عندي حجات كتير غلط في العربيه!!

[almoez]

المشاركة الأصلية كتبت بواسطة mon7aref بالنسبه للباور يا باشا كان عندي نفس لمشكله جرب تخلي اي حد بتاع عفشه يبص علي صليبه الدركسيون و بلي القاطمه عشان كنت عندي المشكله في دول بالنسبه للرجرجه في الفرامل اعمل ترصيص للكاوتش و اكشف علي الطنابير و الله اعلم

يعني ايه طنابير الاول علشان لما اروح محدش يلف ويدور عليا بس هشوف حوار الترصيص دا ان شاء الله

تمام كلام الزملاء الافاضل : يبقى انت هتشوف قواعد الموتور والفتيس وتكشف على الدبرياج ( الديسك والاسطوانه ) الاتنين دول لو عملتهم هيفوقوا العربيه والسحب هيرجع زي الاول ان شاء الله والرجرجه تروح

الحج والدي قال نفس الكلام بس الكلام دا يتعمل عند عفشجي ولا فين ؟؟

انا فى اعتقادى المشكلة مش فى الموتور المشكلة فى الفتيس ممكن يكون فى مشكلة فى الدسك او الاسطوانة او ممكن يكون الزيت بتاع الفتيس ناقص فبيسبب المشاكل دى والعضة والكلام دة اولا شيك على الزيت بتاع الفتيس الاول وبعد كدة الديسك والاسطوانة وانتظر رد باقى الاعضاء بس اللى بقولوهولك دة احتمال كبير وربنا معاك

طب الديسك والاسطوانه ممكن تكلف كان للعربيه في رينج كام كدا

وبالنسبه للزيت بتاع الفتيس هل ينفع استخدم منتجات ليكوي مولي لاني ناوي اغير زيت واحط كل حاجه تبع ليكوي مولي


واخيرا اللي يعرف مركز صيانه محترم لتويوتا ياريت يقولي انا من الاسكندرية

[borio1704]

