ارشيف الاستراحة 2010

[bmkbmk]

منور المنتدى يا باشا .. اهلا بيك فى بيتك الافتراضى ,, مصر موتورز

[Injection]

موضوع رائع ياباشا, الفرق بيننا وبين معظم الدول المتقدمة أن هما بيعاملوا مواطنيهم كبنى أدمين مش بهائم, وكل واحد بيعمل اللى عليه ويؤدى واجبه بأمانة, طبعه كده, وهيتجازى لو عمل العكس, أنما عندنا, الله أكبر ماشاء الله الريس مش بعيد يعيش أكثر من ملكة بريطانيا.

وأنا معجب بمصر بحالتها الحالية, لأن كل اللى بيشتكى منها بيعمل حاجات غلط فيها, سواء لأختصار الوقت زى الركنة فى الممنوع والسير عكس الطريق, الغرز والسير بسرعة عالية, عدم دفع المخالفات بالتظلم, أبجنى تجدنى, زبالة فى الشارع وهكذا, كلنا أستفدنا بصورة أو بأخرى من البلد وحالتها.

أستاذ مهران, الشعب فعلا بايظ فى أخلاقه وفهمه للحقوق والواجبات, بس عايز أيه من شعب الأنتخابات بتتزور قدامه, الريس بقاله أكثر من ربع قرن وشكلنا هنحلتفل باليوبيل الذهبى بتاعه, مجلس الشعب الأعضاء الكبار عملوا فيه أبونيه وولا هاممهم الشعب ولا نيلة, وكبيرالمواطن يقرأ مقال يشجب الموضوع فى جريدة.

الحكومة غلطانة برضه, لما العدل مايتطبقش وتشوف ظابط مفيم وسرينة وشايل اللوح, وأنت تدفع مخالفة علشان السبحة اللى متعلقة فى المراية هتحس بأيه, هتحس بأيه لما عضو فى المجلس المنيل أو وزير عنده بدل الفيلا 2 وبدل العربية 3يقعد حاطط رجل على رجل يقول 400 جنيه كفاية والمواطن يقدر يعيش بيها, ده أنا مصروفى لوحده أكثر من 600 جنيه بمرتب التدريب ومش عارف أنيل حاجة, ده غير كلام تانى كبير فى السياسة والتعليم و و و مكانه مش هنا.

الشعب عمره مكان أستغلالى وحرامى ومتخلف, عمرك ماكنت تشوف حد جايب دى جى ومصحى المنطقة كلها علشان فرح, أو موقف أحوال الناس فى الطريق علشان يقولهم أن أتجوزت, أو بهيم مكسل يرمى الزبالة فى الصندوق اللى الناصية التانية فيرميها فى نص الشارع, ده أنا مرة واقف فى البلكونة لقيت شنطة زبالة نازلة من فوق ودببببب فى نص الشارع الساعة 4 الفجر, اللى حصل للشعب نتاج عمل الحكومة, فقر وفقدان للقيم والأخلاق وتعليم لا يصلح للبهايم, كتاب العربي بقاله حوالى 20 سنة هو هو, ده كلام ياناس.

وحاجة تانية معلش, أنا نفسى أتصل بالشرطة وأقولهم فيه واحد متخلف بيرمى الزبالة فى الشارع, أو صاحب العمارة ال @#$%%@ جاى يدبح فى المدخل ويبهدل الدنيا علشان يتمنظر ولأنه ميقدرش يعمل كده فى بيته اللى فى مدينة نصر, أو أقولهم فى واحد حيوان فى موسم التزاوج واقف على الناصية وعمال يعاكس, أو فى خناقة بالأسلحة فى الشارع أو أو, تفتكر حضرتك الشرطة هترد تقول أيه, وهل حتى لو ردوا رد أيجابي وبعتوا حد هييجى أسرع من أسرع ديليفرى فى مصر, ولا هتستنى 4 ساعات على ماتلاقيه؟

على العموم أنا من المعجبين جدا ببريطانيا وتاريخها وكل حاجة فيها, وخاصة أن جنبك الأتحاد الأوروبى كله تتجول فيه بمزاجك, ده عندنا الواحد بيبقى هيطير لو قدر يطلع يحج, بلد رائعة الجمال.

ربنا يرزقنا وأياكم جميعا بالجنسية, سواء المصرية أو البريطانية.

وأنا أسف على الأطالة, بس فرصة الواحد يفضفض شوية.

[Bahi]

قلبت علينا المواجع ودست على الجروح لما أخدتنا معاك لندن بحكاياتك ومشركتك دى يا أحمد بك ... الله يسامحك.

