رابطة ملاك ومحبى السفينه فيات 132

[mOuStaFa_ERTU]

ايييييييييييييييه
هـو انـا اجـى تـمـشـوا انـتـوا ولاايييييه ؟؟

طـيـب
وآآآآآآدى قـاعـــدة

[Hisham.Elgazzar]

المشاركة الأصلية كتبت بواسطة mostafa3tef طـيـب وآآآآآآدى قـاعـــدة

إزيك يا مصطفى عامل اه ؟ يارب تكون بخير

انا صاحى من بدرى النهردة وروحت كزا مشوار
بكرة بإذن الله هروح أشوف موضوع الكارونة المبوشة
لأنها ممكن تفوت ولو قفشت على سرعة هتقلب العربية
تصبح على خير

[mOuStaFa_ERTU]

المشاركة الأصلية كتبت بواسطة Hisham.Elgazzar إزيك يا مصطفى عامل اه ؟ يارب تكون بخير انا صاحى من بدرى النهردة وروحت كزا مشوار بكرة بإذن الله هروح أشوف موضوع الكارونة المبوشة لأنها ممكن تفوت ولو قفشت على سرعة هتقلب العربية تصبح على خير

انت كدة بتقلقنى عليك اكتر
امشى هاااااااااادى عشان لو حصلت حاجة تعرف تسيطر
هتروح تعملها فيين قولى واحتمال اجى معاك

[Hisham.Elgazzar]

المشاركة الأصلية كتبت بواسطة mostafa3tef انت كدة بتقلقنى عليك اكتر امشى هاااااااااادى عشان لو حصلت حاجة تعرف تسيطر هتروح تعملها فيين قولى واحتمال اجى معاك

تسلم يا كبير
انا روحت الصبح ورجعت قبل الصلاه
قرط على صمولة البنيون وربط الكردان تانى
وبعدين قاللى عاوزة عمود بنيون وترس تاج

وإعمل حسابك على 1500 جنيه

قلتله اسافر قاللى سافر ، وخليها لما تنتهى خالص وبعدين نصلحها
وبإذن الله هراجع على مستوى الزيت وخلاص ، انت عارف الظروف

[محمدصلاح القاضى]

أولا السلام عليكم جميعا
وان شاء الله هيبقى عيد مبارك علينا جميعا

ثانيا انا زعلان وواخد على خاطرى جدااااا منكم كلكم
مفيش حد سأل عليا فى شدتى

عموما كنت مفكر انكم هتعملوا معايا الواجب لكن محصلش
لكن مضطر التمس لكم العذر جايز كنتم مشغولين او فى ظروف

انا الحمد لله انتهيت من دهان العربيه وقفلتها بس باقى شوية كماليات عندى بس مش هركبهم لان شكلهم مش ظريف وحلو
اتكلفت بويا وسمكره 1800 جنيه بالتمام والكمال
السمكره 300 جنيه والحمد لله مغيرتش حاجه فى الصاج كله رجع بالزرجينه
البويا
100 جنيه ثمن 5 كياو معجون وسنفره ماركة ميدو
70 جنيه ثمن فيلر وبطانه
620 جنيه ثمن 1.75 كيلو بويا اوميجا بالرقم والورنيش
150 جنيه ثمن مصنعية فرن وعامل الرش
350 جنيه ثمن مصنعية بتاع البويا
100 جنيه ثمن بويات اضافيه للاكصدامات والعتب
50 علامة فيات 132 و علامة 2000 النيكل بتوع الشنطه
100 ثمن اربع فوانيس امامى للشبكه تركى
الاجمالى 1850 جنيه بالتمام والكمال
لسه باقى لى
100 جنيه طقم نواكل الرفراف بس عاوزه فبريقه ابو شفه قصيره مش اللى مغطى شفة الرفرف كله ومن غير اطار جلد

85 جنيه طقم كاتيرات رفارف
50 جنيه دالايات 132 قصيره زى بتاعت العربيات الجديده
جنيه150 تمن اتنين مكن ازاز كهربا لان عندى واحده ضعيفه من التوفيقه بالتركيب

100 جنيه غيار زيت بالفلتر وتمشيط سن البوجيه التالت
60 جنيه تفويلة تانك بنزين 80
20 مصنعية كهربائى لظبط النور والاشارات
75 جنية تمن اريال راديو كهربا
اجمالى الحاجات الباقيه
640 جنيه

يعنى كله على بعضه 2490 جنيه يا بلاش

عشان تشوفوا الواحد محصور اد ايه على الفلوس وخصوصا ان العربيه مدهونه من سنه بالظبط وكان برضه فى رمضان

لكن الواحد يرجع ويقول الحمد لله والشكر لله على كل شىء