تصميم مكتب انيق ومحترم

[hal71]

البورسلين عمره الإفتراضي أطول في حالة الإستخدام الشاق جداً لكن الأرضيات الـHPL أفخم بكتير و معمرة برضه لكن مش زي البورسلين و السيراميك غير عملي و هيتاكل سطحه بسرعة - أما بالنسبة للقاطوع الجبس فهو نمطي التصميم يعني م بيختلفش هو قطاعات من الصاج المجلفن بتركب في الأرض و السقف و قوايم داخلية كل 60 سم و يتم تجليد الجبس عليه
شغل الجبس زي ما قلت لحضرتك لا داعي له لو السقف نضيف لأنها هتبقى تكلفة بدون داعي فبلاش منه و ممكن تخللي الكورنيشة الفيوتك كبيرة شوية
خذ بالك هتحتاج نجار ياكل سنتيمتر واحد من الباب من تحت وكهربائي يمد لك خراطيم الكهرباء عشان لو عايز مفاتيح أو فيش في القاطوع
و لو عايز باب في القاطوع لازم تقول للصنايعي عشان يقوب لك القاطوع مكان الحلق
تحياتي

[sameh.rafat]

المشاركة الأصلية كتبت بواسطة hal71 البورسلين عمره الإفتراضي أطول في حالة الإستخدام الشاق جداً لكن الأرضيات الـHPL أفخم بكتير و معمرة برضه لكن مش زي البورسلين و السيراميك غير عملي و هيتاكل سطحه بسرعة - أما بالنسبة للقاطوع الجبس فهو نمطي التصميم يعني م بيختلفش هو قطاعات من الصاج المجلفن بتركب في الأرض و السقف و قوايم داخلية كل 60 سم و يتم تجليد الجبس عليه شغل الجبس زي ما قلت لحضرتك لا داعي له لو السقف نضيف لأنها هتبقى تكلفة بدون داعي فبلاش منه و ممكن تخللي الكورنيشة الفيوتك كبيرة شوية خذ بالك هتحتاج نجار ياكل سنتيمتر واحد من الباب من تحت وكهربائي يمد لك خراطيم الكهرباء عشان لو عايز مفاتيح أو فيش في القاطوع و لو عايز باب في القاطوع لازم تقول للصنايعي عشان يقوب لك القاطوع مكان الحلق تحياتي

طيب في الحاله ديه افضل لون للارضيه هيبقي ايه وهو الباركيه الي بتقول عليه صناعه ايه ويتفع اجيبه واي حد يركبه وهل ليه وزره ولو عملت باركيه شكل القاطوع هيبقي ايه علشان يبقي شيك

[sameh.rafat]

يعني ايه

حاجة تكون الأرضيات الخشبية رتبة 33

[hal71]

الباركيه الصناعي اللي هو الـHPL حضرتك بتختار لونه حسب ذوقك فيه أشكال لا حصر لها و زي ما قلت لحضرتك فوق في أول مشاركة إن فيه نوعين من الوزرات بيركبوا عليه و التركيب بواسطة فنيين مختصين بهذه الأرضيات و معنى كلمة ((رتبة 33)) ده رقم تصنيف لقوة تحمل الأرضيات و مقاومتها للبري و التآكل الناتج عن إحتكاك الأحذية وخلافه و أنصح بأي نوعية إنتاج أوروبي كرونوس و ما يماثله

[hal71]

السلام عليكم
: 1200F8~158: