رد: ما هو تقييمك لوكيل هيونداي و مراكز الخدمه
السلام عليك يا جماعة انا كنت فى شركة من شركات غبور فى تدريب مدة سنتين كانت شركة بريما اكبر شركة لتجميع هيونداى فيرنا والاكسنت القديمة و(السوناتا من موديل 2007 وانت طالع)
بالنسبة للتجميع كان بجد كويس بالنسبة للفيرنا كان كل حاجة فيها كويسة ولما بنلاقى مثلا جزء شاكين فيه على طول بنغيره يعنى مرة غيرنا موتور عشان كنا شاكين فيه
اما بالنسبة للاكسنت كان تجميعها كويس ما عدا اخر دفعة كانت مش اوى اللى هيا فى اول 2007 بس مكتوب عليها 2006 ومعظم الناس ما تعرفش ان فى 2007 من الاكسنت القديمة
اما بالنسبة للسوناتا فكان تجميعها ممتاز بكل المقاييس لان مكنش اى حد بيشتغل فيها كان الناس الكيبرة فقط
وكنت ساعات بروح على مركز الخدمة اللى جنب الشركة عندنا فى الكيلو 28 ابو رواش (شركة ايتامكو)
وكانت الخدمة فيها ممتازة بس مش من كل الناس فى مهندس اعرفه هناك فى منتهى الذوق اسمه عاطف اسكاروس دة مسئول عن الهياكل على حسب ما اتذكر وغيره الكثير بس فى كل مكان تلاقى الوحش والحلو
وعشان تتفادى موضوع الزحمة ممكن تروح بدرى يوم الصيانة يعنى مركز الخدمة بيفتح من الساعة 8.30 تقربيا على ما اذكر يعنى لما حضرتك تكون هناك الساعة 9 تكون كويس
أرجو ان اكون وضحت الصورة العامة من التوكيل لان معظم الناس فاكرة التوكيل مش كويس لا بالعكس فى ناس محترمة جدا
وشكرا
__________________
إنا لله وإنا إليه راجعون (يَا أَيَّتُهَا النَّفْسُ الْمُطْمَئِنَّةُ ارْجِعِي إِلَى رَبِّكِ رَاضِيَةً مَرْضِيَّةً) لن أنساك أبدا رحمك الله يا أخى (خالد خليفة) أرجو منكم قراءة الفاتحة
التعديل الأخير تم بواسطة Ahmed_lol2007 ; 01-09-2009 الساعة 07:39 PM
|
