#981
|
رد: أدب الرحلات
السـجـايـر بـقـت بـــ 175 قـرش
وفى يوم سافرنا اسكندرية انا وجمال وكالعادة ركن فى مكان آمن وقعد على القهوة وسبناه وتوكلنا على الله على الشغل ورجعنا آخر النهار وجمال بـيـنـفـخ ويـفـش مالك ياعم جمال السجاير غليت وبقت ب175 قرش (وقتها ) الكليوباترا المعفنة اللى نصها خشب ونصها تراب انا / م تغلى وايه يعنى وايه يعنى ازاى وانا اظبط دماغى ازاى باستهزاء / بالسجاير ؟؟ بعصبية وصوت عالى / طبعا اومال بأيه بتريقة / تظبطها عند بتاع ظبط الزوايا ههههههههه م ضحكش جمال ولازال غاضبا انا / طيب يعنى هنرجع مصر واللاهنعلن الحداد حزنا على غلاء السجاير ونبات هنا مهزوما / هنرجع ان شاء الله يالا بينا ؟؟ لسه ايه تانى هشرب حجرين معسل علشان اظبط الطاسة يادى النيلة مش قلت انك حزين ؟؟؟ ايوه بس الحزن مش هيعمر الطاسة هيا فعلا طاسة وناقصها شوية زيت ونحمر فيها نص كيلو بطاطس اخيرا ضحك جمال وبعد شرب حجرين معسل مشينا وعند مدخل الزراعى( مبيحبش يمشى صحراوى بسلامته لان الزراعى ونس )ووقف وركن رايح فين هجيب سجاير يابنى انت مش مقاطعها م انا قاطعتها خلاص المسامح كريم ههههههههههه شوية ودخلنا على كمين ابـيـس رخصك اتفضل اركن ليه ياباشا خير اركن وخلاص وركن جمال انا / ادى أمين الشرطة 5 جنيه (وقتها كانت كتير) بغضب / دول حق 3 علب سجاير يادى الخيبة على السجاير وكملت كلامى / هدفعهم انا والله م تدفع حاجة خلاص خلينا بقى واقـفـين رهائن السجاير وراح قعد يحايل أمين الشرطة حوالى 10 دقايق وفى الأخر جائنى مهزوما هات 5 جنيه ليه اصل انا حلفت م ادفع ياسلام وغمزت له بعينى ماشى ياعم جمال آدى ال5 جنيه ودفعها ومشينا وطول السكة مفيش كلام غير عن السجاير لحد بنها وبعدين زهقت جمال نعم اطلع على محطة قطار بنها اشمعنى هرجع مصر بالقطار ليه زهقت من تاريخ حياة السجاير هههههههههه خلاص مش هتكلم فيها تانى ماشى بعد 10 دقايق اصل لما يغلو السجاير................. يوووووووووووووووووووووووو ووووووووووووووووه ارحمنى ياجمال مهو السجاير بقت بـ175 وانت حاطط ايدك فى المية الباردة عايزنى اعمل مظاهرة ؟؟؟ مفروض مفروض ؟؟؟؟ بكل ثقة / أيوه بغضب / جمال نزلنى هههههههههههه خلاص انت زعلت انا هسكت اهو بعد 5 دقايق عارف لو عملنا مظاهرة جماعية هيرجعو سعر السجاير تانى ل135 قرش والله لانزل استنى بس ابدا نزلنى وقف ونزلنى ووقف جنبى شوية يحايلنى لحد م ركبت تانى وروحت البيت واخدت حمام سخن وقاعد بتعشى وتليفون البـيت رن ايوه مين انا جمال خير والله ياعم لو عملنا مظاهرة ضد السجاير هينزلو سعرها روحت رامى التليفون فى الارض وقطعت السلك ومكملتش أكل ونمت حسبى الله ونعم الوكيل فيك ياجمال هههههههههه التعديل الأخير تم بواسطة خالدخليفة ; 18-09-2010 الساعة 09:15 PM |
#982
|
|||
|
|||
رد: أدب الرحلات
يا عم خالد ديه نهاية كل واحد حرامي ربنا مبيسبش حد حسبي الله ونعم الوكيل عبال الباقي يا رب |
#983
|
|||
|
|||
رد: أدب الرحلات
ههههههههههههههههههههههههه هههههههههههههه انا بتخيل الموقف ده ومش قادر امسك نفسي من الضحك نفسي اشوف شكل جمال دلوقتي لما السجاير بقية ب 4.50 الكيلوبترا وبعدين في اللقطة ديه جمال فكرني بحسن حسني في فيلم يانا يا خالتي بتاع محمد هنيدي لما كل شوية يدخل علي هنيدي ويقوله انا مش حرامي يا ابني وبعد ما ينام هنيدي يدخل عليه تاني ويقوله انا مش حرامي يا ابني لحد ما محمد هنيدي خبطه بالمخده ههههههههههههههههههههههههه |
