أدب الرحلات

[sad-bird]

المشاركة الأصلية كتبت بواسطة خالدخليفة اولا / الله يبارك فيك وشىء جميل طبعا وده بفضل الله اولا ثم تعاونكم معى ثانيا / اشكر اخوانى فى ادارة المنتدى واخص الاستاذ حازم شاهين اللى انقذنى من شلة المراجيح مرتين ( تصورو محذوف حوالى 40 او 50 صفحة من هذا الموضوع ) ثالثا / ياعم فين احنا وفين الكتاب وفين هتلاقى ناشر يرضى يطبعه وبينى وبينك مش عايز ناشر اى كلام لانى مبحبش الفشل يعنى لما يبقى عدد المتابعين هنا على الاقل 3000 شخص وبعدين نيجى نوزعه ميبيعش يبقى فى حاجة غلط فخلينا هنا ياعم محمد نكتب ونرد على بعض واما مافى علم الله يكون

ربنا يكون في عونك وعون استاذ حازم ربنا ابتلاكم بينا
ههههههههههه
بس برضة معملتش تصريح ولو ليوم واحد للعيال الغلابة المساكين دي فيه مراجيح والا مفيش مراجيح عاوزين نرفه عن الشعب والا ايه يا ريس

[خالدخليفة]

ياعم اتمرجحو بعيد عن الاكل والجواز لان انا حتى الافكار هربانة منى دلوقت بس متزودوهاش عن صفحتين بالكتير مش ابص الاقى 50 صفحة واقعد 4 ساعات افرز واروح لحبيبى الاستاذ حازم يلحقنى منكم

[خالدخليفة]

