#886
|
|||
|
|||
![]()
ههههههههههههههههههههههههه هههههههههه حبيبي يا عم خالد انا لعلمك متربي تربية عسكرية يعني اعرف يعني ايه اسرار عسكرية يا كبير انتا بتتكلم في بير ملهوش اخر فانسي ان اي كلام يتقال من غير ما تاخد علم بيه يا زعيم الامه احنا بس عايزين نعمل لمواقفك ريفريش يمكن تكون في حاجه سقطه كدا ولا كدا هههههههههههههههههههههههه |
#887
|
|||
|
|||
![]()
قشطة يا حزومه بس بردك هتفضل في قلبي زي سواقيين التوكتوك |
#888
|
||||
|
||||
![]()
أنا جيييييييييييييييييت
![]() قعدت أقرا فى المشاركات الجديدة حوالى ساعة, وكورسير ماشاء الله عامل بتاع 20 صفحة لوحده تقريبا بيرد على الموضوع كله فيهم, شكله كان قاعد العيد فى البيت (NO DISRESPECT ياأبو حميد, الحال من بعضه ![]() خالد باشا, برغم أنى زعلان علشان حضرتك خلصت حكاياتك, بس أنا فرحان لحضرتك علشان هتستريح شوية من الكتابة ومن المراجيح, وحضرتك تعبت معانا أوى فى الموضوع, سواء فى الكتابة الكتييييير, أو تنقيح القصص وتنسيقها, شكرا يا كبير ![]() ومستنى حتى أخر حكاية.
سألت عليا مرتين يادوك وتأثرت جدا بسؤالك, شكرا ياباشا. والله أنا كنت زهقان وقضيت العيد فى البيت تقريبا ال 3 أيام قدام اللاب وساعتين ولا حاجة قدام التلفزيون, بس مدخلتش على المنتدى كتير علشان موضوع الكيبورد الأنجليش بس, ومبحبش أدخل من غير ما أرد. ولولا طلعت عينى, العجلة الأمامية اليمين نامت تانى وغيرتها بالأستبن الشبه ممسوح, وكنت هطير واحد علشان العربية حدفت منى وأنا ماشى على 70 وبفرمل وبألف فى نفس الوقت, وطبعا الكاوتش الممسوح مبيمسكش فى الأرض كويس, فالعربية كانت هترسم دواير ![]() بس بصراحة الراجل اللى كنت هدوسه هو اللى كان واقف فى الحارة اليمين فى الشارع, بس طلع ذكى وأول ماسمع الصوت المتوحش بتاع لولا وشاف الأكصدام الأسود جاى عليه تقهقر لورا على طول, وبذلك قدر يرجع سليم لعيلته ويدى لولاده العيدية ويجيبلهم الكحك وعاشوا فى تبات ونبات ![]() بعيدا عن دريم بارك اللى فتحت فرع جديد فى الموضوع ![]() P.S: الف مبروك لفاطومة (عارف أنها جاية متأخر ![]() وكل أسبوع وأنتم طيبين ![]()
__________________
|
#889
|
![]()
سلوكيات غريبة فى الاقاليم
1ــ من يـملك سيارة اى سيارة ولو نصف نقل او حتى سيات 133 مع احترامنا لاصحابها لكن تجده يمشى فى الشارع ولا الملك فاروق أيده خارجة من العربية وراكن ضهره لورا بكل عظمة ماشى هو حر فى نفسه لكن معاملاته مع الناس تجدها فيها نوع من الكبر(بكسر الكاف) عليهم وخصوصافى البلاد الصغيرة وتجده يركن صف تانى ويسد الشارع ويكون الشارع ضيقا واذكر ان شخص معاه 128 مكسرة وحالتها حالة يعنى وانا ماشى وراه فجأة وقف صف تانى وركن ونزل ولا كأن فى شارع هو سده ولما نزلت بكلمه لمح العربية ملاكى القاهرة (كنا فى شبين الكوم ) فقال / انا حر دى بلدنا واعمل فيها اللى انا عايزه وطبعا بعد معركة طويلة مشى 2ـــ الافراح تجد الجميع بلا استثناء يغلقون الشارع امام الاستديو او الكوافير من اجل الفرح ثم اذا سالت يقول لف من الشارع الفلانى وتفضل تلف حوالين نفسك ثم يمشون على الطريق ومعظم البلاد على طرق سريعة وبدون اى اهتمام بالطريق السريع فتجدهم يسدون الطريق ويمشون ببطء ومرة قلت لواحد صديقى كنت احضر فرحه فى اجا (دقهلية)/ احنا كده ح نسد الطريق السريع فرد رد عجيب جدا / اومال هنمشى فين