ارشيف الاستراحة 2011

[M.voka]

تسلم الايادى على الحاجات الجامده دى

[aymangalal]

: ROFL_C~118::R OFL_C~118:

[mahmoudey]

السلام عليكم ورحمة الله وبركاته

الموضوع ده خاص بالموظفين سواء قطاع عام أو خاص أو غيره لو فيه (المهم الناس اللى بتنزل تروح الشغل كل يوم فى مواعيد محددة وترجع بمواعيد محددة)

كلنا بننزل الصبح (من الساعه 7 الصبح لـ 10 تقريباً) طبعاً كله بيركب عربيته أو أتوبيس الشركة أو مواصلات علشان يروح الشغل
وطبعاً الدنيا بتتزحم لأن كلنا رايحيين الشغل
ونفس الكلام فى الرجوع (من الساعه 3 العصر لـ 6 تقريباً) معظمنا بيرجع من الشغل فى المواعيد ديه
وبرده الدنيا بتتزحم علشان كلنا راجعيين من الشغل

المشكلة بقى أن معظمنا برده لما بيروح الشغل:
1- مابيشتغلش أساساً
2- بيشتغل ساعتين تلاتة بالكتير على مدار اليوم كله
وده ممكن نلاحظه من الآتى:
- أنت نفسك " بتشتغل أد أيه؟ "
- شوف اللى قاعدين ع النت وهما المفروض فى شغلهم
- اللى بيتكلمو فى الموبايل طول النهار أو معظمه
- اللى بيعملوا شات مع أصدقائهم
- وغيرهم وغيرهم من اللى بيسلوا نفسهم أو بيضيعوا وقت

طيب ليه بننزل كل يوم الصبح نزحم الدنيا والطرق والمواصلات والأسم " رايحين الشغل " وآخر النهار " راجعين من الشغل "

ليه الشغل مايبقاش بالكم (الإنتاجية) يعنى الساعتين اللى بتخلص فيهم شغل اليوم كله - تخلصهم فى أى وقت (لا ترتبط بميعاد ذهاب ولا عوده)
أو مثلاً تخلصه فى البيت لو ينفع (على جهاز الكمبيوتر الشخصى وتبقى توديه الشغل وترجع فى أى وقت متاح)
أو حتى يبقى شغل الأسبوع كله تخلصه وقت مانت عاوز فى يوم فى يومين فى ساعه (المهم يخلص فى المواعيد المطلوبة)

متهيألى أن ده لو حصل هيختفى سبب كبير ومباشر لأزمة الطرق فى مصر وكمان أزمة البطالة المقنعه.

[mar mar]

انا بشوف ان الشغل بتاع ساعتين تلاته ده يبقي ممل اوي انا بحب الشغل 24 ساعه وعندس استعداد ابات في الشغل كمان لو عندس شغل كتير وساعات ابقي بشتغل في الشغل ولما اروح اكمل شغل
بص بتختلف من مكان ومن طبيعه عمل واخري وشخصيه وتانيه انا عن نفسي بمل لما بلاقي نفسي فاضيه وبشغل نفسي في اي حاجه علشان اشتغل وممكن اشتغل شغل مش شغلي بس علشان اشتغل
وبعدين البلد محتاجه كل دقيقه انك تشتغل فيها يعني لو فضيت دور علي اي شغل تاني تعملوا

[mahmoudey]

المشاركة الأصلية كتبت بواسطة mar mar انا بشوف ان الشغل بتاع ساعتين تلاته ده يبقي ممل اوي انا بحب الشغل 24 ساعه وعندس استعداد ابات في الشغل كمان لو عندس شغل كتير وساعات ابقي بشتغل في الشغل ولما اروح اكمل شغل بص بتختلف من مكان ومن طبيعه عمل واخري وشخصيه وتانيه انا عن نفسي بمل لما بلاقي نفسي فاضيه وبشغل نفسي في اي حاجه علشان اشتغل وممكن اشتغل شغل مش شغلي بس علشان اشتغل وبعدين البلد محتاجه كل دقيقه انك تشتغل فيها يعني لو فضيت دور علي اي شغل تاني تعملوا

عند حضرتك كل الحق فى كلامك

بس أنا ماقصدتش أن الكلام ده بمزاجنا انا أقصد أن فعلاً فيه ناس كتير طبيعة شغلها "مافيشهاش شغل" أو الشغل قليل
يعنى هو مالقاش شغل وماشتغلش

واللى انا كتبه ده قصدى منه أن حرااااااااااااااام الطاقات البشرية ديه تبقى غير مستغلة
يعنى ممكن اللى ماعندوش شغل خلاص يروح بيتهم يعمل حاجة مفيدة (يلعب رياضة - يشتغل شغل تانى - ينتج فى أى مجال تانى) طالما بقى عنده وقت ملكه "مش ملك الشغل اللى بيقعد فيه فاضى"