سؤال بخصوص تركيب جنزط سبور للادا

[ahmdmagdy]

المشاركة الأصلية كتبت بواسطة ايمن عبدالحميد افضل جنوط للادا هى جنوطها الاصلية - قوية وتتحمل الصدمات والاسبور حملها تقيل على العفشة ،ومجرد شكل على الفاضى وممكن تنكسر فى مطب جامد ، وهتصرفلك على الاقل 1500ج يبقى تعمل بيهم حاجة مفيدة ، تركب علبة دركسيون نيفا خمسة بلية تخلى الدركسيون احسن من البور ، ويتبقى معاك حوالى 600ج او اكتر تروش بيهم العربية ، كاسيت نظيف فرش كويس دواسة جلد او اسبراتير الكترونى يخلى الموتور يدور زى ساعة بج بن، تبقى عملت حاجة مفيدة والجنوط العادية تجيب لها طقم اطواق مانهاتن استانلس وطقم كوبايات استانلس روسى جديد يبقى معاك عربية سكر واى خدمة ، وعلى فكرة انا ركبت جنوط اسبور وخلعتها بعد شهر من كتر المشاكل ولية موضوع عنها ضمن موضوعاتى، وعربيتك شكلها مصرى هاتلها جوز اكصدامات روسى استيراد ب 600 ج هيخلوها لها طعم تانى بدل الاكصدامات المصرى العرة دى

انا اقتنعت بكلامك و مش هجيب جنوط بس ممكن اعرف سعر كاوتش اللادا كام لو نوع متوسط مش غالي الفرده تعمل كام

[mr_astra]

للاسف سعر الكاوتش زاد بطريقة مبلغ فيها جدا
عموما النوع المتوسط ممكن يكون ماكسس الفردة اعتقد وصل سعرها الى 280 جنية ومش موجودة
ومقاس 13 قليل جدا جدا فى السوق

[ahmdmagdy]

انا سألت علي نوع اسمهGTالفرده بـ300 ده كويس ولا لأ هو اندونيسي

[mr_astra]

للاسف مش كويس
هات اى حاجة اوروبي والسعر اللى حضرتك بتقول علية غالى
خليك فى الاروبي او اليابانى

[ahmdmagdy]

المشاركة الأصلية كتبت بواسطة mr_astra للاسف مش كويس هات اى حاجة اوروبي والسعر اللى حضرتك بتقول علية غالى خليك فى الاروبي او اليابانى

طيب جضرتك تنصحني اجيب كاوتش نوعه ايه بالضبط