أدب الرحلات

[خالدخليفة]

المشاركة الأصلية كتبت بواسطة hazem_khidr بقالي اسبوعين عمال اقرأ في الموضوع من اول صفحه لاخر مشاركه ليك يا استاذ خالد(طبعا ما قريتش كل مشاركات الاعضاء المحترمين الاخرين علشان اعرف انتهي من الموضوع) و كنت متعمد ما اكتبش تعليقي الا بعد ما اخلص قراءه و الحمد لله اخر 10 صفحات(الصفحه عندي 20 مشاركه) لسه مخلصهم حالا و بصراحه استفدت كتير و ضحكت كتير برضه و اتمني رؤيتك في المحله عن قريب ان شاء الله و تقبل تحياتي

انت نورتنى يااستاذ حازم وده شرف ليا انى اشوف حضرتك والمحلة من البلاد اللى انا شفت فيها المواطن المصرى الحقيقى ولما غليت بعض السلع فوجئت بأهل المحلة م سكتوش بس عملو عمايل تودى فى داهية وروحت اركب القطار لقيتهم بيرمو عليه كاوتش العربيات المولع والقطار واقف وخرجت هارب فى عربية نص نقل ووصلت طنطا بعد معاناه ومنها ركبت القطار للقاهرة وفعلا الحكومة رضخت لمطالبهم ورجعت سعر الارز تانى دى السلعة اللى انا فاكرها كويس لانهم كانو بيتكلمو عليها فى محطة طنطا (تصور انت فكرتنى بالحكاية دى)
وكنت بمشى المحلة كلها على رجلى من العباسى الصغير للكبير للشون للشعبية للمستعمرة او الجوازت او منشية البكرى حسب كل واحد وعلامه (تعليمه ههههههههههه)
والشعبية دى مشوار وحدها وكنت بركب منها على شكرى القوتلى لابو شاهين و الله كانت ايام لذيذة وكانو لما يعرفو انى صعيدى كانو يعاملونى معاملة فوق الممتازة مش عارف ليه (طبعا دول التجار اصحابى)
وبمناسبة الكلام ده نقول للاعضاء معلومة صغيرة
كنت دائما اسمع كلمة المحلة الكبرى ولما نزلتها لقيت الناس هناك بتردد بالبلدى كده ويقولو المحلة الكبيرة وشغلت المخ الصعيدى وفهمت ان اكيد فيه محلات (جمع محلة )تانية
ولما بحثت فى أصل الحكاية
وجدت فعلا ان فيه /محلة روح (بلد الشيخ/ يوسف القرضاوى (من قرية صفط تراب احد توابع محلة روح)
ومحلة أبو على ومحلة مرحوم ومحلة ابو زياد
ودول اللى فاكرهم لكن ان عارف انهم 7 توابع اسمهم المحلة والمنطقة دى اكبرهم مساحة فسميت المحلة الكبرى وكان اسمها دوديسيا فى عهد الفراعنة (نبات النيل)
اشكر ليك دخولك ومرورك الكريم اللى فكرنى بمعلومات كنت ناسيها والله
وكل سنة وانت طيب

[sad-bird]

الله عليك يا كبييييييييييييييييييييييي ر
ايوه كده
ارجع تاني وسخن المتور اهو وهو هيجيب كمان

[sad-bird]

اقولك
مش انت عارف تاريخ مصر القديم والاوسط والحديث
ابدا اشرحلنا حاجات من التاريخ
من اول الفراعنة مثل او من تاريخ سيدنا موسي واليهود في مصر

واقولك كمان الاصول العربي والشامية في مصر والفصل بين النوبيين والمصريين السكان الاصليين للبلاد والمحتلين ليها زيينا كده اللي هاجرت اصولهم من بلاد تانية واستقرت في مصر

يلا ياعم اي خدمة افكار ببلاش اهو
وليك عندنا ان جوز المهرجين اللي هنا هيبطلوا اول ما تبدأ


عرفنا بس انك بدات وبتعصر الافكار وهما يوقفوا مراجيح

المشاركة الأصلية كتبت بواسطة sad-bird بقى كده يا استاذ حازم بقى انا عمال أسأل عليك واقول فينك وفي الاخر متقراليش حاجة وتبعت السلام لاستاذ خالد بس لالالالالالالالالالالا زعلت انا كده خلاص بقى قطع كل الجوابات اللي كانت بينا يهون عيك العشرة يهون عليك العيش والملح هههههههههههههههههههه كل سنة وانت طيب يا باشا

يا محمد انتا مش فاهم حازم من ساعة ما اتصور مع العسيلي بتاع الدنيا مجنونه نونه نونه وهو مفيش حد عارف يكلمه كبر علينا خلاص

[خالدخليفة]

المشاركة الأصلية كتبت بواسطة sad-bird اقولك مش انت عارف تاريخ مصر القديم والاوسط والحديث ابدا اشرحلنا حاجات من التاريخ من اول الفراعنة مثل او من تاريخ سيدنا موسي واليهود في مصر واقولك كمان الاصول العربي والشامية في مصر والفصل بين النوبيين والمصريين السكان الاصليين للبلاد والمحتلين ليها زيينا كده اللي هاجرت اصولهم من بلاد تانية واستقرت في مصر يلا ياعم اي خدمة افكار ببلاش اهو وليك عندنا ان جوز المهرجين اللي هنا هيبطلوا اول ما تبدأ عرفنا بس انك بدات وبتعصر الافكار وهما يوقفوا مراجيح

كده هتـكلم فى التاريخ والموضوع خاص بالرحلات صحيح احيانا كنا بنتكلم فى التاريخ والسياسة ولكن ده كان اثناء مواقف الرحلات
يعنى مثلا نظام السكة الحديد ونظام الاشارات اضطريت اشرحه علشان الناس تفهم مواقف معينة فكان لازم من شرح خلفياتها
ثم ياعم اهو انا كل م افتكر حاجة هكتب مش هبطل بس انا عايز القراء فقط (اللى مبيتفاعلوش معانا) يحاولو يقولو تعليقاتهم ونقدهم لانى عارف ان كتير منهم مستنى الحكايات دى تنتهى ويبتدى يعلق او ينتقد
واهو الاستاذ حازم لما دخل وعلق
قال انه كان مستنى الموضوع ينتهى علشان يكتب تعليق وتعليقه فكرنى بموضوع تانى وكتبته