اتمنى مساعدتكم ... للاهميه

[احمد باشا]

انا كنت في نفس المشكله في المقارنه بين الخليجي و المصري ( ده بالنسبه للالنترا الجديده ) و في الاخر اخترت المصري و ليا اسبابي وهي :-

1- الموتور الخليجي غير الموتور المصري و ده معناه ان قطع غيار الموتور نفسه هتبقا قليله او مش موجوده و انا بصراحه كان معايا مازدا وطلع عيني في اللف علي قطع الغيار وما عنديش استعداد اكرر الموضوع ده تاني .
2- انا متاكد تماما ان الموتور الخليجي بيحتاج بنزين 95 ولو فرضنا ان حنحط بنزين 92 المتوفر عندنا في مصر هنحتاج طرمبه بنزين في خلال فتره من 6 شهور الي سنه.
3- عشان ندخل العربيه الخليجي الضمان عند غبور اعتقد هندفع مبلغ من 3 الي 5 الاف جنيه وبالتالي التوفير الي عملناه في الاول راح تقريبا (الي هو ال 10 الاف جنيه الفرق)
انا اخترت المصري ( غبور ) عشان الاسباب دي ... اتمني اكون افدت حضرتك واي حد هيقرا الموضوع مستقبلا

[شريف حجازي]

المشاركة الأصلية كتبت بواسطة سيدة القصر مساء الخير... اولا احب اشكر القائمين على المنتدى الاكثر من رائع ,واشكر كل من كتب وتشاور واعطى تجاربه الصحيحة سواء بعالم السيارات او غيره... دلوقتى احب اعرفكم سبب كتابى للموضوع وخاصة فى القسم دا واتمنى انكم تساعدونى انا نويت بأزن الله اشترى عربيه جديدة والحقيقه دى اول عربيه ليا... ولفيت كتير وشفت معارض كتير وبالصدفه شفت ع النت الهونداي RB وعجبتنى جدا وشفتها وانا مسافرة على طريق مصر الصحراوى بس من برا وهى ماشيه بصراحة شكلها خطفنى جدا قلت بس هى دى وسألت واستفسرت وعرفت ان الاوتوماتك بتاعها ب100.750 قلت كويسة ومناسبه جدا على الامكانيات اللى شفتها وقرأتها عليها وبالفعل رحت للمعارض اشوفها بأه على الطبيعه وانصدمت الصراحة لما ركبتها... عربيه خاليه تماما من المواصفات اللى شفتها من النت سواء اليوتيوبات او اى منتدى عرض لها وزعلت اوى وانا طالعه لفت نظرى الالنترا وركبتها لقيتها طبعا اوسع واشيك بفخامة بس بردو خاليه من المواصفات اللى شفتها فصاحب المعرض قالى دى الوكيل لو عايزة تركبى اركبى الخليجى نفس المواصات وحاجة تحفه وبالفعل لقيته خدنى ولقيت عربيه النترا 2012 فرق كبير بينها وبين المصرى سواء باماكنيات العربيه او سعرها او او الى اخره العربيه فيها كل حاجة تقريبا فتحة سقف وتكيف تاتش وتحكم فى الطارة وشيك بس ناقصها حاجتين مهمتين منتبهتش ليهم الى تانى يوم وهى ان مفهاش اوتو باركنج ولا فيها شاشة فوق الكاسيت CD>>اللى منها بردو بتشوف المفروض فى المارشيليه الشاره من الخلف عن طريق الكاميرا الخلفيه اللى هى بردو مش موجودة.... فقعدت افكر انا اروح ادفع 140 الف جنيه كاش فى عربيه ناقصة ليه ... ناهيكم بقا على كميه الناس اللى قعدو يقولولى انتى مش محتاجة الحاجات دى والحاجات دى بسيطة وممكن تتركب وناس تانيه تقولى اوعى تركبى حاجة احسن يلعبولك فى الضفيرة ورعبونى من قبل مااشتريها... المهم قلت ايه اصبر شويه اسبوع كدا بدل ما اتسرع وادبس فى عربيه وادفع مبلغ كبير كدا ومسكتش بردو فضلت اسال فى التوكيل مرة والمستوردين مرة الوكيل الكل اجمع ان العربيه اللى نازله دى مش 2012 اللى نازله بالكويت والخليج وان مستر غبور شايل كماليات مهمة فيها والسعر دا غالى جدا عليها والخليجى على الرغم انها ارخص حوالى 10 الاف جنيه وهى هى نفسها بتاعه غبور الهاى لاين وبصراحة خدت تأييد كبير سواء بالسعر او بالراحة النفسيه فى الفنش بتاعها بردو قلت اصبر شويه يمكن العربيه اللى انتى شفتيها تنزل وساعتها خديها بقا وانتى مطمنه سواء وكيل او خليجى وانا امبارح بلف فى النت فوجأت بمنتداكم وكميه المؤيدين واللى نافرين من الالنترا وقرات بردو ان اللى بيقول ان الار بى زيها زى الالنترا وحرام السعر دا يندفع فيها طالما مش كامله زى مانزلتها الشركة من كوريا واللى يقول دا البنزين بتاعها ممكن يبقى مش موجود علشان لو نزلت بنفس مواصفات الماتور بتاع الشركة صعب تلاقى بنزين 95 وكمان غالي..!! خلانى مش عارفه بصراحة اشتريها ولا لا ولقيت واحد اشترى الخليجى الفول اوبشن فعلا بس جابها من الخليج وراح بنفسه جابها وقال فرق السما عن الارض ولما سألوه خلصت بكام قال تقريبا ب 165 الف طبعا انا عقلى اتشتت وكدا انا محتارة جدا... مبقتش عارفه هل اجيب الالنترا الخليجى اللى شفتها واركبلها الحاجات دى عادى باه واكون وفرت 10 او 15 الف جنيه ولا ابعت اجيبها من برا زيها بالظبط ولا اجيب عربيه تانيه خالص وابعد تماما عن الهونداى..؟!! انا اسفه جدا انى طولت عليكم بس اعزرونى دى اول مرة اجيب عربيه ليا ومش عايزة اغلط غلطة ازعل عليها بعدين وخاصة ان المبلغ مش بسيط على الاقل بالنسبه ليا