الأمـم المتـحدة

فى يوم خلصت شغل بالليل وركبت 10 وربع بالليل من اسكندرية وهو قطار اسبانى فاخر يقوم من اسكندرية الى الاقصر
وغالبية ركابه غالبا مايكونون فى حالة نوم او ارهاق او شىء يجعلهم هادئين بلا دوشة او حكايات وهيصة المصريين
وفجأة
قطع الهدوء صوت لهجة خليجى فى القطار
والتـفـتـنـا جميعا فأذا شاب من لهجته واضح انه خليجى واخر من شكله واضح انه آسيوى
الخليجى للاسيوى / أمك و ام الى جابتك انت .......وهات ياشتيمة
الأسيوى بالفصحى / انا مافعلت له شيئا ولا اعرف سر غضبه حتى الأن
لكن الخليجى استمر ولم يقل لماذ ا يشتمه
نازل شتيمة وخلاص لكن الواد خرم علينا كمصريين فى الكلام وقال انتو يامصريين بتيجو عندنا فى الكويت و....و......و.....
وعربة القطار كلها وقف على رجل واحد
وذهبت اليه فأمسكنى احد الركاب وضغط على يدى بقوة وقال /سيبهولى
فتوقفت
بلهجة آمرة وغاضبة / انت ياله تحترم نفسك وتتلم والا هلمك وهرميك من القطر ده
لكن الولد استمر /انت مصرى معفن ولاتسوى
انا هخرب بيت أ..... انت فاكر ايه
واحتدمت المناقشة بينها
وجاء مخبر القطار وهو عمك سيد راجل اعرفه من زمان وخبرة فى مباحث السكة الحديد اكتر من 30 سنة
وطبعا لابد ان يحل الموقف
ولكن فاجأ ته طبيعة الموقف
بطاقة سعادتك
انا ظابط شرطة
وانا كويتى
وانا اوكرانى
وانا ابتسمت
وقعت فى الأمم المتحدة ياعم سيد
ولمحت فى عينى الراجل الحيرة فهو موظف غلبان وقع فى 2 سفاراتهم ممكن يقرفوه وواحد مهنته تقرفه برضه لانه اعلى منه رتبة
لكن استجمع قواه
وسأل / أيه الحكاية
واستمع لهم جميعا وطلع الكويتى غلطان
والمهم طبعا اتحلت بس بعد عناء لان الكويتى كان رافض يعتذر لولا انى شفته بص بعينه للقطار اللى واقف كله ومتحفز
لم يكن واحد جالسا على كرسيه
وفهم انهم ممكن يفترسوه
فاعتذر على مضض
وفى القاهرة
انا / ابسط ياعم سيد كنت النهارده لابس جلابية كوفى عنان (أمين عام الامم المتحدة ايامها)
ضحك وقال / انا عذرته والله اذا كان هنا 3 متخانقين واتحلت بالعافية اومال الدول المتخانقة دى بيحلو فيها ازاى
وضحكنا
ومشيت
بعدها كام يوم جاى بالليل وقابلت هذا الكويتى على محطة القاهرة
واستوقفنى
يا استاذ
نعم
لو ركبت تاكسى للمظلات اديله كام
انت رايح فين فى المظلات
سينما مودرن
طيب تعالى معايا
فين
هتركب المترو بجنيه تنزل منه محطة المظلات تطلع بره هتلاقيها ادامك لكن لو ركبت تاكسى بلهجتك دى فيها 25 جنيه على الاقل
ضحك وقال اشكرك والله المصريين طيبين
ولما هما طيبين شتمت عليهم فى القطار ليه
فقال / اقوللك بصراحة ؟
قول
فقال شىء عجيب جدا....
قال / انا يومها كان اول يوم ليا فى مصروفكرتى عن المصريين
انهم شعب انتهازى مستعد يعمل اى شىء فى سبيل الفلوس ولو على حساب كرامته واخلاقياته وهم يأكلون بعضهم ويكرهون بعضهم ويتقاتلون من اجل الفلوس وكنا نبيع ونشترى فيهم ونهينهم ولاحد يتكلم
وانا اعتقدت ان دى طبيعة شعب لكن اول صدمة كانت فى القطار
ثم فوجئت بمعاملات الناس هنا وازاى بيخدمونى ويعاملونى كويس ولما عاملت واحد معاملة مش كويسة كاد ان يقتلنى
اومال المصريين اللى بشوفهم عندنا دول ايه ؟وهل فى مصر تانية غير اللى انا فيها دلوقت ؟؟؟؟
فقلت له / ببساطة لأ طبعا هيا مصر واحدة فقط بس الحكاية ان المصرى اللى مسافر الكويت دافع فـلوس ومش عايز يعمل مشكلة علشان ميخسرش الفلوس دى او مش عايز يرجع من غير م يعمل اى فلوس هيبقى محرج امام اهله (دى ناحية نفسية مش فاهم لها اى قيمة ولامعنى) علشان كده مهما عملت فيه بيمشى الأحوال وفى سبيل عدم الخسارة ده او احراجه امام اهله كمان ممكن يخطف شغلانة من زميله المصرى او يديلة بومبة عند رئيسه علشان يترفد ويشتغل مكانه لكن هنا كل الكلام ده مش هتلاقيه طبعا
لان هنا المصرى الحقيقى
قال / فعلا هنا المصرى الحقيقى وانا حبيت البلد دى فعلا فاشتريت فيلا فى اكتوبر علشان اجى مصر كل سنة
وسبحان مغير الاحوال

[احمد بدر1978]

المشاركة الأصلية كتبت بواسطة خالدخليفة اسمحولى فأنا متوقف عن الكتابة حتى يتوقف هذا التهريج المزعج الخارج عن اطار الموضوع ومنذ 4 ساعات متواصلة وانا افند المشاركات الغير المتعلقة بالموضوع هل هذا معقول كل هذا الوقت لاكتشف ان كل هذه المشاركات عبارة عن تهريج لاعلاقة له بالموضوع اسف لن استطيع الاستمرار وساتقدم بشكوى اخرى لحذف هذه المشاركات

