالتنا
منورين امستردام بجد بس لي فكرتني بالذي مضي وحطيت صور القطر فكرتني بقطر المنصوره الجمييييييييييييييييييييي يييييييييييييييل الي تركبه من هنا و تحس انك بقيت في سابع سما هوا جميل و اصوات عجيبه و مطر تلاقي وضلمه تلاقي هههههههههههههههه متابع باقي التقرير ياباشا |
#10
|
||||
|
||||
رد: ** أيام في امستردام - جنيدي الذي لا نعرفه **
ألف شكر يا شباب علي المتابعة و علي الردود الجميلة _________________________ _________________________ ______________ تاني يوم صحيت براحتي ،، خالص ،، و أ / جنيدي ،، سابني براحتي ،،، هوا عموما شغله بيبدأ الساعة 4 ،، أ / جنيدي بيشتغل مدرب كرة قدم لناشئين في نادي في أمستردام ،،في نادي بلاو فيت امستردام والاسم يحمل الوان الملابس التى يرتديها الفريق بلاو(ازرق) فيت (ابيض) - معلومة مصدرها أ / جنيدي ،،، أنا قلت إني زورت في الرحلة دي المانيا و هولندا و بعديهم فرنسا فعلا ،، أجمل مدينة عجبتني امستردام ،، فيها طابع مختلف ،، القنوات المائية و البيوت الصغيرة و المنازل المتلاصقة بتديك إحساس إنك عايش في مدينة ريفية جميلة صغيرة ،، غير الحرية الكبيرة اللي فيها و إحساسك إنها مدينة عالمية و يمكن ده في كل أوروبا بس امستردام أكتر المحجبات هناك كتير جدا و ملحوظين ،، المصريين بتكعبل فيهم ،، في الشوارع و في المطاعم غير المغاربة مدينة متميزة فعلا بمتاحف غريبة و أحياء عجيبة و نمط معماري مميز جدا ،،، الصراحة انبهرت و استريحت فيها جامد جدا عن اي بلد تانية الصبح نزلت مكنشي معايا أ / جنيدي ،، فهمت خلاص من القعدة كام يوم في أوربا و اشتريت تذكرة مترو و اساسا موقع الفندق كان ممتاز في نص البلد ،، و الأهم كنت قريت و درست من قبلهم علي الانترنت و روحت عالطول حجزت تذاكر لجولة في امستردام بتتعمل باتوبيس مكشوف و بمركب في الممرات المائية الرائعة ،، و دي افضل طريقة انصح بيها أي حد بيسافر مدينة أوربية يستكشف بيها البلد ،،، بتنجز زي ما بنقول بتكون جولة شاملة و بدليل و بتفوت علي كل المعالم السياحية و المتاحف في المدينة و بتستمر شغالة طول اليوم ،، بمعني إنك ممكن تسيبها و تنزل مثلا في مصنع الماس ،، تاخد جولتك فيه و تستني الاتوبيس اللي بعده و تركبه و كعادة الأوربيين ،، اضبط ساعتك عليه ،، نفسي اشوف حاجة زي دي في القاهرة ،،، اعتقدت عشان تتعمل لازم تبقي جولة بالطائرة ،،، هههههه دي مجموعة صور لامستردام عشان تعرفوا انها فعلا مدينة تتحب ،، أنا مصور أكتر من كده بكتير طبعا دي صورة متحف توسو الشهير في نسخته الهولندية دي صور مصورهالي واحد مصري من المحلة ربنا يكرمه ،، قالي ده فنان مشهور اللي هوا الرسام الشهير رمبارنت يعني دي صورة داخل المركب بتاع الجولة المائية في امستردام يتبع ،،،، |
|
|