رابطة ملاك ومحبى السفينه فيات 132

[Hisham.Elgazzar]

كل سنة وانتم طيبين جميعا عيد سعيد

ومرحبا بالعضو الجديد أستاذ \محمد

توجد سيارة 132 1800 حالة جيدة موديل 82 جنوط سبور أصلية الفاروميو ، المكان عين شمس

ياريت نتقابل قريب يا جماعه انا موجود بس معنديش نت معاكم لآخر الأسبوع
واجازة ليوم الأحد القادم

http://www.youtube.com/watch?v=Gq_PKIiMflI

[أيمن الروبي]

المشاركة الأصلية كتبت بواسطة thechemist الله ينور ياكبير على الشغل الجامد الحاجات ديه بتخليك راكب العربية وانت راضى ونفسك مفتوحة منها انا لما غسلت الرادياتير الاول رشت فيه كمية من WD40 وسبت العربية دايرة شوية عشان يغسل اى صدا أو اى حاجة يلاقيها فى طريقه وبعدين نزلت المياه وبعدين فكيت الكوعة والخرطوم وأغسلللللللللل يامعلم وبعدين روحت داخخل على العربية لكن ملحقتش انضفها من جوه كويس لأن صلاة العيد كانت خلاص فاضلها تلت ساعة سؤال ياكبير انت لو عندك خدوش فى الدهان خفيفة البولش ممكن يخفييها ؟؟؟ : Wkiss5:

علي فكره الخدتش لو واصل للفلر او المعجون مينفعش يداري الا بالرش اما لو اثار حكه من عربيه تانيه يعني بويه من عربيه تانيه نتيجة خبطه تجيب علبة كمبوند ميدو البني وتلمع وبعد تكده بولش انما البولش لوحده ميشلش بويه غريبه علي العربيه

[أيمن الروبي]

يرضيكو اللي حصل ده يا جماعه والخبر اللي حرقلي دمي ولسه جايلي حالا وانا داخل اصلي الفجر
انا كنت حكتلكو قبل كده اني حبيت اغير غطا الرادياتير علشان كام شكله قديم وجبت واحد تركي جديد ب 8 جنيه وطبعا بعد ماركبته المياه كنت بلاقيها بتنقص ومعرفش ليه لحد معرفت ان الغطا الجديد كان بينفخ مياه الرادياتير في القربه
فطبعا رجعت القديم تاني وركبته والمياه منقصتش تاني
المشكله بقي ان النهارده اخويا استلف مني العربيه وراح بيها مشوار وهو راجع علي بيته قال اشيك علي المياه فتح الرادياتير لقي المياه تمام بس شكل الغطا القديم مكنش عجبه قام راميه والمكان اللي كان فيه يعرف بتاع قطع غيار هناك راح نده عليه وجابله واحد جديد تركي ب8 جنيه قال يعني بيوجب معايا اخويا وحب يغيرلي غطا الرادياتير بواحد جديد ولما كلمته دولوقتي حكالي اللي حصل وحرقلي دمي مش عارف الاقي زي الغطا القديم فين بفكر انزل الوكاله اشوف واحد قديم زي اللي كان فيها بس المشكله في المشوار ويا تري الاقيه

[mOuStaFa_ERTU]

المشاركة الأصلية كتبت بواسطة aimooo يرضيكو اللي حصل ده يا جماعه والخبر اللي حرقلي دمي ولسه جايلي حالا وانا داخل اصلي الفجر انا كنت حكتلكو قبل كده اني حبيت اغير غطا الرادياتير علشان كام شكله قديم وجبت واحد تركي جديد ب 8 جنيه وطبعا بعد ماركبته المياه كنت بلاقيها بتنقص ومعرفش ليه لحد معرفت ان الغطا الجديد كان بينفخ مياه الرادياتير في القربه فطبعا رجعت القديم تاني وركبته والمياه منقصتش تاني المشكله بقي ان النهارده اخويا استلف مني العربيه وراح بيها مشوار وهو راجع علي بيته قال اشيك علي المياه فتح الرادياتير لقي المياه تمام بس شكل الغطا القديم مكنش عجبه قام راميه والمكان اللي كان فيه يعرف بتاع قطع غيار هناك راح نده عليه وجابله واحد جديد تركي ب8 جنيه قال يعني بيوجب معايا اخويا وحب يغيرلي غطا الرادياتير بواحد جديد ولما كلمته دولوقتي حكالي اللي حصل وحرقلي دمي مش عارف الاقي زي الغطا القديم فين بفكر انزل الوكاله اشوف واحد قديم زي اللي كان فيها بس المشكله في المشوار ويا تري الاقيه

ولا حرقت دم ولا حاجة
اول ما نتقابل اجبلك واحد اصلى بتاع بلدها انت تؤمر بس انت شد حيلك ونجمع الناس سوا
وسيب موضوع غطا الريداتير عليا وان شاءالله اجيبهولك