|
رينو لوجان Logan The Dacia Logan is a car produced jointly by the French manufacturer Renault and its subsidiary Dacia of Romania. It is manufactured at Dacia's automobile plant in Mioveni, Romania, in Colombia, Brazil, Russia, Morocco, Iran, India and South Africa. It is also marketed as the Renault Logan, Nissan Aprio or Tondar 90 depending on the existing presence or positioning of the Renault brand. |
|
أدوات الموضوع |
#6
|
|||
|
|||
رد: رجاء سرعه الافاده فى حادث لوجان
بسم الله الرحمن الرحيم
اولا احب اشكر كل اعضاء المنتدى الكرام الذين قاموا بسرعه الرد على وبالنسبه للسمكره الراجل قالى ممكن تترد او لو تحب ممكن نغير الرفرف بس هو رايه انه يعدله وقالى ان الاكصدام ده فبر وهو معوج علشان الصاج الى هو ماسك فيه من ناحيه الرفرف اتعوج لما الرفرف يتصلح هو هيرد لوحده عادى ولسه مسالتش على الدوكو وبالنسبه للفانوس مش ناوى اغيره وهسيبه مؤقتا وباذن الله بعد الفطار هكتبلكم الى حصل مع الراجل لما قابلته انا ووالدى بعد الصلاه بالتفصيل وشكرا |
#7
|
||||
|
||||
رد: رجاء سرعه الافاده فى حادث لوجان
ان شاء الله خير يا هيما
|
#8
|
|||
|
|||
رد: رجاء سرعه الافاده فى حادث لوجان
بسم الله الرحمن الرحيم
كان الميعاد اننا نتقابل مع الراجل علشان نخلص الموضوع بعد صلاه الجمعه وبعد الصلاه روحت فى المكان المتفق عليه انا ووالدى واتنين من جيرانا وفضلنا مستنيين حوالى ربع ساعه ومجاش اتصلت بيه انت فين ياسيدى رد فى منتهى قله الادب انت عايز ايه ومكنتش دى خبطه وكلام من العينه دى كتير ماشى يا سيدى انت فين علشان عيزين نتكلم معاك رد وقال طب محنا بنتكلم فى التليفون قول الى انت عايزه وانا اجاوبك انا مش فاضى انى اجيلك قولتله طب انت فين نجيلك بعد ماجالى شلل قالى فى الشارع الى جانبك ووصفلى مكانه وروحنا وامرنا لله قبلنا مقابله زفت واعد ينفخ ونفخنا جرنا قله من الاخر انا هقول حل يرضى الجميع قلناله قول قال ان الى انت كنت ناوى تدفعه عند السمكرى الى تبعك ده احنا نكمل عليه بمعرفتنا ونصلحها فى التوكيل احسن قال موافق طيب كويس انت كنت هتدفعله كام قال ولا ساغ واحد ايه يعنى ايه كان هيصلحها ببلاش قال اه انت بتهزر قال من الاخر ده الى عندى والى مش عجبه يروح القسم ابويا كان عايز يولع فيه وجرانا كانوا هيتشلوا وقلوله شكرا انت كده جبت من الاخر وكانوا هيروحوا مع والدى القسم يعملوا محضر لولا راجل كبير من الشارع قال انا هتكلم معاه والراجل راح يكلمه بالعقل قال الى مش عجبه يخبط راسه فى الحيط وده الى عندى الراجل اتنرفز والناس اتلمت واعدو يتكلموا معاه قال نفس الكلام واعد يغيظ فى الناس لحد ما الناس جابت اخرها وانا اتنفخت وعلى فكره كل ده وهو بيكلمنا وهو اعد على الكرسى ومنفوخ اخر حاجه وجه الراجل الكبير وقاله احنا لا هنعمل محضر فى القسم ولا هنخبط راسنا فى الحيطه انت يا تدفع حق التصليح دلوقتى يا تنضرب راح واخد بعضه وجى يمشى راحت الناس مسكاه وقلتله يبقى انت اخترت انك تنضرب صح لقيت وش الراجل اتغير وجاب الوان ولقى الحكايه بجد وقال هدفع قلناله كام قال خمسين جنيه قالوا حط الخمسين جنيه فى جيبك ونضربك احسن قال خلاص هدفع 75 جنيه قالوا يبقى تنضرب بردو وهاكذا الراجل كان بيزود بالعشره جنيه مع انه لما سالنا عرفنا انه عنده غير العربيه ال128 عربيه تانيه مش عارف نوعها ايه وانه مديا مستريح بس هو عايز يخلع وقعدنا بالظبط حوالى عشر دقائق نتكلم ونقول زود والا هنضرب وفى الوقت ده كنت هموت على نفسى من الضحك انا والناس الى واقفه لحد ما وصلنا 250 جنيه وقلنا الحمد لله على كده كويس انه دفع اصلا بس انا بصراحه بعد ماروحت كنت مدايق جدا لان انا معرفتش اجيب حقى بالادب وان الراجل لما الناس احترمته اتكلم بطريقه استفزازيه جدا واعد يغلط فى الناس ولما الناس اتنرفزت وجابت اخرها وكانوا هيضربوه احترم نفسه ووقف مع الناس واتكلم بطريقه غايه فى الاحترام والادب وتقمرونى بايه وكلام من ده كتير وفى ناس قالتلى ولدك غلطان لانه اتكلم معاه اول يوم باحترام ومدخلش فيه شمال مع انه من اول مره كان عمال يطول فى الكلام والحمد لله ان الموضوع جه على اد كده ولسه العربيه بقى والدى هيبقى يا خد يومين اجازه من الشغل يروح يسال فى التوكيل على التصليح ويسال بره عند سمكريه يكونوا كويسين ويقارن انهى افضل مع انى حاسس ان والدى احتمال كبير يفضل التوكيل لانه كمان خايف لو عمل الرفرف بره تطلع من الضمان وادعولى انها تخلص بقى على خير باذن الله |
#9
|
|||
|
|||
رد: رجاء سرعه الافاده فى حادث لوجان
|
#10
|
|||
|
|||
رد: رجاء سرعه الافاده فى حادث لوجان
اقسم لك بالله انت لو كنت شوفته وشوفت حركاته كنت اتشليت منه من غير ما يتكلم معاك ولاكلمه هو اصلا قاصد يخلينا نزهق منه ونمشى وكان نفسه يخلينى اغلط فيه علشان يقول ابنك غلط فيا ودى تبقى اصاد دى وبصراحه انا كنت هتشل بس كنت ماسك نفسى بالعفيه ومعظم الناس الى كانت واقفه معايا كانوا ملهمش فى الضرب وكده بس هم اتديقوا من طريقته وطريقه كلامه وانوا هو عايز يمشى ويسبهم مش مقدر ان فى ناس وقفه بتكلمه وكل شويه عايز يقوم يمشى ويقول الى انتوا عيزين تعملوه اعملوه انا مليش دعوه وده قضاء وقضر وبصراحه انت لو تشوف شكله لما قلوله هنضربك كنت قولت دى بس عندى كفايه وكان بيقول عيب كده الكلام ده ميصحش وده مش اصول بس بعد ايه واول ما دفع الفلوس الناس قلتله امشى وبعد كده اتقى ربنا وانا عن نفسى مكنتش عايز اصلا انى اخد حقى بالشكل ده والحمد لله على كل شيء
|
|
|