هو عندنا غيره فتعجبت ولم أشأ ان ادخل فى مناقشة قد تفسد عليه يوم زفافه وطبعا الواحد جاى على الطريق السريع اما مسافر او راجع وعايز يوصل بالسلامة وفى كل الاحوال من الصعب عليه تنزيل السرعة من 90 مثلا الى 30 شىء صعب ودائما حين اجد افراح حتى لانفسد عليهم فرحتهم كنت ادخل وسطهم ونفس كلاكسات الفرح حتى اعبر منه حتى ان بعضهم كان يعتقد انى من بين المعازيم وكم من حوادث تحدث بسبب هذا الاستهتار واخواننا اللى بيسافروا على الزراعى بين القاهرة وبنها سيجدون مجموعة مطبات قبل بنها بحوالى 10 كيلو بعد طوخ وسيارة شرطة هذه المطبات وسيارة الشرطة سببها ان عريس وعروسته كانو بيزفوهم على الطريق السريع وجاءت سيارة مسرعة ولان البلد فى ملف وصاحبنا واخد الملف بسرعة فغير الحارة اللى هو فيها (عادة سيئة) ووجد امامه بعد الملف العريس والعروسة فقتلهم وحصلت معى مابين شبين الكوم وقويسنا وجدت فرح يسد الطريق تماما وعندما غيرت الكلاكس لكى امر لم يسمح لى بالمرور بل ان احدهم معه سيارة جيب بالعند فيا اصبح يرقص بالسيارة زجزاج فى الشارع واجى له يمين يجينى شمال ولان العبد الفقير حاصل على بكالوريوس ميكروباس لاعبته وزنقته فى عمو د نور وكاد ان يصدمه ومشيت 3ــ حالة المصريـيـن من سىء الى أسوأ فى كل شىء من النواحى المادية الى الأكل والشرب الى الأخلاق وللاسف الترمومتر نازل مش طالع وقد قال الشاعر حافظ ابراهيم متحدثا عن الاخلاق وان اخلاق القوم ضاعت فأ قـم عليهم مأ تـما وعويلا (يعنى ضاعت اخلاق الناس اعمل جنازة واشبع فيها لطم واتلقى العزا فى الاخلاق ) ربما ظروفنا المادية صعبة لكن لايجب ان تؤثر على اخلاقنا فماعلاقة الاخلاق بالغغنى والفـقـر وأذكر انى دخلت بلاد مطحونة ومهزومة نفسيا وماديا بسبب الفـقـر وكنت اعود الى بيتى غير قادر على قيادة السيارة من هول ما رأيـت 4 ــ الصعيد وهو الذى يجرى منه النيل الى باقى مصر بنسبة 95% لايشربون ماء نقيا ولانظيفا ولا اى احد يهتم بهم واذا دخل بك القطار محافظة اسيوط مثلا ستنبهر من المنظر العام للمحافظة منظرها شيك ورائع فعلا وجميل حقيقى والجميع يجمع على انها فعلا تستحق لقب عاصمة الصعيد لكنها افقر بلاد الصعيد ......وعجبى (على رأى صلاح جاهين) 5 ــ من اعجب مارأيت شخص اشترى سيارة 132 قديمة وحالتها سيئة فى بنها ب35000 جنيه ياعم دى م تساويش م انا عارف انا اشتريتها علشان نمرتها 111 ملاكى قليوبية اي كمين ميقدرش يكلمنى ايه العقلية دى وفوجئت انها حالة عامة 6ــ علاقات المصريين بينهم وبين بعض كل شوية فى النازل سواء اسرية او فى الشارع او غيره فى المواصلات لانتحمل بعض ابدا وكنت احس اننا فى حضانة ده زقنى وده خبط فيا ومن اتفه الاسباب تحدث مشكلة وفى قيادة السيارة نفس الشىء تجد ناس طول ماهى ماشية تشتم خلق الله او تترازل على خلق الله تحس اطفال راكبة عربيات او تعمل اىشىء ليس فيه الا مصلحتها هى فقط دون النظر الى الأخرين انانية بحتة هذه ملاحظات للاسف مؤلمة لكنها الحقيقة وهى ليست فى الاقاليم فقط ولكن فى القاهرة ايضا التعديل الأخير تم بواسطة خالدخليفة ; 13-09-2010 الساعة 03:40 PM |
#890
|
![]()
أقول لاختنا فطومة الف مبروك الخطوبة مع انها مقالتش او انا يمكن مقريتش انها قالت
لكن اخونا محمد على استشفها ربما من موضوع الشقة الجديد ة واقول لاخونا انجيكشن حمدا لله على سلامتك وارحم لولا شوية |
![]() |
|
|