حلقة نقاش حول الاستفتاء القادم عن التعديلات الدستورية

[pointer]

والله الواحد قرف
الناس في الفيس بوك في موقع المجلس الاعلي 95 % بيقولوا لا
لا وخلاص
ايه السطحيه دي
طب متقول لا ليه و اه ليه
لا اما تحط اي حاجه او تمشي ورا اي حد وخلاص
لا تقول اه ليه او لا ليه او ايه اللي مش عجبك او ليك ملاحظه عليه لا اما تسيب اللي بيحلل يحلل وتتفرج انت لحد الاستفتاء
لا نقصين ثوره تاني ولا عدم استقرار وفيه فرصه المجلس الاعلي يعدل الحجات اللي مش عجبه ناس او فيها كلام و تتضبط و نعدي مرحله بسلام وترضي الناس وتخليهم يهدوا بدل ما يزيدوا

[Ahmed Anwer]

http://www.youtube.com/watch?v=xaZvT...mbedded#at=155

[samirayad]

المشاركة الأصلية كتبت بواسطة أسد الله أكد اللواء ممدوح شاهين، مساعد وزير الدفاع للشؤون الدستورية والقضائية، عضو المجلس الأعلى للقوات المسلحة، إجراء الانتخابات البرلمانية قبل الرئاسية، وقال إن الأولى ربما يتم إجراؤها فى سبتمبر المقبل، والثانية قبل نهاية العام. وقال شاهين، خلال حواره مع الإعلامى خيرى رمضان، فى حلقة مساء السبت من برنامج «مصر النهاردة»، إنه بموجب الإعلان الدستورى الذى أصدره المجلس منذ توليه إدارة شؤون البلاد تم تعطيل دستور 71، وبالتالى فإن المواد الـ9 المعدلة والمقرر إجراء الاستفتاء عليها السبت المقبل، سوف تشكل دستوراً مؤقتاً لحين إعداد الدستور الجديد بعد انتخاب الرئيس القادم. واعتبر شاهين أن إجراء الانتخابات الرئاسية قبل البرلمانية يؤدى إلى تخويل جميع المهام للرئيس الجديد، ويتولى تشكيل مؤسسات الدولة، وبالتالى «نخلق ديكتاتورا جديدا». وأكد شاهين أنه يؤيد التصويت بـ«نعم» فى الاستفتاء، موضحاً أن الظروف الحالية لا تساعد على إعداد دستور جديد، حيث إن القوات المسلحة لديها مهام أخرى، موضحاً أن تعديل المادة 93 وحدها استغرق 10 أيام، لافتاً إلى أنه تم تحقيق مطالب الشارع بضرورة تحديد مدة الرئاسة، ووجود إشراف قضائى كامل على الانتخابات.

أعتقد كده ممكن الواحد يراجع نفسه

ويقول نعم للتعديلات

وده فقط من أجل لم الشمل وعدم تشتت الأفكار والبلبله

بس بينى وبينك

لسه كتير أوى علينا كمصريين على مانلحق بسياسة الفكر المتحضر

اللى كلنا عارفينه عن دول عظمى زى أمريكا واليابان والصين

فهذا

هو الواجب أن يكون بعد ثورة 25 يناير العظيمه

_______________________

ومش عارف ليه فعلا

داخلى وازع كبير يقول

زواج دستور العواجيز ......من ثورة الشباب

باطل ....باطل .....باطل ...ووووووووو

على وزن

زواج عتريس .....من فؤاده باطل

____________________

وحقيقة

يساورنى القلق بعض الشىء

فلماذا لايصاغ دستور جديد كما أردنا كلنا

وكما هو مفترض أن يتم فيما بعد

أنا مش شايفها كيمياء ولا حاجه

وخايف جدا جدا

أن يكون قولنا نعم للتعديلات

بمثابة

القشه التى قصمت ظهر البعير

ونفسى حاليا

أما أعمل حاجه كمصرى

أعملها عن قناعه فكريه

كمبدأ أساسى أفرزته الثوره المجيده

[MIDO-SPICY]