[phantiza]

فية 12 نصيحة عاوز كل واحد يقراها كويس وبراحة عشان محدش ينساها لانها بجد مهمة لينا كلنا خصوصا الناس دلوقتي بقت بتمشي ب2 موبايل وفية ناس ماشية ب3 موبايل
1تجنب حمل الجهاز ملاصقاً للجسم ولاسيما بالقرب من القلب، حيث يعد هذا العضو حساس لموجات المحمول، وإنما ينبغي حمل الجهاز في حقيبة يد بعيداً عن الجسم (بما لا يقل عن 50 سم(

-2 قلل من مدة المكالمة إلى أقصر وقت ممكن (كما خلصت إلى ذلك تقارير منظمة الصحة العالمية 1999م) حيث أن هذا الجهاز لا ينبغي استعماله في الدردشة أو المكالمات الطويلة، ولا ينبغي أن تزيد المكالمة عن دقيقه واحدة على الأكثر وألا تزيد عدد المكالمات في اليوم الواحد على 3 مكالمات، وأن يغلق الجهاز عندما لا يراد استقبال أو إرسال مكالمات (مثلا عند النوم(

-3 اجعل بين هوائي الجهاز والأذن مسافة لا تقل عن 2 سم أثناء الاستعمال فهذا (طبقاً لتقارير منظمة الصحة العالمية) يقلل من كثافة وشدة التعرض للموجات الكهرومغناطيسية بمقدار السدس، وعلى بعد 20 سم بمقدار 1/64.

-4 استخدم السماعة الخاصة بالجهاز بصفة دائمة فإن هذا يقلل إلى حد كبير من مخاطر التعرض لهذه الموجات (من بحث منشور للدكتور هيز وزملاؤه 1997م(

5 - على مرضى القلب، وارتفاع ضغط الدم، والصرع، وضعف المناعة، والمرضى النفسيين الذين يتلقون علاجا كيميائياً تجنب استعمال التليفون المحمول نهائياً نظراً لتداخل الموجات الكهرومغناطيسية مع العلاج (من بحث منشور للدكتور يوبيسير 1999م.(
-6 يحظر على الأطفال ممن هم دون سن البلوغ الاستعمال المفتوح للتليفون المحمول (تقارير منظمة الصحة العالمية 1999م) نظراً لأن الأطفال أكثر استعداداً للمخاطر الصحية للموجات الكهرومغناطيسية في مراحل النمو المختلفة، كما ينطبق ذلك على كبار السن.

-7 يحظر على السيدات الحوامل المكالمات المتكررة والطويلة أو وضع الجهاز بالقرب من الرحم نظراً لتأثير الموجات الكهرومغناطيسية على خلايا الأجنة في مراحل الانقسام والتطور المختلفة ولاسيما في الثلاثة أشهر الأولى من الحمل.

-8 عندما تكون في مستشفى أغلق التليفون المحمول لأن الموجات الصادرة عنه تؤثر على الأجهزة الطبية مثل أجهزة السمع، أجهزة تنظيم ضربات القلب (ينبغي أن يبعد جهاز المحمول عن أجهزة القلب مسافة لا تقل عن 20 سم(.

-9 استخدم السماعة أثناء القيادة إذا تحتم استعمال التليفون المحمول حتى لا يعوق استخدامك لأحد اليدين قيادة السيارة.

-10 أغلق التليفون المحمول عند ركوب الطائرة وطوال وجودك فيها لأن بعض أجهزة الطائرة تتأثر بموجات التليفون المحمول وكذلك أثناء وجودك في محطات التزويد بالوقود.

-11 أثناء رنين التليفون لا تقربه من أذنك لأنه يؤثر بشدة على السمع، وإنما قربه فقط من أذنك أثناء المكالمات.



-12حظر اقتراب الجمهور لمسافة تقل عن 6 أمتار من الهوائي فوق أسطح العمارات (أعلى معدل أمان) مع وضع حواجز وعلامات فوق الأسطح لمنع وصول السكان من المنطقة الممنوعة حول المحطة، كما يحظر على العمال في هذا المجال الاقتراب لمسافة أقل من ثلاثة أمتار من الهوائي فوق أسطح العمارات، مع التأكيد على تحديد هذه الأماكن حتى يتجنبها العاملون مع ارتداء الفنيين العاملين سترات واقية من الإشعاع.

الموضوع منقول

[mustafa mahmoud]

عندك حق يا Injectionانا مثلا و انا فى ثانوى كنا بنتخانق مع عيال و ضربناهم و مشيو و انا مشيت و صحابى واقفين العيال دول رجعو تانى و ضربوهم و عورو تلاتة بمطمة اول ما عرف رجعت جرى بتصل بالشرطة و قاقولو 3 متعورين يقولى يعنى فى حد اتعور و يقولى وديهم على اقرب مستفشى بذمة ده كلام يا عالم