|
#76
18-02-2011, 04:56 PM
|
||||
|
||||
رد: مـقـــا لا ت
[QUOTE=خالدخليفة;360681]
الأشاعات (2 ) اتصلت بي فى البيت خالتى بمبة الرغاية وحين رأيت رقمها على الشاشة كنت لن أرد ولكنى عارف هتطلبنى على الموبايل ولو أغلقـته ستفهم انى لاأريد الكلام معها وهتشد الرحال الى البيت وهتبقى معركة مش منتهية الا بتدخل قوات الأمم المتحدة ورديت عليها أيوه ياحاجة انت فين يامنيل انتى طالبانى فى البيت يبقى هكون فين ؟؟؟ فى مجلس الوزراء ؟؟؟ خلاص يافيلسوف تعالى نتغدى سوا ....عاملالك ملوخية خضراء وعليها جوز أرانب محترمين ونظرا لخوفى على ملابسى من الملوخية لان حديثى معها لن يخلو أبدا من الكلام فى السياسة فقلت لها / لما تخلصى أكل خااااااااااالص اتصلى بيا ونيجى نتغدى سوا تعالى ياواد متخافش معلش ووافـقت وفعلا اتصلت بيا بعد انتهائها من تجهيز الطعام وذهبت الى البيت حين فتحت الباب ووجدتنى امامها ارسلت زغروتة طويلة خيرياحاجة .....حد بيتجوز والا ايه ؟؟؟ جواز ايه يامنيل ..... ده مبارك راجع ونظرا لانى عارف ان نهاية الكلام فى السياسة اخره الاستحمام بأى نوع من انوا ع الطعام الموجود ...فلم أرد وجلسنا للغداء وظللت أتناول طعامى ولم انطق بأى كلمة حتى انتهيت ثم جلسنا قوللى ياواد نعم ياحاجة يعنى لما قلت لك مبارك راجع مرديتش عليا ليه؟؟؟ اصله كلام مش معقول بعصبـيـة / مش معقول ازاى ؟؟؟؟ ده حتى زكريا عزمى حبـيـبـك ( دى تريقة طبعا لانها عارفة ان فى مشاكل بينى وبين بعض اتباع زكريا ) وصفوت الشريف وعمر سليمان كونو حزب سموه 25 يناير وكله من اعضاء الحزب الوطنى وبيكتبو تقارير للريس مبارك دلوقت عن كل حاجة بتحصل ( لسه معترفة بيه ريس حقيقى ) انا / ياسلام وهيدخلو الانتخابات ازاى ؟؟؟؟ والناس اصلا كارهاهم وعارفاهم بالواحد ياموكوس هما هيدخلو ناس غيرهم يبقى صور بس لكن هما اللى بيحركوهم ومبارك هو اللى هيسوق الناس دى كلها ضحكت / هههههههههههههههه هو لسه فى حيل يسوق بحنق / انت هتـتلم والا لأ اتلميت هما هيحكمو البلد من تانى ........بس الريس اضطر انه يختفى مؤقتا لان الضغط عليه كان شديد........... انت م سمعتش حديث أنس الفـقى مع محمود سعد فى التليفزيون ؟؟؟؟ سمعته طيب مهو أنس الفـقى قال انهم بيدبروا حاجة وهيرجعو من تانى وساعتها هيورى محمود سعد شغله هههههههههههه هو قال كده؟؟؟؟ أيوه ......وتقريبا هما بيشكلو حكومة ظل وهيألفوا حزب جديد كله من اعضاء الحزب الوطنى وهيرجعو مصر تانى وهيوروك شغلك انت والقلة المندسة اللى استولت على البلد ضحكت ضحكة طويلة ههههههههههههههههههههههههه هههههههههه ...................حلوة حكاية القلة المندسة اللى استولت على البلد دى وقامت خالتى بمبة تجرى بعصبية الى المطبخ ......وفهمت انها ذهبت لاحضار حلة الملوخية لاغراقى بها ثم طردى من البيت .......وجريت من البيت ونزلت على السلالم جرى ومشيت فى الشارع وسمعتها من البلكونة تشتم وتهددنى انها هتشيل حلة الملوخية فى التلاجة لحد م اجى لها المرة الجاية ولازم البسها على دماغى مش هاكلها وضحكت ومشيت ولكن فكرت فى كلامها والله كلام منطقى فطيور الظلام والخفافيش لن تسكت ولن تتنازل عن مكاسب تعتبرها حقوقا لها وانا فعلا سمعت عن هذه المخططات وعلى قنوات الجزيرة والعربية اذن الكلام له رجلين ....وسمعت ان كمان بعض الناشطين السياسيـين اتخم ( انضحك عليه ) فى حكاية حزب 25 يناير وانضم ليهم فعلا ثم أكتشف أنهم كلهم من الحزب الوطنى بس بأسم جديد ثم التهديد اللى حصل من أنس الفـقى لمحمود سعد على الهواء مباشرة بعد فاصل من الردح لمحمود سعد ......ده تهديد لابد أن يؤخذ على محمل الجد لان الفـقى راجل مش عبيط ومش أهبل ده كان وزير ومسئول لكن هل من المعقول ان تعود عـقارب الساعة الى الوراء ؟؟؟؟؟؟؟؟ أشك .....ولا أعتـقد .....فهذا عكس كل قوانين الكون المنطقية
