عاوزة اشترى رينو سكالا 2011 بسعر كويس مين يجبهالى ؟؟

[myson medo]

المشاركة الأصلية كتبت بواسطة spear7 هاتي نيو اسكنت احسن ... نفس الفئة و نفس السعر و موتور اقوى و تكنولوجيا و تقفيل احسن من السكالا ... السكالا اساسا هي هي الصني موديل 2011 الخليجي ... و توكيلها هو هو توكيل نيسان بس الافضل انك تدوري و تنخوري و را العربية و تشوفي اللي جربوها اخبارهم ايه ... عشان العربية مش منتشرة

انا عارفة ان الاسكالا هى الصنى ودى ميزة لان بتركبلها نفس قطع الغيار
والعربية ممتازة جدا وانا جربتها لانها مع واحد قريبى
وعمال يرزع فيها وما شاء الله عليها
ووسائل الامان فيها تمام التمام
واخر اصدار نزل منها مصر كان 2011 للاسف ولو فى 2013 كنت جبتها
وشكرااااااااااااااا

[sherifabden]

المشاركة الأصلية كتبت بواسطة spear7 السكالا اساسا هي هي الصني موديل 2011 الخليجي ... و توكيلها هو هو توكيل نيسان

فعلا الصني هيا هيا السكالا
بس التوكيل ياباشا مختلف
توكيل الرينو الشركة المصرية العالمية للتجارة والتوكيلات وتوكيل النيسان اسمه نيسان اوتو ايجيبت

[myson medo]

المشاركة الأصلية كتبت بواسطة sherifabden فعلا الصني هيا هيا السكالا بس التوكيل ياباشا مختلف توكيل الرينو الشركة المصرية العالمية للتجارة والتوكيلات وتوكيل النيسان اسمه نيسان اوتو ايجيبت

اه نسيت اقوله كده - شكرا

[spear7]

و ممكن اعملك مقارنة بسيطة قوي بين العربيتين من حيث بعض النقط اللي تهم السيدات في القيادة

سهولة القيادة و ابعاد السيارة :
نيو اكسنت : ممتازة و اغلب سائقيها سيدات ... بس ياريت التركيز اثناء القيادة في اماكن ضيقة على الجانب اليمين للسيارة ( الحمدلله 90 % من النيو اكسنت في مصر واخدة رزعة في الجنب اليمين و العبدلله واحد من الناس دي )
سكالا : كعادة النيسان صني حجمها كبير و تقيلة

التجهيزات الداخلية :
نيو اكسنت : كاملة مكملة و فول اوبشن فقط و تكييف مش تلاجة لا ديب فريزر طبعا عشان فيه موتور قوي جدا جدا جدا و كاسيت حلو و التقفيل جيد
سكالا : بنفس سعر الاكسنت هتجيبي هاف اوبشن ... تكييفها مقبول و سمعت ناس بتقول الصوت بتاع الكاسيت مش حلو و بالنسبة للتقفيل ... فهو مقبول بس مش قوي ... تقفيل بلاستيكات

نيجي لأهم حاجة قطع الغيار :
نيو اكسنت : قطع غيار متواجدة بسهولة و اسعارها مناسبة قوي حتى في الاوريجينال
سكالا : مش منتشرة قوي و دة هيخلي عيبها قطع غيارها قليلة و طبعا نظريا هيكون سعرها عالي

الاتساع الداخلي :
نيو اكسنت : اتساع مقبول قوي و مريحة جدا
سكالا : ما شاء الله واسعة و رحرحة صوح

التعليق :
نيو اكسنت : ما شاء الله تعليقها رياضي و ثباتها عالي جدا و عفشتها ناشفة و تخليكي تحس بانك لو مشيتي على حتة لبان في الارض هاتحسي بيها بصريح العبارة العربية بتدبدب و الحل الوحيد تزودي العجل نيتروجين

سكالا : معنديش فكرة بس اظن قاعدة عجلات نيسان مريحة جدا و مش هيغامرو و يحطوا تعليق رياضي في عربية سيفيليان

دة تعبير بسيط عن السيارتين ... و حب لأخيك ما تحب لنفسك ... زي ما انا حبيت النيو اكسنت لنفسي ... باحبها لغيري

[spear7]

سيدي الفاضل انا صاحبي معاه العربية ... و عارف ان توكيل رينو EIM و توكيل نيسان موتور ايجيبت هو توكيل النيسان و للاسف سكالا تبع التوكيل دة و صاحبي بيروح توكيل نيسان ... نفس السؤال سألته و لحد دلوقتي مش لاقي اجابة على الرغم ان العربية EIM بتستوردها