سيارات مسروقة بتتباع على النت

[ahany]

المشاركة الأصلية كتبت بواسطة mhamdy75 ماعتقدش هايعلن عن رقم اللوحات شكرا على الموضوع

انا متعقد من الموضوع دة . اما بخصوص رقم اللوحات عادى جدا
وانا هحكى لية انا متعقد من الموضوع دة وخايف حد يقع فية
فى عام 2008 اشتريت عربية مت السوق وكانت دايو نوبيرا اتوماتيك موديل 2006 والرخصة باسم المالك وتم نقل الملكية باسمى بعد عمل عقد مسجل
اظن مافيش احلى من كدة ؟؟؟؟؟؟؟؟
وبعد 6 شهور لقيت بكس ونقيب شرطة وشوية عساكر بيخبطوا على باب الشقة ؟ خير يا حضرة الظابط ؟ قالى تعالى معنا القسم شوية علشان فى مشكلة بخصوص العربية ؟
المهم كلمت عمى ( عميد شرطة ) وقالى انزل معاهم وانا هروحلك على القسم
وكانت الفاجعة العربية مسروقة
مسروقة ازاى انا مسجل فى الشهر العقارى وناقل الملف من مرور اوسيم
وعرفنا الموضوع وكان كمايلى
تم القبض على حرامى وهو بيسرق عربية فى الاسكندرية وبعد النفخ والتعليق والسلاطات والبابا غنوج
اعترف بكل السرقات وكان متخصص فى النوبيرا
وانة باع 3 عربيات لواحد محامى من القاهرة ( دة الشخص الى اشتريت انا منة )
والاخ دة بيلعب لعبة فى مرور اوسيم بحيث انة يعمل ملف للعربية ورخصة ونمر ( عربية ورقها سليم وكلة تمام )
وطبعا الرخصة باسم المالك وتروح المرور وترخص عادى مافيش مشكلة
علشان كدة انا لما شوفت الاعلان والاسعار دى شكيت وافتكرت صاحبى المحامى منة لله
وربنا يسترها
على فكرة العربية اتصادرت لحين فصل القضاء فى النزاع وفى الاخر صاحب العربية جالى واتفقنا على تثمين العربية وواحد فينا ياخد نصف تمنها
ودفعلى 25 الف وتنازلت لية عن القطية واخد العربية

[kimo10]

ربنا يعوض عليك وشكر جزيلا للنصيحة

[hal71]

المشاركة الأصلية كتبت بواسطة ahany انا متعقد من الموضوع دة . اما بخصوص رقم اللوحات عادى جدا وانا هحكى لية انا متعقد من الموضوع دة وخايف حد يقع فية فى عام 2008 اشتريت عربية مت السوق وكانت دايو نوبيرا اتوماتيك موديل 2006 والرخصة باسم المالك وتم نقل الملكية باسمى بعد عمل عقد مسجل اظن مافيش احلى من كدة ؟؟؟؟؟؟؟؟ وبعد 6 شهور لقيت بكس ونقيب شرطة وشوية عساكر بيخبطوا على باب الشقة ؟ خير يا حضرة الظابط ؟ قالى تعالى معنا القسم شوية علشان فى مشكلة بخصوص العربية ؟ المهم كلمت عمى ( عميد شرطة ) وقالى انزل معاهم وانا هروحلك على القسم وكانت الفاجعة العربية مسروقة مسروقة ازاى انا مسجل فى الشهر العقارى وناقل الملف من مرور اوسيم وعرفنا الموضوع وكان كمايلى تم القبض على حرامى وهو بيسرق عربية فى الاسكندرية وبعد النفخ والتعليق والسلاطات والبابا غنوج اعترف بكل السرقات وكان متخصص فى النوبيرا وانة باع 3 عربيات لواحد محامى من القاهرة ( دة الشخص الى اشتريت انا منة ) والاخ دة بيلعب لعبة فى مرور اوسيم بحيث انة يعمل ملف للعربية ورخصة ونمر ( عربية ورقها سليم وكلة تمام ) وطبعا الرخصة باسم المالك وتروح المرور وترخص عادى مافيش مشكلة علشان كدة انا لما شوفت الاعلان والاسعار دى شكيت وافتكرت صاحبى المحامى منة لله وربنا يسترها على فكرة العربية اتصادرت لحين فصل القضاء فى النزاع وفى الاخر صاحب العربية جالى واتفقنا على تثمين العربية وواحد فينا ياخد نصف تمنها ودفعلى 25 الف وتنازلت لية عن القطية واخد العربية

طب الواحد يعمل إيه إذا كانت الرخصة سليمة وبإسم مالكها؟؟؟ يعني نعمل إيه أكتر للتأكد من سلامة الموقف القانوني لعملية الشراء؟؟

[crime]

فعلا بلد العجايب

[Emgrand]

حاجه من اتنيين

اما العربيات دى خارجه من حوداث ومغيره ربع ونص وتلات تربع (قابلت منهم)

او واحد بيضرب اسفين فى صاحب النمره ( برضه قابلت منهم وبيبقى صاحب النمره هيتجنن من التليفونات)