احصائية تهم الجميع عن البنزين

[حسن بكر]

أنا كان معايا دايهاتسو شاريد ياباني حطيت 90 كانت زي الفل وبعدين حطيت 80 كانت زي الفلين لأنه أرخص كتير وماجابش أي مشاكل - دلوقتي معايا لادا ماشيه بأي حاجة 90 أو 80 ولما وجدت ما فيش فرق خالص طبعا استرخصت وفضلت أأكلها 80 والحمد لله

[engahmedsayed]

ياجماعه و الله الكلام ده المظبوط و الكلام قلى بيتقال نصب فى نصب
يعنى ايه
الفرق ما بين البنزين 80 و 90 و 92 و 95
مش فى النقاوه بتاعة البنزين او جودة البنزين لالالالالا
الفرق فى نسبة الضغط بتاع المكابس قلى فى البنزين بيتحكم فيها عن طريق نسبة الرصاص لا نى العربيه بدخل مقدار من البنزين فى المكبس الاحتراق و بيحترق او بينفجر العربيه بتيبقى مظبوطه على مستوى ضغط معين يعنى بنجيب بنزين بينسب العربيه
بنزين 80 ليه ضغط معين و اى فئه من البنزين على حسب السعه الليتريه بتاعة العربيه
يعنى لو واحد موتوره مثل 1000 سىسى مش محتاج بنزين 90 او 92 او 95 لانو نسبة الضغط هتكون عاليه قوووى
واحد مثلا راكب عربيه جب شيروكى مثلا مينفعش يحد 80 لانو نسبة الضغط هتكون قليله على الباستم فا مش هتكون
بالكفاءه بتاعتها
يارب اكون وافقت فى الشرح

[Devill Blood]

المشاركة الأصلية كتبت بواسطة engahmedsayed ياجماعه و الله الكلام ده المظبوط و الكلام قلى بيتقال نصب فى نصب يعنى ايه الفرق ما بين البنزين 80 و 90 و 92 و 95 مش فى النقاوه بتاعة البنزين او جودة البنزين لالالالالا الفرق فى نسبة الضغط بتاع المكابس قلى فى البنزين بيتحكم فيها عن طريق نسبة الرصاص لا نى العربيه بدخل مقدار من البنزين فى المكبس الاحتراق و بيحترق او بينفجر العربيه بتيبقى مظبوطه على مستوى ضغط معين يعنى بنجيب بنزين بينسب العربيه بنزين 80 ليه ضغط معين و اى فئه من البنزين على حسب السعه الليتريه بتاعة العربيه يعنى لو واحد موتوره مثل 1000 سىسى مش محتاج بنزين 90 او 92 او 95 لانو نسبة الضغط هتكون عاليه قوووى واحد مثلا راكب عربيه جب شيروكى مثلا مينفعش يحد 80 لانو نسبة الضغط هتكون قليله على الباستم فا مش هتكون بالكفاءه بتاعتها يارب اكون وافقت فى الشرح

كلام سليم جدا يعنى لو معايا عربية 1300 سى سى كفاية 80؟ وياريت تقولى سعر البنزين 90 يعنى أنا بروح افول التنك ب 30 جنية 80 طيب لو 90 يبقى كام؟

[mansoub504]

يا جماعة انا عن نفسي معايا 133 موديل 79
وبحط 90 لاني جربت فيها ال 80 خلاني بغير فلتر كتير وبيتحرق اسرع
يعني كنت بروح الشغل من شبرا للهرم بمون 80 ثلات مرات في الاسبوعين ولما حطيت 90 بقيت امون مره واحده كل اسبوع
غير ان العربية مع ال 80 بتكون مخنوقة جداً
علي فكره عشان ما حدش يتريق
السيات اللي معايا من جوه مش سيات يعني 27 علي 28
وإن شاء الله هاركبها ريداتير إضافي قريب إن شاء الله

[خالداعزالناس]

انا فى السعوديه
البنزين هنا نوعان فقط
بنزين 91 ثمن اللتر يعادل بالمصرى 70 قرش
بنزين 95 ثمن اللتر يعادل بالمصرى 90 قرش
انا معايا هيونداى اكسنت موديل 2004
وبحطلها بنزين 95