ارشيف الاستراحة 2010

[mercedes]

المشاركة الأصلية كتبت بواسطة fepsceasar حبيب قلبى انت اللى بتجبر بخاطرى بس الحقيقة وانا بكتب بحس انى كمان بستفيد وبجدد معلوماتي الضئيلة بص يا باشا طبعا التحليل الفنى ده فيه كذا اسلوب منهم النماذج الكلاسيكية وهى كالآتى 1- النماذج الانعكاسيه............... .......... أول نموذج هتكلم عنه للاسف نموذج سلبى خده بالكوا منه واعتقد ده اللى ظهر فى ايجيكس 30 من كام يوم وحذرت منه فى منتديات تانية والناس كانت بتقول ننزل ايه ياعم ده احنا طالعين والدنيا زى الفل النموذج ده دبل توب (بصوا عليه) انا معلم بالاحمر عند القمتين وفى شكل تانى بس ده فى كمان نموذج سلبى هو نموذج توافقى نبقى نجيله بعدين اسمه ab = cd

السلام عليكم و رحمة الله و بركاته

هو اللى سيادتك بتشرحه ده , هو الTechnical analysis و لا حاجة غيره؟؟؟

MERCEDES S430

يا دكتور متحطش في دماغك ربنا يرزقك اللي احسن منها والطيبون للطيبات يا دكتور


انا بقا اصعب موقف بمر بيه لما بشوف ناس مهندسين ودكاتره وشغالين مندوبين مبيعات بحس اننا مش من البلد ديه ربنا يتولانا برحمته

[ahrambc]

(4)

اكمل لكم ........


ظل الملعون يطاردنى كل ليله بسؤاله :" جاوبت على السؤال " و اكاد أرى ضحكاته ....

ظللت ايامها افكر فى الرد على كلامه . عقلى مشلول وكأن الملعون يتسلل اليه ليوقفه عن العمل . و قلبى رافض لمنطقه.

و قررت ان استعين بالله ليرد عنى ...

صليت و دعوت الله .... ولم يحدث شىء يومها .

فى ثانى يوم بعد الدعاء و انا جالس اتفكر اذا بمن يسألنى سؤال :
" اتريد العدل أم الرحمه "

اجبت " العدل ....العدل ما أنشده "
رد : " اذا تعال : تطلب حياة ابنتك اهذا صحيح "

اجبت " نعم ... نعم "
رد : " و هذه الحياه ليست رخيصه بل غاليه جدا .... ..صحيح "

اجبت " نعم ... نعم "
رد : " سوف نفترض أن أعمالك هذه الصالحه تساوى حياة ابنتك و هى ليست كذلك لكننا سنفترض ذلك و هذا كرم ....اذا لنهبك حياة ابنتك الغاليه مقابل كل اعمالك الصالحه .... هل توافق "

اجبت " نعم .......نعم اوافق "
رد : " و ماذا عن ذنوبك ....... العدل يقتضى القصاص أليس كذلك . ماذا عن الذنوب "

اجبت " و ماذا عنها ... ماذا تريدنى أن افعل "
رد : " نريد منك ان تختار شىء واحد فقط ننزعه من ابنتك مقابل ذنوبك . شىء واحد فقط و هذا ايضا كرم مقابل كل ذنوبك و لك ايضا ان تختاره بنفسك . اختار البصر او السمع او الحركه او الفهم او ما تشاء فلك مطلق الحريه فى الأختيار لكى ننزعه من ابنتك ..........اليس هذا هو العدل الذى تسأل عنه ".

اجبت " رحمتك يارب ... لا لا اريد العدل ......اريد الرحمه "
رد : " لكنك تطلب العدل "

اجبت " لو عاملنى ربى بالعدل لهلكت ... اريد رحمة ربى "
جائتنى الآيه :
(وَلَوْ يُؤَاخِذُ اللَّهُ النَّاسَ بِظُلْمِهِمْ مَا تَرَكَ عَلَيْهَا مِنْ دَابَّةٍ وَلَكِنْ يُؤَخِّرُهُمْ إِلَى أَجَلٍ مُسَمّىً فَإِذَا جَاءَ أَجَلُهُمْ لا يَسْتَأْخِرُونَ سَاعَةً وَلا يَسْتَقْدِمُونَ) (النحل:61)

الرحمة هى ما أنشد ياربى و ليس العدل ...... فأنا لا أحتمل العدل


لمحت ابليس الملعون و هو يجرى بعيدا...... لمحته بقلبى


فى صباح اليوم التالى توفيت ابنتى الى رحمة الله.

و انا راضى...................

راضى تماما .........


ولا أزال .....

