ارشيف الاستراحة 2010

[mr mohamed]

انا جربت ايجى نت لمدة سنين وكانت ممتازة
وبعدين اشترتها اتصالات وبقت زى الزفت
ودلوقت مع لينك والخدمة ممتازة جدا

[mercedes]

المشاركة الأصلية كتبت بواسطة corsair عمتا كل شركات النت في مصر نصابه بمعني الكلمة لما تكون مشترك في سرعة 1 ميجا مثلا المفروض ان الدونلود بتاعك يكون بسرعة واحد ميجا وطبعا ده مستحيل لان اخرك هيكون 120 كيلو بايت في الثانية وبتبقي مش في كل الاوقات يعني من الصبح لحد الظهر وبعد كدا بطه بلدي

السلام عليكم و رحمة الله و بركاته

أنا مش عارف ايه العلاقة بين سرعة النت ( التصفح ) و ( التنزيل ) , بس للأمانة, اللى أنا لاحظته لما كنت عند أختى فى كندا, أن النت عندها كانت سرعته 5 ميجا و سرعة التنزيل ماكانتش 5 ميجا , كانت حوالى 500 كيلو بايت / ثانية , الظاهر التجار التقال بتوع النت على مستوى العالم متفقين مع بعض على أن سرعة التنزيل تبقى عشر سرعة التصفح , و الله أعلم .

MERCEDES S550

[حسام البورسعيدى]

المشاركة الأصلية كتبت بواسطة corsair عمتا كل شركات النت في مصر نصابه بمعني الكلمة لما تكون مشترك في سرعة 1 ميجا مثلا المفروض ان الدونلود بتاعك يكون بسرعة واحد ميجا وطبعا ده مستحيل لان اخرك هيكون 120 كيلو بايت في الثانية وبتبقي مش في كل الاوقات يعني من الصبح لحد الظهر وبعد كدا بطه بلدي

عاوز بس اوضح حاجة يا كورسير ..

الشركات مش نصابة ولا حاجة (فى النقطة دى) ..

الحكاية ان فى وحدة قياس اسمها (بت bit ) ووحدة قياس اسمها (بايت byte ) ..

البايت byte يساوى 8 بت bit

سرعة النت (سرعة الخط اللى انت بتشترك فيه بتتقاس بالبت bit لكل ثانية .. يعنى 512 كيلو بت او 1 ميجا بت )

اما سرعة التحميل (الداونلوود) تقاس بالبايت byte لكل ثانية ..

علشان كده عند التحميل اقسم سرعة النت عندك على 8 يطلع عندك سرعة التحميل ...

[mercedes]

السلام عليكم و رحمة الله و بركاته

ياااااااااااااااااااااااه

أيوه كده يا جماعة , خشوا علينا بالمواضيع اللى تفتح النفس , خلى الواحد ينشكح كده .

و ده فيه منه صينى و أمريكى و ألمانى و كده و لا كل اللى فى السوق صينى؟؟؟؟؟

أصل لو كل اللى فى السوق صينى , الواحد يخاف ييجى يستخدمه مرة , يعلق , ساعتها , هيبقى منظرى وححححححححححححححش,( نظام انده للرجالة من بره يا بؤلة - وش محمد صبحى فى مسلسل رحلة المليون ).

طاب مفيش منه اسرائيلى؟؟؟؟ , حاجة آخر فجر , يعنى يشتغل بالنية بس, من غير مادوس على حاجة .

MERCEDES S320

[Explorer]

المشاركة الأصلية كتبت بواسطة mercedes السلام عليكم و رحمة الله و بركاته أنا مش عارف ايه العلاقة بين سرعة النت ( التصفح ) و ( التنزيل ) , بس للأمانة, اللى أنا لاحظته لما كنت عند أختى فى كندا, أن النت عندها كانت سرعته 5 ميجا و سرعة التنزيل ماكانتش 5 ميجا , كانت حوالى 500 كيلو بايت / ثانية , الظاهر التجار التقال بتوع النت على مستوى العالم متفقين مع بعض على أن سرعة التنزيل تبقى عشر سرعة التصفح , و الله أعلم . MERCEDES S550

سرعة الدونلوود = سرعة النت ÷ ٨

لو الانترنت سرعته ١ ميجا , سرعة الونلوود المفروض تكون ١٢٨ كيلو بايت في الثانية

١٠٢٤ ÷ ٨ = ١٢٨ كيلو بايت في الثانية

لو ٢ ميجا هتكون

٢٠٤٨ ÷ ٨ = ٢٥٦ كيلو بايت في الثانية الخ...

ده طبعا لو الميجا ميجا
مش ميجا من بتاعة الحكومة اللي عندها انيميا