خبر سىء جدا:البرادعى ينسحب من سباق الرئاسه !!

هاجم الإعلامي حمدي قنديل، الدكتور محمد البرادعي، المرشح المحتمل لرئاسة الجمهورية، قائلا: «أعترف بأنني شاركت في تضليل المصريين عندما أعلنت تأييدي له ووقوفي بجواره»، كاشفاً عن سبب استقالته من «الجمعية الوطنية للتغيير»، والتي أرجعها إلى واقعة القبض على عدد من أعضاء الجمعية في الكويت.
وقال، خلال ندوة نظمها نادي سبورتنج، بالإسكندرية، السبت: «أصدرت بيانا باسم الجميعة لاتخاذ موقف حاسم للوقوف بجوار شبابنا وفوجئت برفض البرادعي وطريقته التي تشبه كما لو كنا نعمل في مصلحة مجاري، وليس في إدارة ثورة، وبسببه تركت الجمعية ومعي عدد من القيادات منهم الدكتور حسن نافعة والدكتور محمد أبوالغار والدكتور علاء الأسواني والمستشار محمود الخضيري والدكتور محمد غنيم، وعدد كبير من القيادات، وكان مأخذنا عليه أنه لا يقيم في مصر كثيرًا».
وتابع: «أشك في كل من يتولى منصب في منظمة دولية أو عربية لأنهم تعودوا ألا يقولوا لهم كلمة لا، وهي مشكلة البرادعي، لكن علينا ألا ننكر أنه رمز من رموز التغيير في مصر».
ورفض جميع مرشحي الرئاسة المحتمل ترشحهم للانتخابات المقبلة قائلا: «أتعجب من حملات الرئاسة التي يطلقها عدد من الأشخاص والتي لا أؤيد أيا منها ولن أنتخب أيا منهم، ولو بذلوا مجهودًا أكبر في بناء مصر سيكون أفضل لنا من برامجهم»، إلا أنه أثنى على عمرو موسى، مؤكدا أنه «يمتلك كاريزما قوية».
وكشف عن عرض تلقاه لتولي رئاسة اتحاد الإذاعة والتليفزيون منذ أسبوعين إلا أنه أكد رفضه للمنصب لأنه «غير مؤهل لإدارة المكان ولايملك الخبرة الكافية لذلك»، وأعلن أنه سيكون مسؤولا عن جريدة ستصدر قريبا.
واعتبر نموذج هيئة الإذاعة البريطانية هو «الأفضل لتطبيقه على اتحاد الإذاعة والتليفزيون وأن يكون تمويله من رسوم حيازة وبث القنوات كما يحدث في بريطانيا»، منتقدا التليفزيون الحكومي والقنوات الخاصة قائلا: «الاثنين ألعن من بعض».
وردا على سؤال حول أول قرار سيتخذه إذا تولى منصب القائد الأعلى للقوات المسلحة، قال: «أول قرار هو أن تتولى القوات المسلحة قيادة وزارة الداخلية وتشغيل قوات الاحتياطي في قوات الأمن لإعادة انضباط الشارع».
وطالب بمحاكمة عادلة للرئيس السابق وعدم التسرع في المحاكمات لأن أي استعجال سيؤدي لصدور أحكام لا تتناسب مع الجرائم المرتكبة.
وأيد خروج مليونية 8 يوليو المقبل لتطهير وزارة الداخلية والضغط على السلطة، مطالبا بالتنسيق الكامل بين القوى السياسية حتى تتحدد أهداف المظاهرة، معتبرا أن اللواء منصور عيسوي، وزير الداخلية «فشل» في أداء المهام المكلف بها في الوزارة.
(تعليق : ايه دا الصورة دي شكلها متلفقة ولا ايه؟ هو حمدي قنديل مش كان دراع البرادعي اليمين؟؟!!!!!!)