المشاركة الأصلية كتبت بواسطة almoez السلام عليكم انا بقالي سنه ونص تقريبا معايا العربيه في الاول العربيه كان كل حاجه فيها حلوة موتور فرامل عفشه مساعدين وكل حاجه زي الفل اول مشكله واجهتني ولحد دلوقتي موجوده الدكسيون تقيل جدا وبقيت بركن وماسك الطارة بأيدي الاتنين رحت التوكيل حسيت انهم بيستهبلو قالولي غير طلمبه زيت الباور انا قلت قشطه في الاخر لقيتها ب 3200 جنيه قلت استحمل شويه لما زهقت غيرت زيت الباوز بنفسي ولسا تقيل.. لما رحت للتوكيل تاني قالولي دا عيب كاوتش مش عارف ازاي هل دا ممكن..؟ راجع على الطرمبة لو فيها تسريب زيت أو زيت الباور بينقص وكنت عايز أسألك....هو انت معرض الكاوتش قوي؟؟؟؟؟ بعدها بفترة لاحظت صوت الماتور عالي بالمقارنه بنفس الموديل اللي معايا في الجراج المهم سألت قالولي غير السيور اشتريت 2 جداد اصلي وليا في مشكله هوا الصوت اصلا عبارة عن شكشكه (مش لاقي وصف غير كدا) رحت لميكانيكي تقريبا ملوش نفس يشتغل قالي دا عيب سيور مش اصلي قلتله ياعم دي اصلي طلعت الفاتورة (انا بمشي دايما بالفواتير) قالي بص في شويه رمله هنفضهم وهيبقي تمام وبرده الصوت عالي.. رحت التوكيل معملوش حاجة.. الفرامل لما رحت للتوكيل علشان اربط عفشه وفرامل وكل حاجه فعلا شدو الفرامل كويس بس لما بمشي علي 100 وامسك فرامل الدركسون بيترجرج سنه خفيفه ودا بعد مااستلمتها منهم وبعدها بشهر فرامل اليد بقت خفيفه جدا اكتر من الاول مش بتمسك كويس !! غالبا الطنابير فيها رفة وبتخلي الفرامل تتاكل زيادة -- العربيه مبقتش بتشد زي الاول خالص سحبها بقي زي الزفت انا زمان كنت بحب اشد مع صحابي ودايما بعديهم دلوقتي بعاني مش عارف ايه المشكله؟ إنت عندك عداد RPM في العربية؟؟؟؟ لو معندكش يبقى ما ينفعش تشد بالعربية مش بعيد يكون الموتور جاب شنابر وانت مش حاسس بسبب الشد على الموتور بدون ما تعرف إذا كنت دخلت في المنطقة الخطر ولا لأ سمعت ان موضوع السحب معتمد علي الزيت بتاع الماتور رحت مغير من موبيل ل توتال والعربيه دلوقتي حاسس انها عجزت ممكن يكون السبب غير الزيت؟ انا غيرت البواجي مرتين في اقل من 5000 كيلو علشان موضوع السحب دا ومفيش فايده؟ التويوتا بالذات حطلها البوجيهات الأصلي بتاعتها ماركة "دنسو"... واتأكد من موديل البوجيه عشان يكون مناسب لموتور عربيتك (حسب الكتالوج)... الموضوع ده مهم أوي.. مش أي بوجيهات والسلام غير ان العربيه احيانا واحيانا لما بحركها بحس ان الماتور بيترجرج من مكانه ؟؟ لما بمشي علي الاول وبعدي سرعه 20 بحبه وادوس ديبرياج جامد برده بلاقي الماتور مرة واحده زي مايكون اتهبد وبيبان اساسي وانا مشغل التكييف الفتيس النقله الاولي والثانيه والمارش فيهم عضه واتخنقت منه اوي.. ده واضح قوي إنه قواعد موتور زي ما قال م/ سمير عياد... الموتور بيمشي جوه العربية الأول وبعدين العربية بتمشي اخيراً العربيه ماشيه تقريبا 73 الف كيلو ونوعها تويوتا 2004 ولم يتم تغير اي شئ منذ الشراء سوي السيور انا دلوقتي محتار لان فعلا العربيه عايزه تتصلح لو وديتها التوكيل بياخدو العربيه جوا مش بعرف هوا بيعملو ايه وهل عملو كل حاجه ولا لادي نقطه؟ ولو رحت لميكانيكي متخصص في تويوتا هقرفه لاني بحب اشوف هوا بيعمل ايه؟ غير كدا ممكن يكون مبيفهمش حاجه ويخربها او يكسر كلبسات والي اخره.. ياريت لو حد هيقولي العيب ممكن يكون فين يشرحلي دا بيعمل ايه لاني بشوف انكم بتحطوا اسامي حجات وانا معنديش ادني خلفيه عن الميكانيا للاسف ومتشكر جدا واعتذر عن الاطاله

المشاركة الأصلية كتبت بواسطة almoez يعني ايه طنابير الاول علشان لما اروح محدش يلف ويدور عليا بس هشوف حوار الترصيص دا ان شاء الله الطنابير هي اسطوانات الحديد اللي الفرامل بتمسك فيها، واحتمال يكون فيها رفة أو تآكل غير متساوي، عشان كده غالبا حتغيرها الحج والدي قال نفس الكلام بس الكلام دا يتعمل عند عفشجي ولا فين ؟؟ قواعد الموتور والدربرياج .. كل ده يتعمل عند الميكانيكي طب الديسك والاسطوانه ممكن تكلف كان للعربيه في رينج كام كدا أنا معرفش بالظبط... بس أتوقع في حدود 500 جنيه... وياريت حد من الأعضاء يفيدنا وبالنسبه للزيت بتاع الفتيس هل ينفع استخدم منتجات ليكوي مولي لاني ناوي اغير زيت واحط كل حاجه تبع ليكوي مولي بالنسبة للزيوت.. بالنسبالي كل الزيوت زي بعض مادام بتلتزم بالمكتوب في الكتالوج. واخيرا اللي يعرف مركز صيانه محترم لتويوتا ياريت يقولي انا من الاسكندرية مراكز صيانة تويوتا مش كتير في اسكندرية.. واللي أعرفهم مراكز صيانة التوكيل: مركز صيانة تويوتا مصر (التوكيل): بعد الموقف الجديد مركز صيانة الرزق: الطريق الصحراوي - مرغم لو عندك استعداد تروح لميكانيكي كويس جدا.. بس ناحية عمارات الضباط في سيدي بشر اسمه جمال وشهرته (الدكتور) أو (جمال سيدي جابر.. لإنه اتشهر لما كان في سيدي جابر) وعنوانه: ش الشيخ متولي الشعراوي.. متفرع من ش 30

ما تزعلش مني... بس معظم الأعراض اللي بتشكي منها بيتهيألي إنها من الفرك الكتير بالعربية... بالذات موضوع قواعد الموتور...

