ايه راى الناس فى 6 ابريل وفى البرادعى

[nktis]

متابع.......

[MmFFoR]

المشاركة الأصلية كتبت بواسطة attef1 اخ ممفور انا هاكتفى باجابة ال3 فقط وبما ان الاجابات الدبلوماسية مش نافعه .. يبقى الافضل اجابة السؤال بسؤال فاجابة سؤالك ال 3 تكون : وماذا عن اسرائيل ؟؟ كيف ردت اسرائيل على الاعتداء المصرى ؟؟ الجندي المصري السابق أيمن محمد حسن محمد الذي قتل 21 ضابطاً وجنديا اسرائيليا وجرح 20 اخرين ؟؟ هل تم طرد السفير او تخفيض التمثيل الدبلوماسى ؟ هل سمعت عن اسرائيليين يحاولون ضرب السفاره المصريه ؟؟ او او او ولو كنت انا اسرائيلى لاستغليت ما حدث من 6 ابريل امام السفاره فى مصر و بناء القوات المسلحة اسوارا لحماية السفارة لعمل دعاية عالميه عن مدى همجية مش 6 ابريل بقى لا الشعب كله وهم يملكون ادوات تحقيق ذلك مش معنى الكلام ان مصر تسامح فى حقها .. لكن عايز اقولك ان المسائل دى لها حسابات دوليه معقده ومصر قادرة على اخذ حقها كاملا لكن 6 ابليس بتستخدم دايما اساليب رخيصة جدا زى ال 70 مليار وخلافه والهدف الاساسى وقوع فوضى تضمن لهم مجلس رئاسى مدنى يمنحهم عفو رئاسى بعد اعترافاتهم الكتير اللى منها قلب نظام الحكم وده لوحده يوديهم ورا الشمس بس عفو ايه هى مسألة وقت الشعب يعرف الحقيقة كاملة والامور تستقر وهايتحاسبوا لذلك هم لا يريدون استقرارا

في حالتين فقط تم اعتداء جندي مصري فيها على قوات اسرائيلية

مرة كانت عملية داخل الحدود الاسرائيلية لما الجندي الاسرائيلي اهان علم مصر فقام بتوغل و اطلق الرصاص و قتل جنود اسرائيليين
ده تم محاكمته عسكريا و اثناء الحبس تم اغتياله على يد عملاء اسرائيليين بموافقة و اشراف المخابرات الحربية و القيادة السياسية لارضاء اسرائيل و الامتثال لسياسة الانبطاح

و الحالة الثانية لما توغل اسرائيليين في الحدود المصرية و الجندي حذرهم من الاقتراب من منطقة حمايته العسكرية و انه ممنوع الاقتراب و لما رفضوا الامتثال اطلق الرصاص و قتل 7 - و بدل مكافئته تم محاكمته عسكريا بموافقة من القيادة السياسية و العسكرية الشريفة و تم الحكم عليه بالمؤبد!!!!!! لانه ادى مهمته و منع صهاينه من الاقتراب و التصوير!!! ( او العدو زي ما بتقولوا )

و اعيد و اكرر حالات فردية!!! مش عملية قام بها الجيش المصري!!!! هليكوبتر و كوماندوز يتوغلوا في الاراضي المصرية و يطلقوا النار على رجال شرطة مصريين يرتدون الزي الميري في عملية استغرقت اكتر من 11 ساعة!!!


للاسف مثالك مردود عليك

[MmFFoR]

[mf]

وكلامك انت ايضا مردود عليه

لان عمليات الكوماندوز المصري لايتم الاعلان عنها ...

واخرها في عهد الرئيس السابق وبموافقه منه علي عملية قامت بها فرقة 777 وفرقة السيل داخل الحدود الاسرائيلية وتحديدا في مدينة ايلات أُطلق عليها عملية "سجن ايلات " ....

والعملية موثقة بالصور والفيديو لكن لم يتم الاعلان عن تفاصيلها ....

