فك ماتور و عمل طقم شنبر متابعه يوم بيوم

[naserhasan]

لو حد عنده اى مشورة يفيدنى الله يخليكم

[michohat]

خليك مع عم سمير وخليه ينزل ينقي قطع غيارة بنفسه ( علشان تبقي عارف انه شغال بقطع غيار كويسه)
و سلم لى على عم سمير قول له مجدي اللى عمل عندك العمره لل 131 الالماني ( موتوري زي موتورك ) اللى من طرف السيد ابو عبدالله السمكري

[ايمن عبدالحميد]

المشاركة الأصلية كتبت بواسطة michohat يوم الجمعه امس عايرت استهلاك العربية فى البنزين وذلك بالطريقة المعهوده وطلعت فولت التنك ومشيت مشوار 19 كيلو على سرعه 40 : 50 : 60 و رجعت فولت تاني من نفس البنزينه لقتها خدت 2 لتر كده المعدل بتاعها بسم الله ما شاء الله 1 لتر بنزين تم استهلاكه فى 9.50 كيلو متر بسرعه 40: 50 : 60 كيلومتر /ساعه

استهلاك البنزين يزيد فى السرعات البطيئة عن السرعة العالية وانسب سرعة لتوفير البنزين هى 90 واقل من كدة او اكتر بتاكل بنزين والمعدل دة ممتاز لأن الموتور اتنين كامة ، والمقلق هو موضوع نقص الزيت ، اطمن على الجوانات كويس وغير الزيت تماما وحط زيت محترم لأن الزيت الموجود فيها مليان برادة من اثر التليين وكمان تغير فلتر وتتابع الزيت يوميا فى الصباح واذا لقيتة بينقص يبقى الشغل غلط والشمبر مش مظبوط و لف منة وهو بيثبتة وفى الحالة دى هتعملة على حسابة عند ميكانيكى تانى مش عندة هو وربنا يسلم.

[naserhasan]

الاخ مجدى على فكرة انا كلمت عم سمير عليك وهو فاكرك
واحنا نزلنا انا وعم سمير اشترينا الحاجة وهو جه معايا المخرطة وقالهم على اللى هو عاوزة وعلى فكرة هما بيعملو ليه حساب قوى فى المخرطة يعنى لازم الشغل يطلع تمام
كمان قفلنا العربية يوم الاربعاء بليل وسقط الموتور ودورنا وكله تمام وانا دلوفت بلين وجبت العربية البيت بعد 12 ساعة تليين وجيت بيها على الهادى كدا لغاية البلد انا من البيوم
بس فيه حاجة مش عجبانى وهرجع لعم سمير بكرة

وهبقى اقول عليها
بس على فكرة عم سمير ده بصراحة راجل كويس ومحترم ومش بيغش
ولا بيعمل مصالح مع بتوع قطع الغيار
ولا المخرطة
ودى عن تجربة
بس هو عصبى شوية وانا سالته عن سبب كدا وفتحنا حوار طويل وان شاء الله هقولكم قال ايه

[بيتر فريد]

بالنسبه للموتور تعمل وش السلندر تعمله روديه وتغير ايل سيه وتطمن على القواعد والدلايل لازم تتطلع المكنه من العربيه تشوف الشنبر على الشمايز نازل كويس ومعدى ورقة فلر 5 من عشره ولا لا وتنزل مع البستم منغير الشنبر ورقة جرايد وتشوف البستم محمل ولا لا وهات طقم الشنبر البرازيلى وهات طقم لينات شنبر معاك احتياطى لازم تغير السبيكه وتحكم الكرنك علشان ولو سبته على كده بعد شهر هتسمع رزعه فى الكرنك من الحكم الى فوق وهات السبيكه المصانع بتاعت احمد حمدى شغلين بيها ممتازه اما بالنسبه للكرونه اليبانى بتاعت التوتيا ممتازه جدا بضاعف سرعة العربيه وناعمه جدا واحسن من الاصليه بس هى محتاجه صناعى كويس عشان التنظيم والمهم النظافه فى العمره لانى النظافه نص العمره بالتوفيق ولعلمك ارجل عربيه 131 حافظ عليها ولا تبخل عليها مرسيدس الفيات