ما تزعش يا عم خالد احنا اخواتك الصغيرين

المشاركة الأصلية كتبت بواسطة gadix الهند - حلقة 1 في شهر مارس الي فات ربني كرمني و سافرت الهند 3 ليالي و كنت رايح ادي كورس في فرع الشركة في الهند و اعتقد انا اول مصري يدي كورس لهنود في الهند من زمن طويل سامحوني في الكلام الي تحت ده هو مش كلام ممتع خلاص و لا في اي تجارب غير عادية و لكنه ممكن يكون من باب النصح للي ممكن يسافر اي مكان عشان تسافر الهند او اي دولة من الدول النامية او الي فيها اوبئة لازم تعمل حاجة من اتنين: تروح الحجر الصحي في المطار و تاخد التطعيمات اللازمة او تروح لمركز المصل و اللقاح فاكسيرا Vaccera اللي في الدقي و انا بفضل الحل التاني عشان الحجر الصحي في المطار ممكن يأخرني عن معاد الطيارة و كمان الواحد لازم ياخد التطعيمات قبل ما يسافر بفترة عشان تعمل مفعول طبعا اخدت كورس حقن محترم ايشي فيروس كبدي أ و تطعيم كوليرا و ملاريا و كنت واخد نفس الكورس و انا رايح جنوب افريقيا في مركز المصل و اللقاح خريطة بدول العالم و انتشار الاوبئة بها و التطعيمات الواجب اخذها قبل السفر للبلد المراد - طبعا اوروبا و امريكا الشمالية خاليين من الاوبئة بمعني الكلمة و تقريبا لا يوجد لهم تطعيمات - مصر و افريقيا حدث و لا حرج تقريبا فيهم كل اوبئة الدنيا و الاخرة و الي انقرض منها و لم ينقرض - الخليج العربي برضو و الحمد لله تقريبا خالي من الاوبئة و ده بفضل رحمة ربنا و يمكن للجو الجاف و درجة الحرارة العالية بعد التطعيم بتاخد دفتر يتكتب فيها التطعيمات و يتختم عليها و كفاية كدة علي حلقة 5 لصحتك

ههههههههههههههه
مصر بلد خلوقة للامراض

المشاركة الأصلية كتبت بواسطة gadix الهند - حلقة 2

تعيش وتاكل غيرها ياعم جاديكس
اكيد كورسير فرحان فيك

المشاركة الأصلية كتبت بواسطة فاطومه المصريه استاذ خالد انا لم امتنع عن التعليق بالعكس انا لسه بقراء اللى حضرتك بتكتبه بس انا حاليا مشغوله جدا فى الشقه الجديده يدوبك بدخل اقراء واخرج على السريع عموما فى انتظار حضرتك للتكمله ان شاء الله واستاذ جاديكس كتابتك جميله فى انتظارها ايضا وكل سنه وانت طيبين بمناسبه اقتراب العيد

مبروك عليكى الشقة الجديدة يا فطومة

المشاركة الأصلية كتبت بواسطة خالدخليفة من أجـــل الكعك

هههههههههههه
دة لو لحمة فى الجمعية ماكنش حيبقى فية الضرب دة

المشاركة الأصلية كتبت بواسطة sad-bird المشاركات من 1 - 210 = الصفحات من 1- 30 المشاركة تبدأ بالتاريخ ثم اسم صاحبها ثم الموضوع الخاص بالأستاذ خالد خليفة ثم التعليق على المشاكرة نفسها من الاعضاء وقد استبعدت اغلب تعليقات الشكر ان احببتم اضافتها اضيفها مرة اخري وعذرا ان نسيت اي تعليق ( جل من لا يسهو ) وعذرا اني لم انسق المف نظرا لضيق الوقت ، ان شاء الله تعالى عند اكتمال المشاكرات كلها اقوم بتنسيقه ( على الاقل لما نرو نوديه للمطبعة لا نحتاج لمجهود إعادة الكتابه ) ان شاء المولى عزوجل سيترم اعادة طرح الملف مرة اخري كل 10 صفحات حتى يتسني للأعضاء الجدد متابعة الموضوع من اوله بدون اي تعليقات غير ضرورية

