ارجوا الدعاء وكمان لو فيه نصيحه

[حسن شرف]

ربنا معاك يا ابو جهاد

[mr_astra]

للرفع
======

[ابوجهاد]

المشاركة الأصلية كتبت بواسطة vovoasw انت المفروض الراجل دا اصلا لا تتعامل معاة تانى وشوف حد غيرة لانة شاكلة كدة بيتعلم عليك ويجرب فيك

اخي العزيز اشكرك علي مرورك الكريم بصراحه الميكانيكي ده انا مرتحله نفسيا وفي نفس الوقت عملي عمره لعربيه اكسل بصراحه زي الفل وبقالها حوالي 3 سنين حتي بعد مابعتها ما زالت مع صاحبها الجديد زي الفل انما كان سؤالي ممكن يكون استهبل المره ديه ولا ممكن يكون عيب خامه فعلا

المشاركة الأصلية كتبت بواسطة احمد على 1999 طيب ما تجيب ماتور استيراد على بعضه و تمشى فى موضوع المرور و بالمرة تسجل عشان تطلع كارت البنزين

استاذنا الكبير السيد احمد علي اشكرك علي مرورك الكريم بس انا لسه كنت صارف علي الشنبر ال فات مبلغ وبعدين اجيب موتور كامل هتبقي التكلفه عاليه شويه غير ان اخوك مابيحبش شغل الورق مع الحكومه

المشاركة الأصلية كتبت بواسطة mr_astra السلام عليكم ازيك يا ابو جهاد والله انا شايف ان الميكانيكى ملهوش اى ذنب لو شغلة مش مظبوط ما تشتغلش 3 شهور كويس الفكرة كلها فى الخامة او البضاعة وقطع الغيار اللى فى البلد دى كلها مغشوشة ومضروبة وحاجة فعلا تزهق الحل الامثل من وجهه نظرى انك تجيب شورت بلوك بدون ادوات تغذية هايعمل حوالى 1750 جنية (كنت شارية شهر 4 2013) بالسعر دة وتبيع الشورت بلوك بتاعك لو بعتة لبتاع خردة هايجيب 350 جنية هانقول ان دول اجرة الميكانيكى يبقى التكلفى كلها 1750 جنية وموضوع المرور والله ما فيش مشكلة خالص حتى لو كان معاك توكيل التاجر هايديلك فاتورة اصل + صورة من الافراج الجمركى بتاع الموتور والمفروض يبعت اصل الافراج على مرور الدراسة هاتستنى حوالى شهر او اكتر وتروح تسال هناك فى الافراجات هل جة ولا لسة وبصراحة لو عاوز تخلص نفسك بينفع تجيب جواب من الدراسة للمرور اللى انت تبعة بيقول ان اصل الافراج وصل الدراسة والاصل يجى بقى على مهلة ملناش دعوة احنا وتاخد الجواب من الدراسة وتروح المرور بتاعك تفحص بالموتور الجديد عشان يتثبت فى الرخصة دة لو هاتنقل ملكية وخلى بالك مدينة السويس مش بتطلع شهادات براءة زمة وانما بيديلك جواب بالترخيص والتجديد بتروح المحكمة هناك بتاخد جواب موجهه للمرور بتاعك انك تجدد او تفحص لان المرور عندهم اتحرق انما لو شلنا مكونات الموتور بتاعك ونقلناها فى الموتور القديم فكرة مش هاتنجح صدقنى الشنبر طالما خرج من البستم مش بيقفل تانى كويس الشنبر عمل مكان فى الشميز بتاعة ما ينفعش يشتغل على شميز تانى دة انت لو بدلت بستم بالشنبر بتاعة مكان بستم تانى فى نفس البلوك هاينفخ زيت او لسة هايلين نصيحة بلاش كدة خااااااااااالص هاترمى فلوسك وتضيع وقتك والنتيجة حتمية الفشل

الله يبارك فيك يا اخي العزيز واشكرك شكر كبير علي ردك الوافي والمهم جدا وفعلا كلام حضرتك مظبوط جدا لان اليوم بعد فك الموتور وجدنا الكرنك عايز يتخرط والبساتم مش جيده وطلمبه الزيت فيها عيب وعلشان كده لمبه الزيت كانت بدات تنور معايا وبكده تاكدنا انه لابد من عمل الصح وتغير الاجزاء الغير سليمه وليس تغير الشنبر فقط وعمل الصح وفعلا جبنا كرنك استيراد استاندر+ 4 بساتم بالسبيكه بتاعتهم اورجينال وطلمبه الزيت احسن من الجديده وبدون البلوك بسعر 1100 جنيه مش عارف السعر ده كويس كده ولا فيه كلام وبالنسبه للشانبر زي ما حضرتك قلت ممكن يبوظ الدنيا فنزلنا وجبنا الشنبر الاصلي جديدmg وربنا يسترها وان شاء الله يطلع ابن حلال ويظبط معانا وجبنا جلد صباب وباقي الحجات الاخري زي الفل وبعتنا الوش عند الخراط يتعمله روديه وان شاء الله بدانا رحله التركيب وربنا يسترها علي النتيجه

المشاركة الأصلية كتبت بواسطة romeoalmansour ربنا يكرمك وان شاء الله خير

جزاك الله كل خير يا واشكرك علي مرورك الكريم

المشاركة الأصلية كتبت بواسطة حسن شرف ربنا معاك يا ابو جهاد

اه والله يا ابو علي محتاج الدعوه دي فعلا لحسن الواحد من غير عربيه زي التايه ال مش عارف يروح اي مشوار ولا عارف يقضي طلبات بيته وتوصيل الاولاد للامتحانات وخلافه اشكرك اخي العزيز علي مرورك الكريم وربنا ما يعطل عربيه اي حد امين

[ابوجهاد]

ياريت لو فيه نصيحه اي حاجه نعملها والموتور بره العربيه بالمره علشان انتوا عارفين الميكانيكي مهما كان صاحب بيطنش بعض الحاجات ال بنسباله مش مهمه او حتي تحت بند النسيان حتي نكون بنحسن الظن بالصنايعيه

وكمان ياريت لوحد عايز او شايف ان اي حاجه فكيتها من الموتور وتلزمه اوصلهاله لحد البيت