رد: احساسك ايه بكل امانة ............ هى مصر فيها امل يتصلح حالها وحال شبباها واهلها ؟
والله يا باشا لو حضرتك بصيت في كتب التاريخ هتلاقي ان في حضارات ازدهرت وكان ليها بصمه في تاريخ الانسانيه وكانت الحضارات منها الفرعونيه و الاغريقيه و البابليه و الاشوريه ليها مزاياها و عيوبها المهم في النهايه انتهت لتقوم حضارات اخري وكان في العصر الحديث اختلف الوضع شويه واصبح اشخاص وصنعو تاريخ منهم من صنع تاريخ بشرف و كفاح ومنهم من صنع التاريخ علي جثث معارضيه وكان التاريخ المصري دسم جدا و بالاخص التاريخ الحديث يعني من اول محمد علي باشا و انتهاء الفتره الملكيه بانتهاء الملك فاروق وانتهاء فتره حكم الملك فاروق المشهود له بالفساد وتاتي الثوره وقدمت لمصر انجازات رائعه منها بناء السد العالي و تاميم قناة السويس وطبعا مننساش كوارث الثوره حرب اليمن و النكسه وصفقات السلاح الفاسد وبديه عصر جديد من فساد السلطه وبديه عصر الاغنيه الوطنيه وبدايه النسبه المشهوره للانتخابات وهي 99.9%وبدايه احتراف التزوير وبعد كده جاء عصر حرب اكتوبر المفروض ان الحرب انهت علي مشاكل المصريين مع الاحتلال وبدايه عصر النهضه و الحريه ولكن بدا معاه سرطان الراسماليه و تجار الحروب وبداية عصر جديد لفساد السلطه ولكن بمفهوم اخر وبدايه ظهور الحزب الوطني اللهم احفظنا وبعد كده عصر العبور من عنق الزجاجه وربط الحزام والفكر الجديد والعز اه و الله العز وبدايه انتهاء الشعب المصري وايضا بدايه ظهور اخلاق ومبادئ جديده علي المصرين وكمان كلمات ما انزل الله بها من سلطان والمصيبه ان الفقير ازداد فقر و الغني ازداد غني والطبقه المتوسطه انقرضت اختفت والكارثه فساد علي كل شكل و لون ياعم ده الجنيه بعد ماكان ليه قيمه دلوقتي العوض علي الله فاكر كان الدولار ب 70 قرش و كان الريال السعودي ب 20 قرش دلوقتي الجنيه المصري بيضرب علي قفاه وخلو عمله معدنيه مش فاضل غير انهم يخرموه و يحصل الربع جنيه
هتتكلم عن المخدرات الي بقت في كل مكان وريحة البانجو بقت منتشره بشكل فظيع طبعا الدعاره و الخمور و النصب الي بقي في كل مكان و الرشوه الي من غيرها عمرك ما هتخلص نفسك
المهم علشان منفتحش موضوع طويل عريض ومش هيخلص بس بحب ابشرك ان لكل بدايه نهايه وليل لابد من نهار لازم الوضع ده يتغير وانشاء الله هيتغير للاحسن ولازم الشمس تشرق من جديد بس يا خوفي شروق شمس ميكونش من الغروب
__________________
محمد مجد
|
19-12-2010, 07:22 PM
