تحذير بلطجية على الدائرى اليوم و كسرو زجاج عربيتى!

[sayed2077]

انا عندى مفهمهم فى البيت ان اى حد هيفكر انه يعترض طريقى ميتفجئوش لو انا خبطه وده انا مجهز نفسى عليه من زمان وديما كنت اقولهم
اى حاجه هتحصل فى الطريق كله يوطى وينزل تحت ومالكوش دعوه باللى هيحصل مهما كان ايه هو

وربنا يستر

[3bdo]

كتير مين بس يا عم الحج يعنى وزارة الداخلية مش قادرة تجمع 60 واحد يروحوا يهجموا على المكان

[hamed2020]

المشاركة الأصلية كتبت بواسطة sayed2077 انا عندى مفهمهم فى البيت ان اى حد هيفكر انه يعترض طريقى ميتفجئوش لو انا خبطه وده انا مجهز نفسى عليه من زمان وديما كنت اقولهم اى حاجه هتحصل فى الطريق كله يوطى وينزل تحت ومالكوش دعوه باللى هيحصل مهما كان ايه هو وربنا يستر

والله كنت لسه هقول التعليق ده
انا كل ما حد يقول انا خايف و الطريق بيقطعوه و ربنا يستر
بقوله دول بنزين ووطي و الي يحصل يحصل

[Elsebily]

ياجماعه دوس بنزين ووطي ايه بس بلاش حد ياخد قرارات عشوائيه ممكن يخسر بيها نفسه واسرته تخسره للأبد أولا دول ناس معتصمين عشان انقطاع المياه عنهم بالايام وانا طبعا مش معاهم في قطع الطريق والمنظر ده ولكن بردو مع الجهل وقلة الحيله والانفعال وهوجة قطع الطرق اللي في البلد اليومين دول فعملو كده والموضوع ده ملوش حل غير انك تقف ومتثيرش اي مشاكل لاني خطوه زي بتاعة دوس ووطي دي لو واحد منهم مات القانون اللي مقدرش يحميك والطريق واقف بيك للاسف هيطبق عليك لما تقتل واحد منهم ولو محدش مات وقدرو يوقفوك هتتمني ساعتها اني القانون يطبق عليك ومن الاخر موضوع قطع الطرق ده ياما يتحل من فوق ياما مش هيتحل خالص وعشان اكدلكم بردو اني كان فيه واحد بردو راكب عربيه لانسر وعمل نفس الحركه دي ايام مخيمات السلام اللي كانت عند ماسبيرو وخبطهم ومش عارف اقولكم بجد عملو فيه ايه ومفيش حد حتي رفع شماعه يدافع بيها عنه وخد حكم بعدها مش فاكر قد ايه مع انه له حق في انه يعمل كده وانا متفق معاه مليون في الميه لاني الطريق من حقه لكن البلد دلوقتي مبقتش زي الاول ولازم كلنا نفكر في عواقب اللي هيحصل قبل ما نعمله وأنا شخصيا مش معاك انك تعرض اسرتك لخطر زي ده وهبقي مخالف ليك ولكل الاراء اللي فاتت واقولك انك لازم كنت تستني وربنا قدر ولطف انك قدرت تفلت وحمدلله عالسلامه

[osama-am]

المشاركة الأصلية كتبت بواسطة hamed2020 والله كنت لسه هقول التعليق ده انا كل ما حد يقول انا خايف و الطريق بيقطعوه و ربنا يستر بقوله دول بنزين ووطي و الي يحصل يحصل

مش معقول يكون ده الحل !!! والداخليه واقفه تتفرج ؟؟ هما ياما يفترو على الناس يااما يسبونا لكلاب الطريق ؟؟ هو احنا هانخترع ياجدعان ماهو فية فى كل دول العالم مشاكل والشرطه بتحلها ؟؟ !! اقول ايه بس ربنا ينضف البلد من البلطجه ومن السلبيين المتخازلين كمان ..