|
#6
03-12-2013, 11:00 PM
|
|||
|
|||
رد: ميسوبيشى لانسر خفيفة على الطريق واتسيبتت لى فى حادثة موت
الحمد لله كله نصيب
|
|
#8
04-12-2013, 12:48 AM
|
||||
|
||||
رد: ميسوبيشى لانسر خفيفة على الطريق واتسيبتت لى فى حادثة موت
أخي الكريم مستر آسترا المقارنة هنا ما تجيش... لا فئة السيارات ولا نوع الاستخدام ولا طبيعة مستخدم السيارة زي بعض.. ومع ذلك خليني معاك لحد الآخر مفيش شك إن سيارات مرسيدس تتميز بثبات عالي ، وده ليه أسبابه المتعددة واللي ممكن أعددها لحضرتك ويمكن تحتاج موضوع لوحده ... بس ده مش معناه إن المرسيدس لا يمكن تقلب... لإن ده فيه مبالغة جامدة جدا... ومسألة الثبات مش مجرد إن العربية ما تقلبش... إنما إحكام السيطرة على الطريق هو ده أساس الثبات. وبعدين.. لو المرسيدس ما بتقلبش.. ليه بيعملوا اختبار السلامة على العربية لما تقلب؟؟ عايز بس أفكرك بحادثة الأميرة ديانا واللي كانت راكبة يومها شبح... العربية اتقلبت لما توفرت الظروف الكافية من سرعة وعوائق وتوجيه. أول حاجة لازم نحطها في دماغنا هي طبيعة المنتج نفسه... المرسيدس عربية فخمة تصميمها معمول لفئة متطلبة من الناس عندها استعداد تدفع أي مبلغ في مقابل إنها تاخد اللي عايزاه تاني حاجة.. كون العربية ألمانية.. يعني ممكن تمشي على الطرق الألمانية اللي ما فيهاش حدود قصوى للسرعة... يعني إزاي ممكن تعمل عربية وبعدين ما تعرفش تسوقها في طرقات البلد اللي عاملها؟؟ ولو ما عملتش كده منافسنك حياكلوا منك سوق بلدك... أنا هنا حاطط نفسي مكان الناس في مصانع مرسيدس. على فكرة... ده السبب الرئيسي إن معظم العربيات الألمانية ثباتها أعلى من غيرها... لإن المصمم عامل حساب إن العربية حتتساق لحد حدودها القصوى، وبالتالي فيه شغل كتير لازم يتعمل في التصميم المرسيدس مليانة تكنولوجيا حديثة تساعد السواق إنه يحافظ على العربية ماشية بدون حوادث، ومع احترامي الشديد للصناعة الألمانية ، بس لو شلنا من المرسيدس كل التكنولوجيا اللي فيها، مش هتبقى أحسن كتير من أي عربية عادية... إلا إذا كانت متصممة أصلا بشكل يحافظ على الثبات من ناحية توزيع الوزن. عايز بس أفكرك بأول مرة نزلت فيها مرسيدس فئة A لما العربية قلبت في اختبار تفادي الغزلان في أحد المجلات المشهورة في أوروبا... كانت فضيحة أيامها في كل مجلات السيارات، ومرسيدس ردت وقالت إن العربية ما كانتش مصممة علشان الاستخدام العنيف ده، وبعدين سحبوا كل العربيات فئة A اللي اتباعت وعدلوا عليها وأضافوا كل أنظمة السلامة اللي موجودة في بقية عربيات مرسيدس .. لو حضرتك دخلت على موضوع " عربية تقيلة ولا خفيفة؟؟؟ طبعا الخفيفة أحسن" وتحديدا في المشاركة 58، حتلاقي شرح وافي عن المسائل دي. نيجي بقى للتريوس طبعاً التيريوس معروفة بضعف ثباتها... والسبب في ضعف ثبات التيريوس في التسعينات بديهي ومعروف، لإن شكلها أصلا بيساعد على إنها تقلب، وده عامل أساسي في توزيع الوزن ومركز الثقل... وبشكل عام.. العربيات الـSUV ثباتها على الطريق أقل بكتير من العربيات العادية. تاني حاجة... طبيعة مستخدمي التريوس مختلفة... حضرتك تعرف إن العربية موجهة أساسا للسيدات؟؟ ومن إمتى بنشوف واحدة ست بتسوق بسرعة إلا فيما ندر؟؟ ده غير إنها معمولة علشان الاستخدام في المدينة اللي المفروض السرعة فيها ما بتزيدش عن 80 في معظم الأحوال. معلومة تانية... العربيات في اليابان كانت (لحد أواخر التسعينات) مفروض عليها قيود وضرايب من الدولة هناك على "العرض الإجمالي للسيارة" لإن الشوارع في اليابان ضيقة، وبالتالي كل ما تعمل عربية رفيعة تكلفتها هتبقى أرخص. دايهاتسو ماركة عربيات متخصصة في السيارات السوبر صغيرة... عمرك شفت دايهاتسو في حجم تويوتا كورولا حاليا؟؟ والسيارات الصغيرة مش هتقدر تحط فيها مواتير كبيرة لإن مفيهاش مكان أصلا.. يبقى هتسوقها بسرعة عالية إزاي؟؟؟ عايز أوضح نقطة مهمة جدا... أنا مش بهاجم مرسيدس، أنا بتكلم من وجهة نظر هندسية بحتة مع شوية خبرة بأحوال وصناعة السيارات. ولما قلت إننا في مصر عندنا لبس كبير في موضوع ثبات العربيات كان قصدي على الأسباب اللي فوق دي... لإن ببساطة العربيات غالية جدا مقارنة بأسعار العربيات في العالم ده غير القدرة الشرائية، وبالتالي فالعربيات اللي نقدر نشتريها هتلاقيها متواضعة من ناحية الإمكانيات والثبات والسلامة في حين إن توقعاتنا منها أعلى بكتير. يا ريت تدخل على موضوع "عربية تقيلة ولا خفيفة؟؟؟ طبعا الخفيفة أحسن" وتصبر على قرايته لحد الآخر... لإني بشرح كل الكلام ده فيه. ...
__________________
Ahmed Al-Bora'ie Trust me, I'm an engineer من مواضيعي المميزة عربية تقيلة ولا خفيفة؟؟؟ طبعا الخفيفة أحسن عربية على شاسيه ولا على علب؟؟؟ اتعرف على طرق بناء السيارات قواعد اختيار زيت الموتور.. إزاي تعرف الزيت المناسب؟؟؟ عايز تشتري عربية ومحتار؟؟؟؟ تعالى أقوللك إزاي تختار الفرق بين تكييف السيارات القديمة والحديثة والمنزل 30 نصيحة للتوفير في الوقود عايز تزود كفاءة التكييف؟؟؟ ثرموستات الكوعة.... المفترى عليه
|
|
#9
04-12-2013, 10:42 AM
|
||||
|
||||
|
رد: ميسوبيشى لانسر خفيفة على الطريق واتسيبتت لى فى حادثة موت
الاخ الكريم بوريو
ادام الله عليك كامل نعمة رد استفدت منة جداااااااااا زى بالظبط لما استفدت من قراءة موضوع "عربية تقيلة ولا خفيفة " وعلى فكرة قراتة اول يوم حضرتك نزلتة فى المنتدى تحياتى العطرة لحضرتك .....
__________________
يااااااااااااا رب إرحمنا بقدرتك علينا 
|
|
#10
04-12-2013, 02:13 PM
|
||||
|
||||
|
رد: ميسوبيشى لانسر خفيفة على الطريق واتسيبتت لى فى حادثة موت
حمد الله ع السلامة ياباشا وطبعا موضوع الثبات ده محير ناس كتير جدا وفيه مقارنات بين فئات كتير
حمد الله ع السلامة مرة تانيه
|
 |
|
|