بصي في الاول لازم تحددي استخدامك للعربية يعني انتي هتركبيها لواحدك ولا معاكي اولاد وهل بتحتاجي شنطة واسعة مثلا ولا لا وهل فية حد تاني هيركبها معاكي ولا انتي لواحدك الي هتركبيها واهم حاجة المسافة الي هتركبي العربية يوميا حوالي كام كيلو وصدقيني الاسئلة دي كلها مهمة علشان اقدر افيد حضرتك يعني في اختيار العربية المثالية ليكي فلازم في الاول تجاوبي علي الاسئلة كلها
وثانيا هل المبلغ الي معاكي هتدفعية كلو كاش ولا هتبقي منو جزء للتقسيط وهل عندك استعداد تدفعي المبلغ دة كلو وتبقي جزء
ثالثا هل حضرتك بتحبي السيارات الكوري علشان قطع الغيار ولا فية حاجة تانية بتخليكي بتحبي الكوري وهل عندك استعداد لتغيري من كوري لاوربي مثلا
وعندما تجاوبي علي الاسئلة دي كلها هتلاقي ردي عندك لاختيار السيارة المثالية لاحتياجاتك انتي واسرتك وبالتوفيق ان شاء الله

[سيدة القصر]

اولا اشكر الجميع ع الرد... بالنسبه لاسالتك استاذ شريف
اولا العربيه بتاعتى انا شخصيا.. وانا بنت لست متزوجة علشان يكون عندى اولاد..
بالنسبه للسفر عادى يعنى مصايف دراسة للجامعه طبعا مش بشكل يومى
ومفيش مشكله لو حد فى البيت ركبها معايا اخويا مثلا
بالنسبه للدفع.. كاش ان شاء الله
بالنسبه لموضوع الكورى .. مش فكرة الفكرة ان الناس بمصر نصحونى بيه لوفرة قطع غياره
وانا يهمنى بالعربيه شكلها يكون انسيابى وكيوت.. وتكون اتوماتيك ومييزة واوبشنها حلو مش بسيط...

[شريف حجازي]

المشاركة الأصلية كتبت بواسطة سيدة القصر اولا اشكر الجميع ع الرد... بالنسبه لاسالتك استاذ شريف اولا العربيه بتاعتى انا شخصيا.. وانا بنت لست متزوجة علشان يكون عندى اولاد.. بالنسبه للسفر عادى يعنى مصايف دراسة للجامعه طبعا مش بشكل يومى ومفيش مشكله لو حد فى البيت ركبها معايا اخويا مثلا بالنسبه للدفع.. كاش ان شاء الله بالنسبه لموضوع الكورى .. مش فكرة الفكرة ان الناس بمصر نصحونى بيه لوفرة قطع غياره وانا يهمنى بالعربيه شكلها يكون انسيابى وكيوت.. وتكون اتوماتيك ومييزة واوبشنها حلو مش بسيط...

اوك هعرض عليكي شوية سيارات واتمني انهم يلاقو اعجابك
1 - نيسان تيدا والسبب سيارة يباني - انسيابية جدا - عملية في استهلاك البنزين - شكلها بناتي وخصوصا الهاتش باك وسعرها اقل من الالنترا يعني حوالي 115000
2 - متسوبيشي لانسر السبب سيارة يباني برضو - ممتازة في اعاده البيع - قطع غيار متوفرة جدا عند كل الناس - محبوبة الشعب المصري وسعرها الهاي لاين بفتحة السقف وموتور 1600 وخمس جنوط اسبور واسبويلر وفوانيس شبورة وكماليات اخري كثيرة جدا حوالي 130000 الهاي لاين بتعتها
3 - كيا سيراتو السبب انها سيارة منتشرة جدا في السوق دليل علي قبولها من الشعب وتوكيل محترم جدا جدا وعن تجربة وسيارة انسيابية فعلا وشكلا وموضوعا جميلة
وسعرها برضو حوالي 114000 الي 128000
وهناك اسعار سيارات تانية كتييييييييييييييييييييييي ر ازا حبيتي تعرفيها وموديلات تانية ارشحهالك لو حبيتي تعرفي عنها اي معلومات انا في خدمتك وبالتوفيق

[RAYAN]

من راى الشخصى ان النترا 2012 بجد غالية اوى ولو انت بتحبى الكورى هاقولك على عربية تحفة veloster 2012 بديلة هيونداى كوبيه بس ليها بابين فى جنب السيارة الايمن واثق انها هتعجب حضرتك
http://worldwide.hyundai.com/showroo...r-gallery.html
دة لينك مباشر لصورها ولو عجبتك ابعتلك مواصفاتها