#984
|
رد: أدب الرحلات
المؤتمر الثانى عشر(الاخوان المسلمون وعبد الناصر والسادات وواحد تالت )
وكالعادة لاتجد الكلام فى اى شىء وكل شىء الا فى القطارات العادية لكن فى المكيفة او الاتوبيس او الميكروباس تجد الناس مرصوصة صفوف ورا بعضها ومعظمهم نائم ولاتجد التفاعل بين الركاب والحقيقة انا اتعلمت كتير فى القطارات العادية واتبهدلت كتير برضه لانها غالبا م تكون مزدحمة او بدون شبابيك تحميك من الشمس او التراب او البرد واحيانا والله كنت اركبها فى سبيل اشوف مناظر جديدة او قصص جديدة او اتعلم اى حاجة وفعلا فى يوم كان ممطرا باردا بجد مش كلام وكنا..فى قطار الزقازيق والمناقشة احتدمت بين 3 افراد واحد بيقول / ان الاخوان احسن من اى حد ولو حكمو مصر هيصلحوها( وعرفت على طول ان ده من الزقازيق لان الاخوان نفوذهم كبير هناك ) والتانى قال / ياريتها ترجع ايام عبد الناصر كان مربـيـهم كلهم والتالت قال / والله مافيه احسن من ايام السادات وواحد رابع دخل فى المناقشة وقال / اهو واحد اكلنا المش والتانى علمنا الغش والتالت لابيهش ولابـيـنـش وبينى وبينكم لما بتيجى سيرة السياسة مناخيرى بتاكلنى تحس مكتوب على وشى حبسجى قديم /ثورجى قديم متفهموش ايه اللى بيحصل مبعرفش اقعد ساكت المهم لقيت صاحبنا الأولانى رد على الجميع وقال / سمعتو عن حد من الاخوان حرامى ؟؟؟ سكتو كلهم وكمل كلامه / طب سمعتو عن واحد من الاخوان مرتشى ؟؟؟؟ وسكتو كلهم وكمل كلامه تانى / طب سمعتو عن واحد من الاخوان اخد قروض من البنوك ومدفعش وهرب بره ؟؟؟؟؟؟؟؟ ولازال الصمت سيد الموقف راح جايبلهم الكبيرة وقال / خلاص يبقى خايفين منهم ليه لما يمسكو حكم البلد ده بلدنا دى لو اتـقـفـلت حنفية السرقة والنهب بنسبة 10% مش هنقول بنسبة 100%البلد دى هتبقى اغنى دولة والكلام شكله حلو وروحت داخل فى الموضوع وقلت / بالنسبة لعبد الناصر فكان عايش فى اوهام الزعامة والقيادة وكان عنده فرصة انه يبقى عمر بن الخطاب رقم 2 لان الشعوب العربية كلها كانت مخدوعة بكلامه وكانت بتحبه وبالتالى كان يقدر يحكم العالم العربى كله لكن هو مكانش بيدور غير على نفسه وعلى انه يبقى زعيم الأمة وخلاص وكـأ ن الزعامة دى تشريف مش تكليف وكان يخطب الخطبة من دول بنظام عبده حريقة (عبده حريقة شاعر اغانى وطنية ملتهبة متخصص فى الهاب( توليـع ) مشاعر الجماهير) سنـقاتـل... سنقاتـل......سنقاتـل وفجأة تصحى من النوم تلاقى اليهود مديـيـنا الطريحة التمام سواء فى 1956 او 1967 وفى 1967 بالذات استشهد 15 الف جندى مصرى فى 6 ساعات ده كلام ؟؟؟؟؟ (رقم قياسى فعلا لان اسرائيل بكل اسلحتها الحديث فضلت تضرب حتة ف لبنان اسمها قانا ومذبحة قانا والهيصة دى واللى ماتو 50 تصورو) وأخد البلد ملياااانة فلوس كل اللى عمله طفش المسثمرين بحكاية اعادة توزيع الاراضى الزراعية لما لطشها من اصحابها طب عايز تخدم الفلاحين مالبلد مليانة اراضى اديهم اراضى فى الصحرا ببلاش بدل م تاخد الاراضى والمصانع من اصحابها (فكرة التأميـم)يعنى ابقى راجل غنى اصحى من النوم الصبح شحات طب حتى الاقى أأكل نفسى لكنها فرقعة مقصود منها خدمة الفرد مش خدمة الناس (شو اعلامى بلغة العصر) والجيش المصرى فى عهده كان صايع فى كل دولة شوية من كينيا للكونغو لليمن للجزائر (الجزائر دى كانت واجب علينا بصراحة) وطبعا بمصاريف