|
برايد Pride اقدم سيارات كيا انتشاراً فى مصر تم اعادة تجميعها استنادا على موديل فورد - مازدا المسماه فورد فيستيفا او مازدا 121 ويعاد تصنيعها فى ايران وسوريا حتى الان |
|
أدوات الموضوع |
#6
|
|||
|
|||
رد: >>>. من يهتم بتعديل الكيا برايد ..؟؟؟؟؟؟؟
شكرا ياباشا علي ردك وتشرفني في اي وقت وفي اي حته
|
#7
|
||||
|
||||
رد: >>>. من يهتم بتعديل الكيا برايد ..؟؟؟؟؟؟؟
اهلاً اهلاً اوشا باشا
تسلم ايدك على الموضوع الرائع ده وباعتبارى من عشاق البرايد يسعدنى اتابع مشروعك لتعديل العربية بس نصيحة موتور الريو ال 1400 DOHC كفاية اوى عليها انت اكيد جربت المانيوال ال 1300 ستوك وشوفت سحبها عامل ازاى فانا شايف ان الموتور بتاع الريو هيبقى مناسب جداً ويركبله عفشة الريو برضو مع الشدادات والتهبيط والشكمان بالهيدرز 4-2 هتبقى حكاية وال ABS ملوش لازمة اوى وافضل كمان لو فيها باور يتشال علشان الهاندلينج يبقى اكثر دقة وبالنسبة للكاوتش افضل يكون 14 فلات والعرض ميزدش عن 180 علشان ميكحكش فى المساعدين ده موضوع كنت عاملة من زمان عن التعديلات الفيجوال احلى تعديلات على الكيا برايد وفى انتظار منقشاتك المتميزة دايماً |
#8
|
|||
|
|||
رد: >>>. من يهتم بتعديل الكيا برايد ..؟؟؟؟؟؟؟
في الاول اسف علي تأخري علي حضرتك في الرد وشكرا ليك ياباشا لمتابعتك موضوعي انا من خلال المنتدي الجميل ده
عرفت ان حضرتك مهتم بكيا برايد ومن عشاق هذه العربيه وانا ان شاء الله هبدا تعديل العربيه في القريب وهتابع معاكم في المنتدي ان شاء الله اما بالنسبه للماكنه فأنا لقيت DOHC v16 وديه 1600 ومكنه سيفيا 1500 2 كامه وصعب تقريبا الاقي مكنه الريو 1400 في الحرفيين علشان المكنه جديده وانا علي العموم حابب احت مكنه كبيره علشان انا مش كل يوم هحت مكنه وفي نفس الوقت انا بسافر كتير وعايز مكنه كبيره تريحني في السفر يعني حتي لو ماشي 180 مش عايز اسمع صوت المكنه زي منا بسمعها علي 120 دلوقتي في العربيه ولو لقيت المكنه برده اكيد ان شاء الله هفكر اجيبها بالنسبه للعفشه الريو فهل ينفع تتحت في الكيا برايد وانا علي فكره هدور علي طنابير كبيره وطنابير خلفيه فيها سكاكين وراء علشان العربيه تعرف توقف المكنه الي هحتها وايه فكره حضرتك في شيل البور بتاع العربيه علشان انا مش فاهم قصدك ايه بالنسبه للكاوتش امال الجنوط الي في الصور الي ناس حتاها ديه ايه جنوط 16 ازاي مش بتحك عموما انا عايز اعلي ثبات علشان الجري بالعربيه علي سرعات عاليه مستني حضرتك علشان توضحلي بعض الامور الهامه قبل مبدأ التظبيط والتعديل وعايزين نحسب كمان الاسعار والتكلفه حتي ولو مش بالظبط |
#9
|
||||
|
||||
رد: >>>. من يهتم بتعديل الكيا برايد ..؟؟؟؟؟؟؟
