هل 78000 سعر مناسب b15 2011

[سيف الدين سعيد]

وعلى فكره : صدق الله العظيم حين قال : ومن اعمالكم سلط عليكم .

[عصام غنايم]

باختلف معاك يا دكتورنا يا غالى فى النقطه دى . احنا شعب أصبح وحش جدا من جواه . والنفوس اتغيرت كتير عن زمان وكلامك دا كان ممكن ينطبق على الشعب دا لغاية أوائل الخمسينيات من القرن السابق . وانما بعد كده تلوثت نفوسه واصبح مريض . وحاليا اصبح هم كل انسان فينا كشعب مصرى انه يفكر ازاى يجيب القرش بالحداقه والفهلوه ( نصب وسرقه ) من جيب أخوه . والكل بأه حاطط ايديه فى جيوب اللى جنبه . وعمر ماتقوللى ان فى حد واضح وصريح بالعكس كل واحد بيلبس قناع ملائكى من الطيبه والصدق والأمانه . ويااسلام لو حبيت تثير ادام اى واحد مشكله وتطلب رأيه . الله عليه .. افلاطون بيتكلم معاك . واحنا كلانا جزوع نخل خاويه . وياريت نخللى بالنا ان الوكيل بتاع العربيات او الموبايلات او اى وكيل بيستورد اى سلعه من الخارج . فهو واحد من الشعب المصرى . زى اى مواطن تانى جشع وطماع وحرامى بس الفرق الوحيد ان دا معاه فلوس . فواضح للعين . ولو اى واحد فى البلد اتيحت له الفرصه انه يكون مكان الوكيل دا . اكيد حايتصرف بنفس الطريقه . حتى من يدعى العفه والصدق والأمانه والتدين . ياجماعه احنا لازم نحط فى حسبانا ان المال شيطان ذو نفوذ وسلطان .

يا سيدى الفاضل

الحياه مش كلها ناس وحشه زى ما سيادتك بتقول

واحنا مش شعب زباله اوى كده

والا كان ربنا مسح بينا الارض

واحنا مش اظلم من دول تانيه كتير يا ظلمت شعوب ونهبت ثروات ودفنت نفايتها النوويه فى اراضى الفقراء لتضرهم وتضر اجيال من بعدهم

ومع ظلمهم الذى طال البر والبحر والسماء فهم من اقوى الدول

ليه ؟

لأن ناموس الله فى الكون ان النجاح فى الحياه ليس له اى علاقه بالأيمان

بل بالأجتهاد فى العمل مهما كانت ديانتك او عقيدتك

وعلى فكره

الخير موجود كتير بس مشكلة الفاسد انه دايماٌ بتبقى ريحته مقرفه وباينه اكتر من الصالح

لو عايز تشوف الخير كتير

ابدأ انت اولاٌ

ثم

انظر حولك سوف تجد الكثير من الخير

ولو اردنا التقدم والرقى فلابد من الاجتهاد والاخلاص فى العمل ( مهما كانت ديانتك او عقيدتك )

[سيف الدين سعيد]

المشاركة الأصلية كتبت بواسطة عصام غنايم يا سيدى الفاضل الحياه مش كلها ناس وحشه زى ما سيادتك بتقول مش انا لسه باقولك : كل الناس حلوه وجميله ومؤمنه ومتدينه وصافيه ................ واحنا مش شعب زباله اوى كده والا كان ربنا مسح بينا الارض ماهو ربنا سايب اسرائل ... هل معنى كده انهم ناس كويسين ؟؟؟؟؟؟؟؟؟؟؟ واحنا مش اظلم من دول تانيه كتير يا ظلمت شعوب ونهبت ثروات ودفنت نفايتها النوويه فى اراضى الفقراء لتضرهم وتضر اجيال من بعدهم عادى ماحنا شعب بينهب فى ثروات البلد من قديم الأذل . وتاخد رشاوى وعمولات عشان تقبل انك تغمض عنيك عن دفن النفايات وخلااااااااااااافه كتيييييييييييييييييييير وماتتكلمش ولا ترفض حتى . ومع ظلمهم الذى طال البر والبحر والسماء فهم من اقوى الدول ليه ؟ ( انما نملى لهم ليزدادوا كفرا ) لأن ناموس الله فى الكون ان النجاح فى الحياه ليس له اى علاقه بالأيمان بل بالأجتهاد فى العمل مهما كانت ديانتك او عقيدتك وعلى فكره الخير موجود كتير بس مشكلة الفاسد انه دايماٌ بتبقى ريحته مقرفه وباينه اكتر من الصالح صدق رسول الله : الخير فيا وفى امتى الى يوم الدين : طبعا الخير موجود بس رسولنا الكريم العظيم ماحددش نسبته اد ايه . لو عايز تشوف الخير كتير ابدأ انت اولاٌ ثم انظر حولك سوف تجد الكثير من الخير ولو اردنا التقدم والرقى فلابد من الاجتهاد والاخلاص فى العمل ( مهما كانت ديانتك او عقيدتك )

وياترى انت شايف ان دا بيحصل عندنا فى شعبنا دا ؟؟؟؟؟؟؟؟؟؟؟؟؟؟؟؟؟؟؟

[د.كمال]

المشكله يأخوانى مش فى الشعب المصرى المشكله فى اللى ماسكين مصير هذا الشعب هما اللى عمله فيه كده وهما اللى عايزينه كده عشان يتلهى فى رغيف العيش وهماينهبوا فى ثرواته ويمصوا دمه ويغيروا مفاهيمه واصبح الحرامى والمنافق قدوه والشريف والمخلص سازج والرقاص والفهلوى ذكى والمستقيم والجد غبى.....وهى دى بقت الصوره العامه........واللى هيلف معاهم ويدور فى فلكهم هيبئى منهم واللى هيبعد عنهم ويحتقرهم ياما هيشوف منهم.........وفى الاخر الشعب هو الضحيه سابوه ياكل فى بعضه ويتطفل على بعضه ويحتقر بعضه واصبحنا اضحوكه الشعوب

[سيف الدين سعيد]

المشاركة الأصلية كتبت بواسطة د.كمال المشكله يأخوانى مش فى الشعب المصرى المشكله فى اللى ماسكين مصير هذا الشعب هما اللى عمله فيه كده وهما اللى عايزينه كده عشان يتلهى فى رغيف العيش وهماينهبوا فى ثرواته ويمصوا دمه ويغيروا مفاهيمه واصبح الحرامى والمنافق قدوه والشريف والمخلص سازج والرقاص والفهلوى ذكى والمستقيم والجد غبى.....وهى دى بقت الصوره العامه........واللى هيلف معاهم ويدور فى فلكهم هيبئى منهم واللى هيبعد عنهم ويحتقرهم ياما هيشوف منهم.........وفى الاخر الشعب هو الضحيه سابوه ياكل فى بعضه ويتطفل على بعضه ويحتقر بعضه واصبحنا اضحوكه الشعوب

هنا يتظبط الكلام . معاك كل الحق طبعا وكده مافيش اختلاف بين كلامى وكلام حضرتك . ولتنين بيكملوا بعض . وفى النهايه نقول برضو ان وكيل السياره دا مش جايلنا من كوكب تانى أو اجنبى جاى من بلد تانيه عشان ينصب علينا ويسرق اللى فى جيوبنا لأ ............ دا واحد مننا فينا . من الشعب المصرى . واللى بيشتغلوا معاه مصريين . والعماله اللى فى مراكز الخدمه واللى برضو ما بيقوموش بشغلهم صح مصريين .
يعنى . العمليه فى بيتها ....................