خليك صفيق وانتخب شفيق !!

[goudai]

المشاركة الأصلية كتبت بواسطة tacker طبعا لأ ..ولكن الشعب اللى قامت من أجله الثوره عاوز كده..طيب ليه ما نجربش؟؟؟ أنا لا أعتقد ذلك لأن شفيق اتربى على الأمر والنهى والتسلط والعنجهية ..وينظر للشعب المصرى نظره دونية..وهو فعلا كرئيس سيدفق الدماء ليست فى عروق الشارع ولكن على اسفلت السجون والطرقات بالقبض على كل معارضيه وارجاع أمن الدوله أقذر من عهد مبارك لأن ده اللى اتربى عليه ومايعرفش غيره أشك فى ذلك تما ما تماما للاسباب السابقة انه مايعرفش غير الأمر والنهى والطاعه العمياء (هو اتربى على كده ومنقدرش نلومه) يعنى انت معترف انهم ممثلى الشعب ..طالما الشعب هو اللى اختارهم بخطره يعنى مقتنع بطريقتهم ..يبقى لازم يلتزم بأسلوبهم ده كلام مغلوط بيردده اعوان الحزب الوطنى والفلول واحنا بنردده وراهم ..وبعدين هو امتى تسلم الأخوان الحكم علشان نعرف الحكاية دى ..ولكن شفيق تلميذ مبارك احنا جربناهم ثلاثييييييين سنه وعارفينهم كويس قوى.. وتقبل تحياتى ...

اولا الشعب يريد اذن فلينتخب ومن تؤتى به الصناديق هو من يريده الشعب
ثانيا ليس عيبا ان يامر الرئيس وينهى ويقرر طالما هناك مشورة فهى دى وظيفته اللى الشعب بيختاره علشانها وكلامك عن نظرته للشعب وما الى ذلك امر مشكوك فيه الراجل بيتعامل بمنتهى الاحترام والادب
ثالثا كلام حضرتك مع احترامى ليك كلام مرسل غير مدعوم لاهو توقع ولا هو جزم بامر مع الدليل اذن مجرد كلام
رابعا راجع دستور بلدك واعرف يعنى ايه مبدا الفصل بين السلطات وانت تفهم مقصدى
خامسا منطقيا لما نيجى نتكلم عن حزب الحرية والعدالة حتى فى الاخبار بتسمع كلمة الذراع السياسية للاخوان المسلمين والاخوان كجماعة متقوليش بقى ان هم هيعارضوا المرشد واستنتج انت الباقى ومن ناحية تانية ده مش كلام بيروجه الفلول ده كلام ناس كتير مقتنعة بيه وناس عادية مش تبع اى حزب
وتقبل تحياتى

[tacker]

اولا الشعب يريد اذن فلينتخب ومن تؤتى به الصناديق هو من يريده الشعب

أنا مقتنع بكده تماما ..والشعب يستاهل اللى يجيبه بإيده!!

رابعا راجع دستور بلدك واعرف يعنى ايه مبدا الفصل بين السلطات وانت تفهم مقصدى

ههههههههههه طيب هو مبارك عمل أيه بالدستور..ده كان بيلعب بيه زى ما هوه عاوز..ده عدله علشان خاطر ابنه ولا مش فاكر

ده مش كلام بيروجه الفلول ده كلام ناس كتير مقتنعة بيه وناس عادية مش تبع اى حزب

لأ..اسمح لى اعترض ..ده كلام فعلا بيروجه الفلول ..والمشكله ان فعلا كثير من الغلابه بيصدقوه وهمه أحرار

ثانيا ليس عيبا ان يامر الرئيس وينهى ويقرر طالما هناك مشورة فهى دى وظيفته اللى الشعب بيختاره علشانها وكلامك عن نظرته للشعب وما الى ذلك امر مشكوك فيه الراجل بيتعامل بمنتهى الاحترام والادب

حضرتك ماخدتش بالك أنا أقصد التسلط ..وهوه حسنى مبارك كان بيشاور حد ؟؟!! وشفيق تلميذه النجيب

ثالثا كلام حضرتك مع احترامى ليك كلام مرسل غير مدعوم لاهو توقع ولا هو جزم بامر مع الدليل اذن مجرد كلام

طيب ماهو كلامك عن الأخوان كلام مرسل برضه(فى حين أحنا مجربين نظام شفيق لمده ثلاثين عام)
وعاوز أقول لحضرتك حاجه ..انا مش مع الأخوان ..ولكن مستعد أنتخب أى حد غير شفيق... وتقبل تحياتى..

[abooead]

لالالالالالالا والف لالالالالالالالالالالالا للعنجهى السفاح شفيق الصفيق : 018A1D~146:

[TAREK-AVENGR]

وعاوز أقول لحضرتك حاجه ..انا مش مع الأخوان ..ولكن مستعد أنتخب أى حد غير شفيق... وتقبل تحياتى..

برافو عليك ..وانا معاك ..لأ وألف لأ ..لتلميذ حسنى مبارك الثعبان شفيق ...

[سلفيه]

شاهد .. فريد إسماعيل : شفيق باع أراضى طابا لليهود

Date: 2012-06-04 14:38:48

قال النائب فريد إسماعيل، وكيل لجنة الدفاع والأمن القومى إنه يملك مستندات تؤكد بيع الفريق أحمد شفيق ورجل الأعمال الهارب ممدوح اسماعيل وزهير جرانة وزير السياحة الأسبق 560 ألف متر في طابا ليهود.

وحذر النائب من أن هناك نهبا وبيعا منظما لثروات مصر العقارية والأراضي خاصة في محافظات حيوية تمس الأمن القومي المصري مثل سيناء.
ولفت - في جلسة اليوم الإثنين للبرلمان - الي أنه تم بيع 60 ألف فدان بطريق مصر إسكندرية الصحراوي بسعر يتراوح بين 50 جنيها و 200 جنيه للفدان , مع تحويل نشاطها من زراعي لإسكاني .
واستنكر اسماعيل قيام حكومة د.كمال الجنزوري بمصالحات خطيرة جدا مع رجال الأعمال ممن باعوا واشتروا أراضي الدولة بثمن بخس. http://www.youtube.com/watch?feature...&v=IgOE3iZic-Q