جميل طبعا اننا نعمل دستور جديد خالص يواكب محتويات العصر اللى احنا عايشينه
بس طبعا اكيد انتوا عارفين اننا علشان نعمل دستور جديد لازم يتم مناقشته فى مجلس الشعب وبعد كده يتصدق عليه من المحكمه الدستوريه العليا
طيب هو فين مجلس الشعب ؟؟؟
لسه مافيش مجلس شعب ...
طيب يبقى احنا محتاجين مجلس الشعب للنقاش والتصويت
طيب على اى اساس هننتخب اعضاء مجلس الشعب ؟؟
على الدستور القديم اللى احنا مش عايزينه ولا نستنى الدستور الجديد اللى قعد 4 سنوات يتعمل فيه زى ما حصل بعد ثوره 19 ؟؟
هتقولولى لا يا عم احنا عايزين المجلس العسكرى ... هقولكم انى اعتقد اننا كده هنفضل نلف حوالين نفسنا لان كل شويه المجلس ينعقد يطلع تشريعات وبعد كده الشعب يرفضها والمجلس ينعقد تانى لعمل تشريعات تانيه ... وهكذا
طيب هتقولولى احنا مش محتاجين 4 سنين للدستور الجديد ... احنا عايزين دستور يمشى امور البلاد فى المرحله الانتقاليه لوضع اسس انتخاب مجلس الشعب ورئيس الجمهوريه ... هقولكم الدستور عندما يتم وضعه لازم يناقش احوال مصر لفتره سابقه ولكن مش بصوره بعيده وكمان احوال مصر الحاليه والمستقبليه ولاما بقى كل 10 او 20 سنه هنحتاج تغيير الدستور

انا رأى الشخصى اننا نصوت على التعديلات الدستوريه لتسيير البلاد خلال المرحله دى وعمل انتخابات مجلس الشعب والرئاسة وبعد كده لما يتم انتخاب الاتنين هما اللى هيعملولنا كل مطالبنا بتاعة الثوره
خد بالك ان الرئيس ومجلس الشعب القادمين بالذات هيكون عليهم عبءكبير فى تحسين اوضاع البلد اللى دمرها نظام دام 30 سنه بكل اياديه المخربه وهو اللى هينفذ مطالبنا اللى بجد .. لان فى راىى برضه ان اللى بيعملة الجيش ما هو الا مسكن للبلد والشعب وعلشان ماتفهمش كلامى غلط ان المسكن دا مش بطريقه خبيثه وانما بطريقه ترضى الشعب وفى صالح البلد ولكن بشكل مؤقت

تقبلوا تحياتى

[pointer]

المشاركة الأصلية كتبت بواسطة samirayad أعتقد كده ممكن الواحد يراجع نفسه ويقول نعم للتعديلات وده فقط من أجل لم الشمل وعدم تشتت الأفكار والبلبله بس بينى وبينك لسه كتير أوى علينا كمصريين على مانلحق بسياسة الفكر المتحضر اللى كلنا عارفينه عن دول عظمى زى أمريكا واليابان والصين فهذا هو الواجب أن يكون بعد ثورة 25 يناير العظيمه _______________________ ومش عارف ليه فعلا داخلى وازع كبير يقول زواج دستور العواجيز ......من ثورة الشباب باطل ....باطل .....باطل ...ووووووووو على وزن زواج عتريس .....من فؤاده باطل ____________________ وحقيقة يساورنى القلق بعض الشىء فلماذا لايصاغ دستور جديد كما أردنا كلنا وكما هو مفترض أن يتم فيما بعد أنا مش شايفها كيمياء ولا حاجه وخايف جدا جدا أن يكون قولنا نعم للتعديلات بمثابة القشه التى قصمت ظهر البعير ونفسى حاليا أما أعمل حاجه كمصرى أعملها عن قناعه فكريه كمبدأ أساسى أفرزته الثوره المجيده

فنقطتان مهمتان في هذا الموضوع
الماده 77 لا تصلح لان تكون قانون
لان القاتون يجب ان لا يكون به لبس
( مادة ٧٧ ): مدة الرئاسة أربع سنوات ميلادية تبدأ من تاريخ إعلان نتيجة الانتخاب، ولا
يجوز إعادة انتخاب رئيس الجمهورية إلا لمدة واحدة تالية.
عفوا الالفاظ غير دقيقه بمعني ان اي قتره تلبها فتره مدتها واحده تاليه طالما لم يحدد حد اقصي للمده الكليه للفتارات الرئاسيه يجب ان يقال لا يجوز ان يتولي رئيس الجمهوريه اكثر من فترتين او تستبدل كلمه تاليه بثانيه علي شان اللي بعديها تكون ثالثه و ما تبقاش سلسلغ توالي
الموضوع التاني ان ده استفتاء بمعني ما فيش ثوره تاني هيبقي ليها شرعيه بعد الاستفتاء طبقا للقواعد العرفيه الدستوريه الوطنيه و العالميه و بكدا مينفعش تمضي علي كمبياله بيضاء او فيها فراغات او مبهمه