|
#761
08-09-2010, 02:39 PM
|
||||
|
||||
رد: أدب الرحلات
ربنا يخليهولك بس في الحقيقة لو دورت علينا كلنا هتلاقي كل واحد ابوه عامل زي عم محمود ربنا يديله الصحة وبرضة مفيش فايدة لو اني زعلان منك تتخانق مع احمد بدر واحمد ممدوح وانا لأ طيب انا كان نفسي حتى اشرب الشاي حد ياخدلي حقي منك هههههههه
__________________
ولا نقول إلا ما يرضي ربنا إنا لله و إنا إليه راجعون
|
|
#762
08-09-2010, 04:59 PM
|
||||
|
||||
اية ياعم خالد الوالد مصتقصدك لية مرة حلة العجينة ومرة الفول ومرة الملوخية انا لو منك ما اكلش معاة هو الرابسو ببلاش
__________________
ولا نقول إلا ما يرضي ربنا إنا لله و إنا إليه راجعون
التعديل الأخير تم بواسطة hazem_khidr ; 07-11-2010 الساعة 04:55 PM
|
|
#763
08-09-2010, 11:26 PM
|
||||
|
||||
رد: أدب الرحلات
مهو اصلك مش الكبير علشان كده متعرفش اللي فيها الكبير دايما بيكون كده واكرت من كده كمان انا عندي تقريبا مبنتكلمش خاااااااااااااااااااااااا اااااااالص اعمل كذا وبس عملت خلاص معملتش تبقى ابن ستين في سبعين وبرضة هتعمل اللي بقلك عليه يا اما بقى فيها زعل وقمصه اسبوعين / تلاته/ شهر انت ورزقك بقى لكن انت كنت اللي على الحجر علشان كده محستش بالمعاناة اللي شافها اخوك
__________________
ولا نقول إلا ما يرضي ربنا إنا لله و إنا إليه راجعون
|
|
#764
09-09-2010, 12:58 AM
|
||||
|
||||
|
رد: أدب الرحلات
بنقول لاخونا محمد على (sad bird) كل سنة وهو طـيـب
واطال الله عمرك واحسن عملك ونقول لك كما قال احد الصالحين لقد زاد عمرى سنة ونقصت حياتى سنة فأرجو من الله ان اكون من المقبولين اللهم تقبلنا جميعا يارب  R OSE4U
|
|
#765
09-09-2010, 02:18 AM
|
||||
|
||||
|
رد: أدب الرحلات
عريــس قــطـــور
وقطور(بضم القاف والطاء والواو) دى بلد تبع محافظة الغربـيـة شرق طنطا بحوالى 15 كيلو ويومها كنت رايح كـفـر الشيخ وطريق طنطا كفر الشيخ طريق ضيق طوله 35 كيلو واتجاهين رايح جاى ومنحنياته كتير وهو فعلا طريق خطر وقبل قطور بشوية لقيت طابور عربيات طويـــــــل أيـه ياخواننا الحكاية قالو دى حنة طيب الف مبروك بس اللى يعمل حنة يسد الطريق كده؟؟؟ فقالو /اصل النظام فى البلاد دى يوم الحنة من الصبح كل واحد من اهل العريس واهل العروسة بيشيل حاجة ومفيش مانع الجيران تساعد برضه اللى بيشيل طشت بلاستيك واللى بيشيل حلة واللى بيشيل مرتبة واللى شايل مخدة وصاحبنا سبع البرومبة حالق وموضب نفسه وموضب شنبه اللى هو اساسا ضخم بعد التوضيب راكب حصان وماشى بيه بطول البلد ويلف البلد كلها طول النهار وبينى وبينكم المنظر شدنى ولما وصلنا لحصان العريس المنظر لفت نظرى فـقـرر ت انزل اتابع الموقف عن قرب وابقى اركب اى عربية تانية ونزلت سلمت على العريس وفوجئت انه راكب الحصان من غير بردعة يانهارك اسود ياعم السبع هزرت معاه انت اشتريت مرهم تسلخات بلهجة فلاحى صرف / ليه الحصان ده هيبهدلك مط شفايفه مترين ادام وبرم شنبه وخبط على صدره خبطتين لو خبط واحدة منهم على بيتنا يــوقعه وابتسم وقال بصوت اجش(غليظ /تخين) / اخوك متين وخفت احسن ميفهمنيش فقلت / الحصان اللى من غير بردعة ده غير رجليك ممكن يضايقك فى اى مكان تانى مش عايزين العروسة تسيب البيت يوم الصباحية ومات على روحه من الضحك وقال / اخوك سبع طيب اسمح لى كده ا صور الفرح فقال ماشى ولفيت وسط الناس وخبطنى عيل شايل طبلية وبص لى وقال /مش تفتح لكن انا شاغلنى الفرح حتى التلفزيون واحد شايله على قلبه وماشى بيه والغسالة الايديال الجميلة اللى يوم ماشتريناها زمان عملنا حفلة اللى هيا مدورة والمروحة فيها من الجنب تصورو دى 2 ماشيين جنب بعض ده يشيلها شوية وده شوية وفضلت وسيطهم نص ساعة رايح جاى وصاحبنا ماشى فى البلد ولا محمد على بعد فتح عكا بنص ساعة منفوخ وراسه فوق وكل شويه يفتل شنبه زى الممثل صلاح منصور زمان طبعا بعد اللفة دى استاذنت منه وباركت له شربت الشربات ؟؟؟؟؟؟ شكرا شرباتنا هو فرحك لا والله لتشرب فى بالى / يادى النيلة انا مبحبش الشربات وانا ضيف هيقللو الميه ويكترو الشربات والشربات فى البلاد غالبا كله معمول تحت بير السلم وقد كان حلف عليا ونده واحد هاتو شربات للراجل حاضر ياعريس وجاب الشربات واخدت شفطتتين من هنا وبطنى موعت وكاد ان يغمى عليا وبضرب عينى عليه لقيته متابعنى ومش ناوى يفوت شفطة وشربت الكوباية كلها بالاكراه طبعا وحـيـيـته ومشيت وانا فى حالة انعدام وزن تحس شارب خمرة من ماركة منقوع البراطيش وبالعافية وصلت للموقف عربية كفر الشيخ فين اهى ركبت وانا زى السكران وانا طالع خبطت فى القايم بتاع العربية دماغى باظت اكتر وقعدت على الكرسى بالعافية ووصلت كفر الشيخ لقيت الدنيا بتلف بيا روحت سألت عربية طنطا فين اهى ورجعت وركبت القطار وروحت ومشتغلتش ونمت فيها يومين ومش عارف الشربات ده كان فيه ايه التعديل الأخير تم بواسطة خالدخليفة ; 09-09-2010 الساعة 02:23 AM
|
 |
|
|