و سأظل ان شاء الله ما استطعت



و السلام عليكم ورحمة الله و بركاته

[احمد بدر1978]

المشاركة الأصلية كتبت بواسطة corsair يا دكتور متحطش في دماغك ربنا يرزقك اللي احسن منها والطيبون للطيبات يا دكتور انا بقا اصعب موقف بمر بيه لما بشوف ناس مهندسين ودكاتره وشغالين مندوبين مبيعات بحس اننا مش من البلد ديه ربنا يتولانا برحمته

نفس الرد بردة
بتضايق قوى لما اشوف واحد اهلة علموة وربوة وفى الاخر شايل شنطة وبيلف على الناس فى البيوت والناس تتريق علية
انا لية واحد صاحبى حاصل على ليسانس اداب وشغال قهوجى حاجة تنقط

[BASSEM BESO]

مساء الخير على جميع اعضاء مصر موتورز النهاردة ححكى ليكوا اللى حصل معايا فى التجنيد واليكم التفاصيل :
طبعا زى كل شباب مصر خلصت دراستى وحصلت على بكالوريوس نظم معلومات بتقدير امتياز وجواب التجنيد حصلنى انى مطلوب طبعا جهزت الورق وكلة تمام وبقيت جاهز لميعاد الكشف الطبى اللى كان اليوم 10\11 وروحت الساعة 5 الفجر التجنيد ومعايا ورقى وكلى امل انى اخد تأجيل او اعفاء عشان ارجع شغلى اللى وقف بسبب طلب شهادة التجنيد ودخلت جوة بعد مانظمونا وقسمونا مجموعات وقعدت حوالى 4 ساعات فى ترتيب الورق ومراجعتة طبعا وقت كتير جدا بس هى دى بلدك بعد كدة دخلنا للتصوير والوزن والطول وطبعا مش ححكى على كم الأهانات وقلة الأدب وكرامة الأنسان اللى بتداس عليها هناك بعد كدة دخلنا على الكشف الطبى حاجة اسف فى اللفظ (زبالة) من باطنة الى رمد الى عظام الى جراحة وماادراك مالجراحة واللى بيحصل فيها جوة طبعا مش هقول عشان كل اللى دخل عرف واللى هيدخل اسيبة لما يشوف بعينة !!!!!!!!!!!!!!!!
بعد كدة ماكملتش الكشف وقالولى انت وزن ذائد (الحمد لله ) طبعا لم اتمالك نفسى من الفرحة وحمدت ربنا كتير جدا وقالولى البس هدومك واستنى برة فى مظلة القومسيون طبعا المنظر جوة فى الكشف حاجة تدعو الضحك والبكاء فى نفس الوقت من اللى بتشوفة جوة !!!!!!!!!!!!!!
بعد كدة بصمت على الأعفاء الغير لائق بسبب الوزن وخرجت استنى 3 ساعات تانى كاملين حتى جة صول كدة وبيتأمر ويهدد ويتوعد كل من لايسمع كلامة سوف تلغى الأعفاء الخاصة بة ( طبعا كلام ) وبصمنا وقال تعالو عشان تتعرضو على السيد العميد رئيس القومسيون عشان يأكد عليكو تيجوا تستلموا شهادة الأعفاء امتى وراح موقفنا طابور وقالك اقلع القميص والبنطلون وانت داخل على سيادة العميد (مش عارف لية هو انا داخل على اية !!!!)
وهنا كانت المفاجأة الكبرى العميد مشى ال12 شخص اللى قدامى وقالى استنى انا حاسس انك مش مليان اوى !!!!!!!! عيد وزن وطول تانى عشان انا شاكك اولتة لية ومكملتش ولقيت خبطة من العسكرى على ظهرى وبيزعق وبيقولى بسرعة ياطالب روح عيد تانى وعدت ودخلت كشف طبى تانى والنتيجة هى هى غير لائق والحمد لله مضى العميد ابن ال........... على الأعفاء وحستلمها يوم 1\12 وخرجت الساعة 1:30 من التجنيد بعد ما خرجونا بالتهزيق بردة من خلا ان احنا نركب اتوبيس الوحدة بالدور بس واحنا قاعدين على الأرض والعصاية فوق دماغنا من الشاويش والعاكر اللى واقفة والويل لمن يعترض ( طبعا معاملة لا تليق ابدا ابدا بالمؤهلات العليا ولا اى بشر ولا انسانية تقول كدة ) وبعد كدة خرجت وركبت عربيتى وانا بقول لنفسى الأتى :

- يارب مش عارف افرح بالأعفاء ولا ازعل وابكى من اللى شوفتة جوة .

- يارب لية خلتنى مصرى انا دلوقتى اتمنى ان اكون حاجة تانية غير مصرى دى .

- يارب خلينى اسافر اى دولة تقدر الأنسانية والأنسان وتحترمة وتقدر عقلة وجهدة .

- كل اللى بيقول الجيش فخر وشرف دة كلام ولا لية اى 30 لازمة يعنى افتخر بعد ماتهنت من عسكرى او صول جاهل اخرة معاة ابتدائية .

- اقسمت بالله وشهدت اننا دولة متخلفة امامها 1000000 سنة عشان تتعلم احترام الأنسان .

- دعيت وتمنيت بصوت عالى وقولت يارب نسينى اليوم دة من حياتى وانى اقدر امحية من ذاكرتى .

وطبعا على رأى واحد قالها هناك :
لو مصر امك .... هتحس ان امك زعلتك اكبر زعلة فى حياتك

واسف على الأطالة بس بجد كان نفسى اتكلم واطلع كل اللى جويا عشان كنت هتخنق واطق لو مكلمتش وشكرا ....