تسلم ايدك يا دكتور

المشاركة الأصلية كتبت بواسطة خالدخليفة زمان كانت امى رحمها الله تعمل الكعك وكان البيت فى الزيتون برضه( 45 سنة فى الزيتون) ونسهر طول الليل نعجن العجين ونقرص او نقطع الكعك ونأجر صاجات من الفرن وكان الفرن قريب من البيت عند سوق الخضار بشارع سليم واشيل على دماغى طول الليل رايح جاى لانى مكانش فى ولد غيرى ووالدى مكانش عاجبه موضوع الكعك اساسا لكن علشان ميزعلنيش انا واختى مكانش بيعمل مشكلة لكنه كان يرفض ان اختى تشيل الصاج وتمشى بيه فى الشارع ووالدى كان يقول/ عيب اختك تشيل صاج وتمشى فى الشارع وف يوم اشفقت امى عليا وقررت خبز الكعك فى البيت وتحول البيت الى معجنة وكان مليئا كله بالدقيق بسبب تنقلنا فيه واحنا مبهدلين وجاء الوالد وكان متغااااااااااااااااظ جدا ومستنى اى تلكيكة ومتفهمش طلب منى ايه وانا اتأخرت مش طنشت مجرد تأخير وراح قايم وزعق وقال /انت مطنشنى علشان الكعك طيب آدى حلة العجين وراح شايلها وهوووووووووب على دماغى (لبسهالى )واصبح العجين نازلا من على رأسى وحتى كل جسمى الى رجلى والحاجة زعلت وكان يوما طويلا انتهى بأذان الفجر وعدم سحور اى حد فينا وصمنا اورديحى وكانت هذه الحلة حلة ضخمة جدا كانت جاية خصيصا لعجين الكعك وتسيـيـح الزبدة البلدى وتحويلها الى سمن وكنا نشتري الزبدة وقتها من الريف

معلش يا عم خالد هى الحلة كانت تقيلة ولا اية

المشاركة الأصلية كتبت بواسطة sad-bird الله يرحمها ويرحم موتانا وموتى المسلمين اجمعين يا سلااااااااااااااااااااااا ااااام لو كنت تاخد صورة بامنظر ده تبقى تحفففففففففففففففة هههههههههه احنا كمان كنا كده بنجيب صاجات من الفرن ونعمل في البيت ونروح نسوية في الفرن وبعدين لما نقلنا بيتنا من 16 سنة الفرن بقى بعيد عن البيت قالت خلاص نعمل الكعك والبتي فور والغريبة في البيت والبسكوت ابقى اعمله في الفرن وتروح تشيله في كرتونة وتيجي ، لكن دلوقتي مفيش غير انا وهيا ووالدي وهما الاتنين الحمد لله الصحة متساعدش على اكل اي حاجة وانا مبقاش ليا نفس لاي حاجة فبقت الكميات قليله فقالت نعمل كل في البيت بقى خصوصا مع وجود الغاز الطبيعي مفيش هم تغيير الانابيب بس عيلتنا فيها عادة معرفش كويسة والا زي الزفت ، هما مترابطين ببعض شوية لكن في اوقات بحس انها تمثيل وكله بيعرف اخبار كله ولما بيتعرف ان حد عمل حاجة بتلاقي كله يقول نعمل زيك ورينا عملت ازاي فلو العيلة عرفت اننا عملناه في البيت كله هفتح فرن في البيت هنا لمدة العشر الأواخر كلهم وحصلت قبل كده في بيت خالتي كنت عندها ونفسها تجرب تعمل بسكوت في البيت وعندهم في البلد فرن صاج كبير اتسحرت وقعدت انا وخالتي وامي الصبح طلع نزلت على الشغل رجعت لقيت نص البلد عرفت وعاوزين يعملوا عند خالتي وهاي مرضيتش تكسفهم تقولهم هاتو الانبوبة وتعالو واتدبست انا في اكتر من 500 كيلو بسكوت ادور المفرمة عليهم ( طبعا لان ده في البيت مفيش مكنة كهرباء ولو كنت اعرف انها هتوصل لكده كنت فكيت اي ماتور من اي حاجة وركبتله طنبوره وشغلته على المفرمة او حتى كنت اجرت واحده من اي فرن) وكانت النتيجة اني قعدت اكتر من اسبوع منامش يدوب انام ساعه واسمع الجرس وازيك ياحاجة والطقطقة بتاعت الاحضان ونفسنا نعمل مش عارف ايه ةاشرب يا محمد وخالتي كل شوية معلش يا محمد يعني اكسف الناس لا ياخالتي متكسفيش حد طلعي عين اللي جابوني انا هههههههههههههههههههه وليلة العيد 3 عرايس عاوزين يعملوا البسكوت والكعك والغريبة والبتي فور بتاعهم وما فيه حد يحط ايده فيهم غيري انا وخلص العيد وخارج مروح البيت وانا على الموقف في البلد قدام الفرن الافرنجي الوحيد فيها ولقيت صاب الفرن بيرمقني بنظرات كلها استهجان واستحقار وغل وحقد اي ياعم انا عملتك حاجة عرفت بعد كده ان الفرن ده مكنش انتاجه كويس فراح جاب صنايعيه علشان تشغل الفرن كويس وقالهم البلد كبيرة وفيها ناس كتير ومش هتلاحقوا شغل (البقشيش طبعا لان ده اكتر من يومياتهم ) وفي السنة دي الانتاج كان كويس لكن نص البلد جت علي الموكوس اللي هو انا طبعا وهو قعد ينش والصنايعية يهزقوه الواحد مش كان فتح فرن احسن من الهم بتاع المذاكرة ده