ولابد للجيش وهو السلطة الحاكمة حاليا ان يتصدى لهؤلاء لانها ستكون فـتنة ليس لها من عاصم الا الله اللهم احفظ مصر .....يارب من الخفافي والفئران التى فى الجحور أنتشرت كثيراً مثل هذه التحليلات في الأونة الأخيرة وأقول من وجهة نظري المتواضعة لقد هدم الشباب المعبد على رأس من فيه ولا أعتقد أبداً أن يستطيع كهنته أعادة بناءه في ظل وجود من هدمه وهم كثيرون متعلمون مثقفون بالبلدي كده مفتحين وكلنا - بأذن الله معهم- وفي النهاية أقول ويمكرون ويمكر الله والله خير الماكرين
__________________
لوجي الجميلة  أنضموا لحملة المليار صلاة على الرسول صلى الله عليه وسلم 
|
|
#77
18-02-2011, 05:05 PM
|
|||
|
|||
|
رد: مـقـــا لا ت
ربنا يستر يا عم خالد مش عارف ليه المقاله ديه خلتني اقلق الله يسامحك انتا وخالتك يا ريتها كانت دلقت عليك حلة الملوخية ومكنتش خليتك تكتبلنا المقاله ديه
|
|
#78
18-02-2011, 05:22 PM
|
||||
|
||||
|
رد: مـقـــا لا ت
ان شاء الله مش هيحصل حاجة ....ومصر هتتقدم بينا مش بيهم هما زى م كانو بيقولو
وبفضل الله أولاااااااا واخيرا وانا عارف ان دى اشاعات بيروجها رجالة حسنى مبارك وجمال مبارك غرضها بث البلبلة والقلق والخوف من المستقبل ومحاولة الالتفاف على الثورة وتقويضها والمطالبة بعودتهم مرة تانية ولكن يمكرون ويمكر الله والله خير الماكرين وبالمناسبة أسأ ل أخى أسد الله عن ابنه الصغير اخباره ايه ؟؟؟ وصحته اخبارها ايه ؟؟؟ ويارب يكون بخير واتصل بى من 5 دقايق اخويا الصغير احمد كورسير وسألنى عن خالتى بمبة الرغاية وموضوع حلل المحشى والملوخية اللى بتندلق عليا وفهمته انها شخصية وهمية من اختراعى ولكن من أجل الحديث عن الموضوع بطريقة ظريفة تمكن القارىء من استيعاب المعلومة وحفظها وخصوصا ان موضوع الشائعات ده منتشر جدا هذه الأيام وهذا للعلم فـقط ........خالتى بمبة شخصية وهمية مش حقـيقية والا كنت رميت هدومى كلها بسبب الأكل اللى بيندلق عليها هههههههههههههههههه
__________________
 انتقل الى رحمة الله .. ونسأل الله له الرحمة والغفران
|
|
#79
19-02-2011, 05:22 AM
|
||||
|
||||
رد: مـقـــا لا ت
شكراً أخي خالد على سؤالك عن أحمد أبني فهو بخير والحمد لله وحده على هذا الفضل والشكر للدكتور مجدي يعقوب مؤسس مركز القلب المتطور بأسوان والدكتورة مي حمدي السيد والتي أجرت القسطرة لأحمد ولي عودة بمقال سوف أسجل فيه يوميات رحلة أسوان تلك والتي للأسف شاركتنا فيها زوجة غير المأسوف عليه حسني مبارك في بعض مراحلها بالهوس الأمني وتعطيل المصالح ليس أكثر ومحاولة الأستفادة من شعبية الدكتور مجدي يعقوب وأشكرك على مقالاتك تلك الساخرة الرائعة والتي أتمنى أستمرارها شكراً لك 
__________________
لوجي الجميلة أنضموا لحملة المليار صلاة على الرسول صلى الله عليه وسلم
|
|
#80
19-02-2011, 08:52 AM
|
||||
|
||||
|
رد: مـقـــا لا ت
لاشكر على واجب ياعمنا وده ابننا زى ماهو ابنك بس الأحداث الأخيرة شغلتنا شوية
بس تحكى رحلة أسوان دى فى موضوع أدب الرحلات مش هنا
__________________
انتقل الى رحمة الله .. ونسأل الله له الرحمة والغفران
|
 |
|
|
