ارشيف احداث عام 2009

[wawa_07]

هى الحكومة دى هبلة ولا مفكرة الناس اغبيه
الشركات والمصانع تحت نطاق الحكومة بتخسر بالمليارات
وبعد متتباع وتخصخص بعد شهر تلاقيها تكسب ملايين يبقى العيب فى الشركة ولا الادارة وليه الادارت والاسلوب مش بيتغير
وبعدين دول بقلهم قرن بيصنعوا العربيات بنفس الشكل ونفس الامكانيات الدنيا من حوليهم بيمشوا بسرعة الصاروخ ودول ركبين حمارة عرجة مش عرفة تمشى

[mokhtar872000]

العيب فى المنظومه على راى الريس برايز

[Nissan]

كتب محمد مجاهد ٣٠/ ٥/ ٢٠٠٩
«السيارة تعمل بنظم الملاحة الجغرافية»..نقطة بيعية جديدة يتوقع المراقبون لسوق السيارات فى مصر أن تركز الرسائل الإعلانية لوكلاء وموزعى السيارات عليها فى المرحلة المقبلة، خاصة بعد رفع الحظر عن استخدام نظم تحديد المواقع الجغرافية المعروفة باسم «GPS».

وقال وائل شكرى، مدير مبيعات شركة هوندا اليابانية: إن السوق ستشهد تحولات كبيرة فى الفئات الأعلى سعرًا مع اتجاه وكلاء الماركات العالمية لطلب شحنات من السيارات التى تدعم نظم الملاحة الجغرافية، غير أنه توقع أن تهتم فئة قليلة من المستهلكين بتلك التقنيات.

وتابع: أسعار السيارات سوف ترتفع، خاصة فئات الدفع الرباعى التى عادة ما تستخدم فى الطرق الوعرة والمناطق الصحراوية وتحتاج لتكنولوجيا تحديد المواقع.

وأشار إلى أن الجمارك كانت تحظر دخول تلك السيارات إلى مصر رغم أن دخولها لن يفيد فى شىء نظرًا لعدم وجود الخرائط اللازمة وحظر نظم التوجيه الآلى، وهو الأمر الذى تسبب فى اتجاه أغلب الوكلاء نحو استيراد السيارات غير المجهزة بنظم الملاحة.

ورغم أن الهيئة المصرية العامة للمساحة هى الجهة الوحيدة فى مصر المنوط بها عمل الخرائط الرقمية الخاصة بالطرق فإن شركة «جوجل» العالمية تطور نظم خرائط كونية تلتقط فيها صورًا للأرض عبر الأقمار الصناعية، فيما تسيطر شركتا «تلى أطلس» و«نافتاك» على إنتاج الخرائط الرقمية فى العالم.

وأكد شكرى أن السيارات الجاجوار، التى تعمل بنظم الملاحة الجغرافية يزيد سعرها بقيمة تتراوح بين ٥٠ و٦٠ ألف جنيه.

وتوقع مصطفى صلاح، مدير التسويق بشركة إم تى آى، التى تعمل كوكيل لشركات لاند روفر الإنجليزية وجاجوار الأمريكية وفيرارى الإيطالية أن تشهد السوق بعض التحولات نظرًا لميل المستهلك المصرى نحو تجربة كل ما هو جديد على اعتبار أن «كل ما هو ممنوع مرغوب» لافتًا إلى أن أسعار تلك السيارات سوف ترتفع على خلفية قرار السماح بالـ«جى بى اس».

ويرى المهندس عادل بدير، المسؤول بشركة «سوزوكى إيجيبت» أن خريطة السيارات لن تتغير كثيرًا موضحًا أن تغيير أسماء الشوارع واتجاهاتها بشكل مستمر فى مصر سيكون له تأثير سلبى على استخدامات أجهزة الملاحة فى السيارات.

وقال نور درويش، سكرتير رابطة «آمك»، إن وزارة الاتصالات وتكنولوجيا المعلومات يجب أن تخاطب الجهات المعنية لتوفير الخرائط الرقمية اللازمة، مشيرًا إلى أن سيارات الـ«جى بى اس» تدخل السوق دون مشاكل لكن المشكلة فى عدم توافر الخرائط.

ويرى المراقبون أن المرحلة المقبلة ستشهد دخول شركات تتيح معلومات حول الكثافة المرورية فى الشوارع المصرية وظهور شركات أخرى تتيح استخدام أنظمة الملاحة الأرضية وتوجيه السيارات أتوماتيكيا.


المصدر
http://www.almasry-alyoum.com/articl...2&IssueID=1421

[AbOnOrA]

فيه خرائط طبعاً بس مش خرائط مفصلة ومعنونة زى بره

بره ممكن تحدد على الخريطة المكان اللى انت فيه والمكان اللى انت رايحلوه وانسب الطرق ليه سواء الاسرع او الافضل مرورياً وفى اليابان بالتعاون مع شركة هوندا بيعملو خرائط للضواحى تقدر تعرف اذا كانت فيها لبش وقطاع طرق ولا لاء فيبان لك ده على الخريطة وتتجنب المرور بالمنطق ديه وفى امريكا واوربا تقدر تعرف مع الخريطة الاماكن التجارية والمطاعم والبنزينات

انا بس حبيت اوضح يعنى ايه خريطة رقمية احنا عندنا خرائط بس تفتقر للبيانات بشكلها المتعارف عليه فى الخارج وده فعلاً دور وزارة الاتصالات بالتعاون مع الجهات المعنية لتقليل الفجوة التقنية بينا وبين الخارج فى المجال ده واكيد هيبقى للتطوير ده فوائد كتير للحياة المدنية كلها مش بس لراغبى الممنوع او محبى التفاخر بالتكنولوجيا

يكفى نتخيل فائدة النظام ده فى عربيات الاسعاف او عربيات المطافىء او النجدة

[Ahmed Anwer]

اولا ،،

شكرا يا نيسان علي الموضوع الجميل

و اللي كان لازم يطرح في المنتدي من فترة

رغم ان القرار بقاله فترة

انا شخصيا نفسي في عربية يبقي فيها شاشة كبيرة كده

و زراير كتير و تابلوه جلد و تطعيمات نيكل

محدهش ينكر ان الحاجات العيالي بتبسطنا اخر حاجة في العربية