وكتر خير العربية إنها بعد 8 سنين وطريقة الاستخدام دي... لسه فاتحة بقها دلوقتي.



...

[almoez]

ما تزعلش مني... بس معظم الأعراض اللي بتشكي منها بيتهيألي إنها من الفرك الكتير بالعربية... بالذات موضوع قواعد الموتور... وكتر خير العربية إنها بعد 8 سنين وطريقة الاستخدام دي... لسه فاتحة بقها دلوقتي.

ولا زعل ولا حاجه..

هيا بقالها معايا سنه ونص بعد استخدام والدي ليها ..

موضوع الفرك فعلا صحيح بس اكيد انا مش هفرك كل يوم ولا كل اسبوع حتي

يعني ممكن مرة مثلا وانا بشد مع حد من صحابي بس انا بشد كتير شويه :D

ربنا يهدينا..

وشكراً

اتمني بقيه الاعضاء يفيدوني اكتر واروح فين لكل حاجه

[tamer.koko]

غير فلتر البنزين طبعا وهات بوجيهات 3 شمعه بما انك بتحب الجري وفلتر الهوا ده اساسا وموضوع الرجه اللي مع الفرامل طنابير اماميه ولازم معاها تغير تيل امامي وموضوع فرامل اليد ده معناه ان تيل ورا قرب يخلص غيره ورجلش فرامل اليد هترجع زي الاول موضوع العضه والغيارات ده اكشف علي زيت الفتيس الاول او غبره افضل وبعد كده جرب لقيته الموضوع هوه هوه يبقي ديسك واسطوانه علما ب ان الاسطوانه طبعا تأثر جدا علي سحب العربيه وموضوع زيوت ليكولي مولي عادي اي زيت فتيس معتمد ومتنساش تغير بالمره مع زيت الموتور الفلتر يارب اكون افدتك وكمل صيانتك بالمره وغير فلتر التكييف وكمان هات منظف رشاشات ابرو الاسود وححطه مع البنزين تحياااااااتي

[almoez]

المشاركة الأصلية كتبت بواسطة tamer.koko غير فلتر البنزين طبعا وهات بوجيهات 3 شمعه بما انك بتحب الجري وفلتر الهوا ده اساسا وموضوع الرجه اللي مع الفرامل طنابير اماميه ولازم معاها تغير تيل امامي وموضوع فرامل اليد ده معناه ان تيل ورا قرب يخلص غيره ورجلش فرامل اليد هترجع زي الاول موضوع العضه والغيارات ده اكشف علي زيت الفتيس الاول او غبره افضل وبعد كده جرب لقيته الموضوع هوه هوه يبقي ديسك واسطوانه علما ب ان الاسطوانه طبعا تأثر جدا علي سحب العربيه وموضوع زيوت ليكولي مولي عادي اي زيت فتيس معتمد ومتنساش تغير بالمره مع زيت الموتور الفلتر يارب اكون افدتك وكمل صيانتك بالمره وغير فلتر التكييف وكمان هات منظف رشاشات ابرو الاسود وححطه مع البنزين تحياااااااتي

متشكر جدا يابشمهندس تامر..

انا لسا مغير فلتز البنزين من حوالي 4 شهور كنت فاكر موضوع السحب منه..بس مطلعش للاسف

معلش هيا الطنابير دي البتاعه المدورة اللي فيها الفرامل ولا ايه اصل انا مليش في الميكانيكا نهائي..؟

وهل بوجيهات 3 شمعه تنفع تركب عندي ولا لا لأن اسمع لازم البوجيهات الاصليه؟؟

موضوع الصيانه انا جربت التوكيل مرة واحده بس مش مرتاح معاهم لانهم بياخدوا العربيه ومعرفش بيعملو فيها ايه ممكن يقوليلي عملنا كل حاجه واكتشف لا..

بس الديسك والاسطوانه دا لازم اغيرة في التوكيل اساسي بس انا خايف اقولهم يكشفوا عليه يقولو غير وهوا ممكن ميكونش بايظ ولا صعب الكلام دا يحصل اصل انا دايما بفترض سؤء النيه من خلال كذا تجربه بسيطه مع الصنايعيه

وشكراً