هل 78000 سعر مناسب b15 2011

[عصام غنايم]

كلامك مظبوط وده كنت عايز اقوله وسبق انى اتكلمت على المبالغه فى السعر وجشع وطمع التجار وده مش موجود فى العربيه دى بس لا فى اى توكيل تانى سواء كورى ولا يابانى مش عارف التجار بتعمل كده ليه احنا اللى بنخليهم يعملوا كدا فينا ويدبحونا ويسلخونا ويشونا على الجنبين زى السمك المشوى ولو نقف يد واحده مع بعض مش حنخلى اى توكيل منهم يدلع ونوقفه لحده ساعتها يحترم نفسه ويبيع بالسعر الرسمى وفى مثال ابو الفتوح نزل ثمن الام 11 من 75 الف الى 69900 لما الناس اشتكت من تسقيف الماتور والتقفيل بتاعها وبدأت مبيعاتها تقل فقالك لا انزل السعر علشان ارضى الناس والعربيه ماتقفش عندى على الفاضى وبرده كسبان منها يعنى ينزل 5000 جنيه وبرده كسبان فما بالك بقى 8000 جنيه زياده فى الجاك يبقى التاجر كسبان اد ايه وانا معترف انها عربيه كويسه بس بدون مبالغه فى السعر وزى ما التجار عامله حزب علينا احنا كمان نعمل حزب عليهم يعنى منتدى الجاك مثلا كل الناس اللى عاجباها العربيه وعايزه تشتريها تجمع نفسها ونتفق مثلا مش حنشترى الا مايظبطوا السعر ياكدا ياإما خليها عندكم زى مالناس بتعمل كدا بره فى اوروبا وامريكا لما اى حد يستغلهم لازم نقف واقفه يد واحده مش فى منتدى الجاك بس لا فى كل الانواع والفئات يمكن نقدر نغير من الوضع السىء الحالى من نحيه طمع التجار ونظام الاحتكار

انا معاك قلباٌ وقالباٌ

[عصام غنايم]

الكلام ده قلناه من10 سنين ومفيش حاجه رخصت .......شوف لما الدايو اول منزلت كانت ب45 الف وكورى شوف دلوقتى بكام وتقفيل محلى والانسر اول منزلت 2002 كانت ب72 الف شوف دلوئتى بكام ......مفيش حاجه بترخص فى بلدنا واللى مش هيركب عربيه دلوئتى مش هيعرف يركب بعد كده ............شوف الحديد والاسمنت بئوا بكام وكانوا بكام ............خلينا نعيش فى الواقع المرير احسن منعيش فى اوهام جميله..... __________________

دوام الحال من المحال

[عصام غنايم]

كنا ماشتريناش الطماطم لما بقى سعرها 10 جنيه !!

الطماطم سلعه معيشيه و لا يمكن الاستغناء عنها

ومع ذلك كنا بنشترى نص كيلو بنص كيلو يعنى ما لايمكن الاستغناء عنه ممكن ترشيد استهلاكه

والنتيجه

الكيلو النهارده ملوش حل ب 1.25

لأن فى النهايه زى ما احنا مجبيرين على الشراء التاجر اى كان تجارته مجبر على البيع واكتر مننا كمان

لأنه مش هياكل حاجته

يعنى التاجر محتاجك اكتر ما انت محتاجه

[د.كمال]

المشاركة الأصلية كتبت بواسطة عصام غنايم دوام الحال من المحال

ياريت .....ربنا يسمع منك .....والله مش بعيد علينا دا احنا شعب طيب منستاهلش اللى بيحصل ده .....حتى عشان مستقبل اولادنا.......ربنا يرحمنا برحمته....

[سيف الدين سعيد]

المشاركة الأصلية كتبت بواسطة د.كمال ياريت .....ربنا يسمع منك .....والله مش بعيد علينا دا احنا شعب طيب منستاهلش اللى بيحصل ده .....حتى عشان مستقبل اولادنا.......ربنا يرحمنا برحمته....

باختلف معاك يا دكتورنا يا غالى فى النقطه دى . احنا شعب أصبح وحش جدا من جواه . والنفوس اتغيرت كتير عن زمان وكلامك دا كان ممكن ينطبق على الشعب دا لغاية أوائل الخمسينيات من القرن السابق . وانما بعد كده تلوثت نفوسه واصبح مريض . وحاليا اصبح هم كل انسان فينا كشعب مصرى انه يفكر ازاى يجيب القرش بالحداقه والفهلوه ( نصب وسرقه ) من جيب أخوه . والكل بأه حاطط ايديه فى جيوب اللى جنبه . وعمر ماتقوللى ان فى حد واضح وصريح بالعكس كل واحد بيلبس قناع ملائكى من الطيبه والصدق والأمانه . ويااسلام لو حبيت تثير ادام اى واحد مشكله وتطلب رأيه . الله عليه .. افلاطون بيتكلم معاك . واحنا كلانا جزوع نخل خاويه .
وياريت نخللى بالنا ان الوكيل بتاع العربيات او الموبايلات او اى وكيل بيستورد اى سلعه من الخارج . فهو واحد من الشعب المصرى . زى اى مواطن تانى جشع وطماع وحرامى بس الفرق الوحيد ان دا معاه فلوس . فواضح للعين . ولو اى واحد فى البلد اتيحت له الفرصه انه يكون مكان الوكيل دا . اكيد حايتصرف بنفس الطريقه . حتى من يدعى العفه والصدق والأمانه والتدين .
ياجماعه احنا لازم نحط فى حسبانا ان المال شيطان ذو نفوذ وسلطان .