ارشيف احداث عام 2010

[lol64]

انا والله لسه شايف خبر فى قناه الجزيره ان مقاطعه كاتالونيا التابع ليها مدينه برشلونه الاسبانيه رفضت توجيه ليها من الحكومه ان تعلن حظر ارتداء الحجاب والنقاب فى الاماكن العامه فيها
انا بس بااعطى مثل للناس اللى بتحترم نفسها وبتحافظ على استقلالها فى اتخاذ قرارها مش اوامر من ناس تانيه

[احمد الشناوى1981]

إنا لله و إنا إليه راجعون
انا حاسس ان وضع البلد دى بقا غريب جدا الأخبار المعتاده و المتكرره هى :
--خبر عن اى فلان فى البد يطلع قرار يحارب بيه الدين بكل جرأه و عادى و لا حد يقوله انت بتعمل إيه.
--خبر عن إضراب أو إعتصام لناس مبقوش عارفين يعيشو فى البلد دى...وبرضو عادى ولا حد يقولهم انتو فين.
--خبر عن زياده اسعار اى حاجه بشكل جنونى وكأنهم متأكدين إن الناس هيفضلوا زى كل مره ساكتين .
--خبر عن سرقه اراضى مملوكه للدوله أو بيع شركات قطاع عام ببلاش أو تخصيص كزا على قرايب ومعارف فلان
--خبر عن ضرائب جديده أو رسوم جديده
--زياده أسعار الخدمات الكهرباء و المياه و التليفون و غيره ودا طبعا بعد خصخصه وبيع معظمهم
--خبر عن رفع الدعم عن كزا أو وقف العلاج على نفقه الدوله بحجه كزا
وعموما ربنا يعدى الأيام اللى جايه على خيير
مع العلم أن بدايه التصحيح تكون مننا كل واحد فينا يرجع لربنا و يصلح من نفسه أولا عسى ان يرحمنا الله وصلح لنا احول هذه البلد.......

[mohamednageh]

الحلال بين والحرام بين

[AbOnOrA]

حسبنا الله ونعم الوكيل

[zoomaa&mizaa]

المشاركة الأصلية كتبت بواسطة خالدخليفة والله ياجماعة بلدنا دى بلد الظلم واذا كان المصرى مهان ولاكرامة له فى وطنه ولاقيمة فمبالنا زعلانين ليه من العرب وهما بيعاملو اى حد يروح يشتغل هناك معاملة سيئة رحمة الله على خالد سعيد وامثاله وانا شخصيا تعرضت لموقف مشابه بس الصعايدة غلابة وخصوصا الصعيد الجوانى لانه بعيد عن بؤرة الاهتمام مين هيسال فيهم كنت فى جنازة ابن خالتى الاسبوع اللى فات هل تعلموا لماذا توفى ابن خالتى طبعا هيا اسباب وقدره كده لكن ايه السبب قبضو على ابنه الطالب فى الثانوية العامة من 7 سنين وهو بيلعب كورة فى الشارع طب انتم مين ياجماعة قالو أمن دولة واخدو الولد و زمايله خافو وراحو لابن خالتى اللى هو والده وقالوله و راح سأل عليه فى مبنى أمن الدولة عندنا فى اسيوط فقالو له مفيش حد بالاسم ده هنا ولف وداخ السبع دوخات بين مستشفيات واقسام الشرطة والسجون وكشوف الموتى والصحة وغيره والحوادث ولم يعثر عليه 4 سنوات من البحث الشاق واخيرا هداه تفكيره انه يكلم احد اصحاب المناصب المهمة هناك وبعد اسبوع جاله المسئول وقال ابنك بعد م اخدوه بنص ساعة ضربوه بالرصاص ورموه فى الجبل وبعدها باسبوع اكتشفو ان المطلوب القبض عليه لسه حى وان ابنك موتوه بطريق الغلط وقال بالحرف متعملش شوشرة لان وضعى حساس وان جبت الكلام ده بصورة وديه ولو عملت اى دوشة هنكر انى اعرفك اصلا وهنا اصيب ابن خالتى بجلطة فى المخ وظل يعالج منها من 3 سنوات حتى مات فى المستشفى الاسبوع الماضى ( ولاتحسبن الله غافلا عما يعمل الظالمون انما يؤخرهم ليوم تشخص فيه الأبصار / مهطعين مقنعى روؤسهم لايرتد اليهم طرفهم وافئدتهم هواء/ وأنذر الناس يوم يأتيهم العذاب فيقول الذين ظلموا ربنا أخرنا الى اجل قريب نجب دعوتك ونتبع الرسل/ اولم تكونو اقسمتم من قبل مالكم من زوال / وسكنتم فى مساكن الذين ظلموا انفسهم وتبين لكم كيف فعلنا بهم وضربنا لكم الأمثال / وقد مكرو ا مكرهم وعند الله مكرهم وان كان مكرهم لتزول منه الجبال / فلا تحسبن الله مخلف وعده رسله ان الله عزيز ذو انتقام / يوم تبدل الارض غير الارض والسماوات وبرزوا لله الواحد القهار/ وترى المجرمين يومئذ مقرنين فى الاصفاد سرابيلهم من قطران وتغشى وجههم النار / ليجزى الله كل نفس ماكسبت ان الله سريع الحساب/ هذا بلاغ للناس ولينذروا به وليعلموا انما هو اله واحد وليتذكر اولو الالباب / صدق الله العظيم ) الايات من سورة ابراهيم وحسبى الله ونعم الوكيل لاحول ولاقوة الا بالله لاحول ولاقوة الا بالله لاحول ولاقوة الا بالله اللهم ارحم امواتنا اجمعين وانتقم من كل ظالم جبار

متزعلش والله يومهم قرب والحساب هيكون عسير