فيرنا ولا نيو اكسنت !!!

[mido_4up]

بص يا باشا... انا واحد قريبى لسه شارى عربيه ماتريكس ب 75 بس مستعمله استعمال راقى جدا مفهاش خربوش ودا حظه بقا ...علشان الماتريكس جديده ب 89 الف بالضبط دا لو عاوز تجيب مستعمل و عربيه عائليه... لكن انت لو عاوز جديده هيبقى صعب شويه بالمبلغ دا الا الافيو واللوجان و الفرنا فقط و اعتقد انك لو عاوز عربيه عائليه تشيل 5 افراد و جبت فرنا يبقا هتمشى فى شورارع مصر الجميله والاكصدام اللى وراء بيكحت فى الارض واسال مجرب...يبقى الافيو واللوجان ورأيى اللوجان افضل .... و شكرا

[dragon]

المشاركة الأصلية كتبت بواسطة spear7 و الله مش مقارنة يا اخ ميدو بس هو فرق السما و الارض فعلا بس لو بصيت هتلاقي الاتنين يعتبروا واحد بس دي محدثة و دي نسخة قديمة انا بس عاوز اللي يرشدني للأحسن عشان خلاص دخت و فاض بيا فباقول اسأل الجماعة هنا عشان عندهم خبرة كبيرة في مجال العربيات يعني مثلا مش عاوز عربية تدوخني لا انا مصري و عاوز عربية تريحني هو دة بس و في نفس الوقت تكون واسعة و عائلية تشيل 5 افراد بس و اللي عنده اتقارح تاني ياريت يقولوه بس في حدود 75 الف جنيه بس

السلام عليكم اولا
انا ياحبى عندى الرينو وعندى النيو اكسنت وعاوز اقولك ان الرينو جميلة بس متزعلش بقى لما تنزل تجيب قطع غيار نتكلم بقى على النيو اكسنت والفيرنا عاوز اقولك ان الفيرنا مينفعش اصلا تفكر فيها ولا تحطها فى مقارنة مع النيو اكسنت نهاااااائى العربية الفيرنا 128 بس شكل جديد وعليها موتور كبير جدا عليها عاوز حضرتك تيجى معايا وانا بعمل صيانة العربية واخليك تشوف الفيرنا الاصلى الى هناك فيها موتور كام 1100 دة الى فيها الى المفروض تنزل بية مش المهم العربية بتجرى ازاى المهم تعرف توقف العربية وتعرف تناور بيها وقت الخطر لقدر الله زى محصل معايا وانا فى طريق شرم الشيخ طلع قدامى جمل وانا على 160 ورميت يمين فى شمال وكبست بنزين والحمد لله العربية معمتش اصلا بس انا قولت الاحطيات واجب انى اكبس بنزين دة الفرق والموتور بتاع النيو اكسنت لا يقارن اصلا بالفيرنا دة موتور معمول عشان الى عاوز يجرى هادى يجرى والى عاوز رياضى يتفضل يجيب هوة اخرة مش الموتور لائن الموتور بيبدء يحرق عند 4500 يعنى عشان حد يفكر يجرى جمبك حيزعل كتير وكتير زعلت ناس ركبين عربيات مركات جامدة لدرجة ان فى واحد فيهم قالى والله العظيم انا حنزل ابيع عربيتى دى بكرة عشان مكونش شارى عربية ب 275 الف وعربية ب 80 تعمل كدا معايا نيجى بقى للتقفيل العربية متقفلة كلها بالكامل فى كوريا مفيش غير الانزار الى بيتركب فى غبور ودة شىء عادى جدا لو روحت ل صنايعى فى الشارع برة بيركب الانزار يعنى مش هوة دة الى يعتبر لعب فى العربية زى ما فى ناس بتقول وانا اصلا كونت فى نفس الحيرة زيك 8 شهور بين المستعمل والزيرو لحد ملقيت ان العربية دة فى الفئة بتعتها متفوقة عليهم فى المقرنات بكتير جداااااا وبسم الله مشاء الله لو ربنا كرمك وجبت واحدة حتعجبك اخر حاجة واى سؤال انا فى الخدمة

[abdo verna]

الله يهديك
تقريبا حضرتك معندكش فكرة عن الفيرنا اطلاقاااااا
ومعنى انك بتشبه الفيرنا ب128 معنى انك .......
المهم 128 في وقت كات من احسن السيارات في العالم وحصدت جوائز كثيرة ده معلومة ممكن تفيدك

[abosamra]

انا مش عارف ازاى بتقارن الفرنا بال 128؟ انا كنت راكب فيات ريجاتا قبل الفرنا و كنت حاسس انى راكب جمل و عربية متخلفة دلوقتى انا راكب فيرنا عربية اعطتنى كل اللى انا عايزه و اكتر بامشى بيها لغاية 120 كم و مش محتاج اكثر من كدة كل الكماليات موجودة فيها و بعدين انا كنت مركب 3 افراد من الوزن التقيل و العربية ماحكتش فى اى مطب لأنهم عدلوا شكل الشكمان فى 2010

[علي العكاشي]

كله واحد فقط الشكل الخارجي يختلف