[MmFFoR]

المشاركة الأصلية كتبت بواسطة مادا الدوله المدنية عند 6 ابريل هى الدوله اللى سوف يحكمها البرادعى ولكن اى حد غير البرادعى اكيد مش حتبقى دوله مدنية وانتم قلتم عاوزين دوله مدنية علشان تسقطوا حكم المجلس العسكرى فقط لا غير يعنى لو كان البرادعى رجل عسكرى كان كلمكم كله اتغير وانا اجيب الخلاصه 6 ابريل كانت فكره لما يسقط حكم مبارك كانوا ايحضوا البرادعى مكانه طلعلعم المجلس العسكرى وعملهم زى اللقمه فى الزور مش عارفين يخلصوا منه ازاى ... ده من بتوع 6 ابريل كتبلى على الفيس بوك 40 صفه للبرادعى حكيم وعاقل ومسامح وهادى وكرر 40 صفه قلت له يا اخى ده لو بنى مكنتش اتقول عليه كده ..وقلت له لو مكنش فيه البرادعى كنت اتختار مين مكانه قالى مفيش حد مش المرشحين امامه يستاهل انى ارشحه

انا من مؤيدي حازم صلاح ابو اسماعيل للعلم فقط ليك

انا مش عضو في 6 ابريل برضه نقطة تانية لو متعرفنيش

انا اميل للتيار الاسلامي المعتدل زي حزب الوسط و ليس الاخوان او السلفيين ( و لو اني كنت متعاطف معاهم من قبل و لكن هناك شطحات ليهم اثارت حفيظتي و لكن ازال اكن لهم الاحترام - و لو ثبت تحالف الاخوان سرا من اجل مصالح ساكرس وقتي كله للنيل منهم لان حرام بعد كل الدم اللي راح نبيع مصر من اجل سلطة او مصالح شخصية!!!)


عموما الخلاصه - الدولة المدنية هي الدولة اللي الرئيس فيها مش شرط يكون لواء او مشير او اركان حرب

هي الدولة اللي بيكون فيها الشخص المناسب في المكان المناسب!!! يعني وزيرة القوى العاملة تكون معاها دكتوراه في الادارة العامة مش شهادة محو امية و بتبوس الايد

الدولة المدنية اللي الجيش فيها بياخد اوامره من الرئيس المنتخب مش الجيش هو اللي بيحكم بقوة السلاح و القوة الجبرية و قوانين الطواريء

الدولة المدنية هي الشرطة فيها موظف زيه زي اي موظف ولا لواء و لا عقيد ولا عميد - راجل خد تدريب في التعامل مع المجرمين بشدة و غلظة و احترافية مع عدم انتهاك حقوقه كروح و انسان - و تدرب على التعامل مع المدنيين المحترمين بادب و احترام و خدمتهم و مساعدتهم لو احتاجوا لها - مش هو الباشا و الكل طوع امره

الدولة المدنية هي اللي بتحترم حقوق الجميع و حرية الجميع مكفولة بدون انتهاك لحرية الاخرين

الدولة المدنية هي الاختيار فيها و الراي فيها هو رأي الاغلبية عبر صناديق الاقتراع و الاستفتاء مش رأي الاقلية خوفا من امريكا و غيرها!!!

الدولة المدنية هي الدولة اللي بتحترم جميع مواطنيها زي احترامها لرئيسها لان كل مواطن هو ممثل لمصر مش ترس في العجلة اللي راكب عليها القيادة السياسية يتم استهلاكه بغير ادمية ثم استبداله بلا انسانية!!

الدولة المدنية هي اللي جيشها في ثكناته بيحسن من تدريبه و يعزز قواته - و اللي الشرطة فيها بتتفرغ للقضاء على الجريمة و القبض على اللصوص و المجرمين ( مش تحرير محاضر في الاقسام فقط - لانها مهمة كاتب بدبلوم تجارة ) هي الدولة اللي بتشجع الصناعة و الزراعة و التجارة الدولية و التنمية التكنولوجية و الصناعية و العسكرية مش بتتسول من الاخرين لمصالح شخصية لقياداتها


هي دي الدولة المدنية!!


مش عاجباك؟


ملحوظة - الدولة المدنية غير الديموقراطية اللي حتقلع امك الحجاب زي ما قالولك - لأ
الديموقراطية هي اللي حتقلع الحجاب - الدولة المدنية حتشغلنا رقاصين - علشان مشجعي احمد سبايدر ميزعلوش