اولاً بالنسبة للموتور افضل طبعاً يكون موديل قديم علشان تلاقى قطع غياره والتكنولوجيا الاقدم اسهل فى التركيب والصيانة وعامة مكنه السيفيك ديه من نفس عائلة مواتير مازدا B اللى منها الموتور الاصلى http://en.wikipedia.org/wiki/Mazda_B_engine بس عايزك تاخد بالك ان الموتور الاصلى عندك حالته من وصفك ليه وكونة بفتيس اوتوماتيك يخليه بالكتير بيطلع 50 - 55 حصان فى حين المازدا B3 الانجكشن المانيوال زى اللى بينزل فى البرايد الايرانى بيطلع 63 حصان وهو ستوك ومع تعديلات بسيطة فى نظام العادم والاشعال ممكن يعدى 75 حصان بسهولة وده هيديك اداء كويس جداًَ سواء داخل المدينة او خارجها خاصة مع وزن العربية وخصائص المحرك نفسها اللى بتخليها يطلع عزم كبير على عدد لفات قليل بداية من 2500 لفة وبالتالى المشى طوالى على سرعات 100 - 120 كم فى الساعة مع الغيار الخامس وعداد لفات الموتور فى رينج 2000 - 2500 اما الموتور ال 1500 فده بيطلع حوالى 95 حصان يعنى ضعف القوةالحالية تقريباً وبالتالى هتحتاج تعديلات اكتر فى العفشة والبودى اما بالنسبة للصوت العالى فده هتلاقيه برضو مع الموتور الجديد لان العربية اصلا عزلها مش كويس او تقدر تقول غير موجود اصلاً فلو حابب تهدى صوت الموتور يبقى تعالج العزل فى العربية كلها (الابواب - والحوض ) وعامة اى مكنة على 180 لازم تسمع صوتها والا يبقى انت عايز مرسيدس بالنسبة لفرامل الريو المفروض نظرياً تنفع بس لازم العفشجى اللى يأكد سهولة تطبيق ده وعمليته وهل هتحتاج تغير حاجة اكتر من الفرامل كمان ولا ديسكات وتيل وبس بالنسبة للباور افضل انه يتشال علشان يدعم ثبات العربية على السرعات وعامة خاصة مع تعزيز قوة الموتور بالنسبة للكاوتش والجنوط انا قصدت ان عرض الكاوتش ميزدش عن 180 مش بتكلم عن ارتفاع الجنط لان عرض الكاوتش اكتر من كده بيقرب جامد من طبق المساعد الخلفى لكن بالنسبة لحجم الجنط لاحظ ان العربية اصلاً عالية 16 سم والمفروض لو هتعلى الاداء بشكل رياضى يبقى تهبط العربية على الاقل 15 سم او 14.5 مع العفشة السبور الناشفة وبالتالى لو زودت الجنط عن 14 هتبقى مش مريحة خاااالص ف 14 هيبقى كويس شكلاً مع تهبيط العربية ولو هتستخدم 15 بوصة لازم تستخدم كاوتش فلات وده غالى وهينشف العربية اكتر بس هيديك ثبات تحفة |
#10
|
||||
|
||||
رد: >>>. من يهتم بتعديل الكيا برايد ..؟؟؟؟؟؟؟
ايه الاخبار عملت ايه
|
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
رابطة ملاك الكيا برايد " افيدونا افادكم الله " | mooneyes | برايد Pride | 1 | 09-02-2014 12:37 PM |
حكايتى مع الكيا برايد 99 | Abo.ZiaD | برايد Pride | 4 | 16-01-2014 12:47 PM |
الكيا برايد في رأيي | Eng. Hany Mostafa | برايد Pride | 11 | 01-01-2014 05:44 PM |
معلومات عن فرش ابواب الكيا برايد | mr.fooz | برايد Pride | 8 | 28-10-2011 05:30 PM |
ارجو الافادة من خبراء الكيا برايد ؟؟؟؟؟؟؟؟؟؟؟؟ | ahmedzizo | برايد Pride | 6 | 10-04-2010 09:46 PM |