|
رينو لوجان Logan The Dacia Logan is a car produced jointly by the French manufacturer Renault and its subsidiary Dacia of Romania. It is manufactured at Dacia's automobile plant in Mioveni, Romania, in Colombia, Brazil, Russia, Morocco, Iran, India and South Africa. It is also marketed as the Renault Logan, Nissan Aprio or Tondar 90 depending on the existing presence or positioning of the Renault brand. |
|
أدوات الموضوع |
#6
|
|||
|
|||
رد: أجيب لوجان ولا لانوس ولا فيرنا
البوتون الصراحة من احسن العربيات اللي ركبتها بس قطع الغيار و الصيانة هتتعب فيهم جامد
اللانوس بقت سيئة مع منصور شيفرولية خيلك في اللوجان او الفيرنا افضل بكتير بس انا راي اللوجان عاملة شغل جامد جدااو لو هي عربية وحشة مش هتتشر جامد اوي كدة |
#7
|
|||
|
|||
رد: أجيب لوجان ولا لانوس ولا فيرنا
امممم .. هقولك رأي بمنتهى الموضوعية ..
أولا : اللانوس : - عربية مش عالية عن الأرض ، و بالنسبالي حاجة غريبة انها من سنتين كانت دايو و احسن من كده ثانيا : الفيرنا : - عربية بتحك في المطبات و الأوبشنز اللي فيها قليلة ،، موتور جبار بس بودي ضعيف .. ثالثا : اللوجان : - عالية عن الأرض .. أوسع من الفيرنا و اللانوس .. تابلون أجمل و شكل عدادات لطيف .. موتور مناسب لجسم العربية .. أنا بقى اختياري الشخصي اللوجان و كنت واقع في نفس الحيرة بس الحمدلله ربنا يقسملي في اختياري الخير .. حجزت لوجان و في انتظارها بإذن الله |
#8
|
|||
|
|||
رد: أجيب لوجان ولا لانوس ولا فيرنا
انا حجزت ساندريو 2013 و هستلمها انهاردة
|
#9
|
|||
|
|||
رد: أجيب لوجان ولا لانوس ولا فيرنا
sasay باشا ...
الدواسة البلاستيك: بصراحة عمري مبصيت وشوف الدواسة بلاستيك ولا لأ وإن كان ده لايعيبها، أكبر صانعي السيارا في العالم بيستخدمو البلاستيك في دواسة البنزين والدبرياج كمان، إعمل بحث على gas pedal made of plastic m وشوف الماركات (مرسيدس، بي إم، شيفروليه، كرايسلر، دودج، ميتسوبيشي ...إلخ) يعني متتخضش، مش معنى إنها بلاستيك تبقى لعبة أطفال، لو فكرت شوسه هتلاقي 80٪ من خامات الصالون وحوض الموتور بلاستيك فقط الجسم العربية والأجزاء الميكانيكية زي الموتور العفشه... إلخ فقط من المعدن. فيديو الدواسة ده إشتغالة، الراجل بيعمل كيك داون فدواسة البنزين بتشحط في في الدواسة الكاوتش وتفضل محشوره ثانيتين وتنطر تاني، بالذمة هو فيه حد بيدوس على دواسة البنزين بالشكل ده أصلا؟ لو عملت بحث على gas pedal stuck in floor mat هتلاقي المشكلة دي ممكن تحصل في أي عربية طالما دواسة الأرضية مش محطوطة بشكل سليم وطبعا ممكن تسبب حوادث بس ده ملوش علاقة باللوجان بالتحديد. عشان أريحك عيوب اللوجان المعروفة والدارجة مبتخرجش عن: - إحساس بسخونة (ممكن نسميها دفئ) في كونسول التابلوه وجنب دواسة البنزين،مصدرها التكيف السخن وبتتحل جزئيا أو كليآ بالعزل أو إلغاء السخن وده مشروح في مواضيع أخرى. - أماكن الكلاكس وأزرار الزجاج، ودي فقط محتاجة للتعود وده مبياخدش أكتر من 500 كم أو إسبوع مثلا - لو مانوال ممكن تحس بڤايبريشن في دواسة البنزين وكذلك في عصاية الفتيس، الأوتو مفهوش الكلام ده. - التوكيل على فكره مش سئ، بالعكس تماما، أنا مشفتش توكيل بيغير أي حاجة معيوبة في الضمان من غير مقاوحه زي توكيل رينو، بس طبعا وارد يحصل فلتات أو مشاكل من نوع التأخير وعدم دقة المواعيد، نسيان إحدى طلبات العميل. إبتسم أنت في مصر. أسعار الصيانات الدورية معقولة جدا . - قطع الغيار متوفره في التوكيل وعليها ضمان سنه، ومتوفره بره التوكيل أرخص قد تصل لنصف السعر بس طبعا مش الأصلي بس صناعات نضيفة مثلا تركي وهكذا. بالنسبة لي بعد 1500 كم بعربيتي الأوتو، فقط كنت أتمنى يكون الكلاكس في الدركسيون، بس قشطة شغال يعني. وكل كام يوم أجرب أحط عزل في حته عشان أقضي على دفئ الكونسول والموضوع بيتحسن (أصلا أنا بتلكك والموضوع مش موثر للدرجة). العربية مش معجزة يعني، بس فعلا أنا مش شايف حاجة غيرها تستاهل الفرق لحد 100 ألف جنيه ولو تغاضينا عن الدلع الشكلي بتاع الكوري (بلوتوث، يو إس بي ... إلخ) يبقى لحد 120 ألف كمان، يعني مش هفكر أغيرها إلا لو معايا أجيب حاجة ياباني أو أوروبي تانيه أو كوري عالي تكون معدية فئة ال 130 ألف. أنا بقول الكلام ده لأني لما إشتريت اللوجان كان معايا أجيب أكسنت أر بي أو كيا ريو (منظر وشياكه بس وميستاهلوش الفرق) أو لانسر بومه كلاسيك (قدمت قوي على إنها تتجاب زيرو) أو صني (طلعت ضيقة جدا عليا). فإستقريت على لوجان على أساس أوفر الفلوس وأصبر لي كام سنه يمكن ربنا يكرم وأركب الكورولا بس بصراحة لافكرت في لانوس ولا فيرنا ولا أفيو، معلش مش عايز حد يزعل بس التلات عربيات دول بعد ما بقو يتقفلو عندنا مبقاش فيه مقارنة مع اللوجان، اللوجان بريستيجها أعلى دلوقت بصراحة وعربية محترمة،إللي جاب التلاته دول كوري فلت وبعدين فعلا قدمو وكفايه عليهم كده (برضه كلها 10 سنين ونقول كفايه على لوجان كده،عشان محش يزعل )، أصل في بلدنا أول ما العربية تقفل 10 سنين تلاقيها رطرطت تكسيات وتلاقي برستيجك في النازل. وبجد العربية طلعت حلوه ومقتنع بيها جدا لحد ما أعرف أغير لحاجة أعلى زي ماقولت. التعديل الأخير تم بواسطة ahmedashraf ; 19-07-2012 الساعة 08:48 PM |
#10
|
|||
|
|||
رد: أجيب لوجان ولا لانوس ولا فيرنا
تمام يا استاذ احمد
انا مقتنع باللوجان الحقيقة لكن تبقى حتت قطع الغيار والميكانيكة هي المشكلة الأساية بالنسبة لى علشان كل ما افكر اجيب حاجة اروح اجيبها من التوكيل وانا من الشرقية فهيطلع عينى في الحوار دة على عكس اللانوس والفيرنا ... قطع غيارهم موجودة وكل الميكانيكة بيفهموا فيها |
|
|