طب ادى فكرة تانية افتح حلوانى جمب مطعم الكشرى جنب البيتزا جمب مطعم الفول

[احمد بدر1978]

المشاركة الأصلية كتبت بواسطة خالدخليفة سعيد أنا بـيــب

يمكن سعيد انابيب دة هو ريكو؟وانت مش واخد بالك يا عم خالد

http://www.youtube.com/watch?v=Ivn1C...eature=related

المشاركة الأصلية كتبت بواسطة خالدخليفة سيد عسليــة

اكل العيش مر يا عم خالد انا لى واحد صاحبى شغال مدرس وعشان مبيحبش يدى دروس خصوصية بيستحرم فلوسها
شغال بعد الظهر قهوجى هى دى الدنيا

المشاركة الأصلية كتبت بواسطة gadix أنا في الشغل الان و ميت علي نفسي من الضحك انا فعلا مش قادر اصدق حضرتك الكلام ده حصل فعلا؟؟؟؟؟؟؟؟؟؟؟ هم المصريين مالهم بظبط؟ طوابير عيش طوابير كعك لازم نعمل فرع كمان لعلم نفس الدمايطة و نحطه بعد علم نفس الصعايدة و ربنا يهدي المصريين طيب لما الراجل ده شغال ما شاء الله كدة طيب ليه مايشتريش محل كمان عشان يسد علي الاقبال الكبير ده؟ و ليه ما يزودش عدد العمال و البياعين في فترة الاعياد؟ و ليه ميعبيش الكعك في علي نص كيلو و كيلو؟ عشان الي يدخل يشتري في 5 دقايق و يمشي و ليه و ليه و ليه؟ و اه يا بلد عاوزة تنظيم في كل حاجة

للاسف مصر ما ينفعش فيها النظام نهائى

المشاركة الأصلية كتبت بواسطة corsair ههههههههههههههههههههههههه هههههههههههههههههههههههه ههههههههههههههههههههههههه هههههههههههههههههههههههه الله يسامحك يا شيخ والله انا عمال بضحك مش عارف امسك نفسي انتا لما رجعت البيت وشوفت نفسك في المريا كنت تشغل اغنية عبدالباسط ابص لورحي فجاة لقتني ورمت فجاة تعبت من المفجاة ونزلت دمعتي ههههههههههههههههههههههههه ههههههههههههههههه كل ده علشان تجيب كحك ده انا لو المدام عندي ببتوحم عليه مش هجيبهولها

طبعا ما انت من كتر الاغانى الشعبية اللى بتسمعها فى التاكسى بتاعك بقيت مؤلف اغانى ياخوفى نلاقيك على الفضائيات فى يوم من الايام والمذيعة تعلن عن
مطرب التكسيات الاول كورسير اى تى

المشاركة الأصلية كتبت بواسطة sad-bird ايلينا او ايرينا مش فاكر بنت ألمانية .

كشرى يا مفترى حرام عليكم دة لو كان حصلها حاجة ماكنش حيبانك صاحب وشوية تهم متظبطين
زى ضرب السياحة فى مصر
الدعوة لتسميم الاجانب

المشاركة الأصلية كتبت بواسطة خالدخليفة سيـد زيـان لنا ولك الله يامصر سامـــــــــحونى نكدت عليكم

لية يا عم خالد النكد دة على الصبح انا متنكد لوحدى
بلد عايزة ال....

المشاركة الأصلية كتبت بواسطة خالدخليفة العـسـكرى شـبراوى

مرة سمعت عن مجند من دول لم 2 مليون جنية بس غلابة