على حساب البلد وألزم الدولة بتعيـيـن كل الخريـجيـن وكان نتيجة ده اننا وصلنا لعدم تعيـيـن الخريـجين دلوقت غير الترهل الادارى الرهيب شو اعلامى وخلاص من أجل الفرد مش من أجل الشعب وكان الناتج استلمها السادات مديونة ب3 مليار دولار (مبلغ كبير وقتها لان الدولار كان ب15 قرش اعتقد )ومطلوب منه يحارب وعنده تركة اسمها السوفيـيت وطبعا اسهل شىء الديون واشترى اسلحة وجهز جيش بالديون وحارب وربنا اكرمه وكان ربنا رازقه براجل محترم اسمه الملك فيصل ملك السعودية كان يهيم عشقا فى مصر هذا الرجل وبعت اشترى لنا سلاح على حساب السعودية هدية لمصر والقذافى راح اشترى لنا كام طيارة هدية لمصر (وان كان بعدها الجنان اشتغل واتخانقو هو والسادات فبعت فاتورة بتمنهم وعايز فلوسهم )لكنه غلط غلطة عمره لما انشق عن الصف العربى علشان خاطر سينا اللى اخدها وهميا فقط يعنى ميقدرش يحط جيش ولايستصلح او يعمر فيها اومال هيا عطلان استصلاحها من ساعتها ليه ووقف امام العرب كلهم واليهود لقيوها فرصة وادوله فلوس علشان الشعب يهيص بيها لكن مش ببلاش وكان الناتج ساب البلد مديونة ب18 مليار دولار (كان الدولار وصل 40 قرش يوم وفاة السادات يعنى قيمة الجنيه هبطت 3 اضعاف عن يوم م استلمها النهاردة الديون وصلت 140 مليار دولاروالدولارب575 يعنى الجنيه هبطت قيمته تانى بس المرة دى حوالى 14 ضعف فى هذا العهد السعيد مع العلم ان صاحبنا بتاع اليومين دولا لاحارب ولا اتـنـيـل لكن السادات حارب) لكنه كان نفسه فعلا يخدم البلد دى واهلها ومن اشهر اقواله اللى هما بيخبوها دلوقت انه قال لوزير الاسكان ايامها (حسب الله الكفراوى) / وزع الاراضى الصحراوية على الناس بسعر 50 قرش المتر ووصل لهم المرافق على حساب الدولة (كلام كان مفروض يعمله عبد الناصر بدل التأميم ) واستعجب الوزير وقال / كده تخسر ياريس فقال جملة جميلة فعلا / انت عايز ياحسب الله الناس يبقى عندها انتماء للبلد ازاى وهم لايملكو فيها اى شىء لازم يملك علشان يحب الارض والمكان كان عنده حق النهاردة تسمع كتير من الشباب يقول / انا همشى ومش جاى تانى / او يقول تولع البلد باللى فيها وتسمع عن مصرى جاسوس لاسرائيل مفيش انتماء غير لمنتخب مصر الكروى فقط لكن لو له املاك مش هيقول كده الله يرحمك ياسادات جملة سمعتها كتـير ومن شباب لم يرو السادات ولولا غلطة معاهدة السلام لكان له شأن أخر حتى أحمد زكى الممثل كان له رؤية سياسية لما عمل فيلم عبد الناصر سماه ناصر 56 معركة انتصرنا فيها سياسيا فقط وليس عسكريا والفيلم كله يدور حول تأميم القناة وبس فعلا هذا هو تاريخ عبد الناصر أما السادات فسمى الفيلم أياااااااااام السادات فعلا كل عهد السادات كان عهدا ثريا بالمواقف والافعال ولما جه يعمل فيلم عن واحد تالت سماه / الضربة الجوية وطبعا اتوقف الفيلم بأوامر عليا هو التالت معملش حاجة لما بقى رئيس؟؟؟ كل اللى عمله الضربة الجوية بس؟؟؟؟ يعنى قبل الرئاسة؟؟؟ وواحد ضحك ضحكة خبـيـثة وقال / طب والتالت عمل ايه ضحكت انا جااااااامد هههههههههههههههههههه وقلت اما التـالت فـفى العدد القـادم ان شاء الله وضحكنا جميعا لان صحيح التالت عمل ايه حد فاكر ياجماعة ههههههههههههههههه التعديل الأخير تم بواسطة خالدخليفة ; 19-09-2010 الساعة 06:36 PM |
#985
|
رد: أدب الرحلات
حتودينا السجن قريب دا اللي انا فاكره دلوقتي!!!!!!!!!
__________________
حـازم خـضـر
|
|
|