منقول

عفوا هذا التصريح للي بيفهم فقط ولا عزاء لابناء البرادعي

رأى عضو المكتب التنفيذي للجمعية الوطنية للتغيير حمدي قنديل اليوم أن "عودة البرادعي للبلاد جاءت متاخرة لكن المهم انه عاد". ومن المتنظر أن يصل المدير السابق للوكالة الدولية للطاقة الذرية مؤسس الجمعية الوطنية للتغيير محمد البرادعي إلى مصر مساء الخميس قادما من فيينا للمشاركة فى المظاهرات الدائرة هناك منذ ثلاثة أيام.
وقال الإعلامي قنديل إنه "كان من المفضل كما قلنا منذ شهور قليلة، ان يكون (البرادعي) متواجدا فى مصر كل او أغلب الوقت" واعتبر أن وصوله في وقت لاحق من الخميس جاء متأخرا "لأن الإنطلاقة جاءت فى غيابه، بل فى غياب كل المعارضة فلا احد يستطيع ان يدعى انه أب هذه المظاهرات".(منقول)


غريبة رجع يوم الخميس 27/1/2011
بعد بدء الثورة بيومين
طب ازاي يبقى هو ابو الثورة
!!!!!!!!!!!!!!!!!!!!!!!!! !!!!!!!!!!!!!

[AbOnOrA]

ياعم وليد انتو اللى عايزين تلزقو الثورة فى اشخاص البرادعى او وائل غنيم او اسماء محفوظ او نوارة نجم ووو

الثورة انتو عارفين ان ملهاش قائد غير جموع الشباب المستنير والشريف واللى عنده رؤية وبيتعامل بموضوعية والا كنت شوفتنا ماسكين صورة وبنهتف بيها زى انصار المخلوع اللى بتشبهنا بيه

احنا ايدنا البرادعى فى البداية بناء على مطالب بيان التغيير وما اعلنته الجبهه الوطنبية للتغيير وقتها وكانت دعوة فيها اسماء وهامات لا تقل عن البرادعى وناس وطنيين طول عمرهم فى البلد لا راحو ولا جم

فبالله عليك ياعم وليد انت وبتوع المجلس بلاش خلط للاوراق والمواقف احنا كشباب الحمد لله ولحد دلوقتى مديناش حد تفويض بانه يبقى ابو الثورة ولا امها والبرادعى زيه زى باقى المصريين اصحاب الرأى او الاطروحات ليه من يؤيدة فى رائى او يختلف معاه

المشاركة الأصلية كتبت بواسطة AboNoRa ياعم وليد انتو اللى عايزين تلزقو الثورة فى اشخاص البرادعى او وائل غنيم او اسماء محفوظ او نوارة نجم ووو الثورة انتو عارفين ان ملهاش قائد غير جموع الشباب المستنير والشريف واللى عنده رؤية وبيتعامل بموضوعية والا كنت شوفتنا ماسكين صورة وبنهتف بيها زى انصار المخلوع اللى بتشبهنا بيه احنا ايدنا البرادعى فى البداية بناء على مطالب بيان التغيير وما اعلنته الجبهه الوطنبية للتغيير وقتها وكانت دعوة فيها اسماء وهامات لا تقل عن البرادعى وناس وطنيين طول عمرهم فى البلد لا راحو ولا جم فبالله عليك ياعم وليد انت وبتوع المجلس بلاش خلط للاوراق والمواقف احنا كشباب الحمد لله ولحد دلوقتى مديناش حد تفويض بانه يبقى ابو الثورة ولا امها والبرادعى زيه زى باقى المصريين اصحاب الرأى او الاطروحات ليه من يؤيدة فى رائى او يختلف معاه

والله يا ابو نورا لو اخت بالك من توقيعي انا كاتب فية ايه هتعرف اني مش انا اللي بانسب الثورة العظيمة دي لواحد زي البرادعي او غيرة
بالعكس انا دمي بيتحرق لما بيتم اختزال الثورة في وائل غنيم او اسماء محفوظ او حتى البرادعي زدا كلام ابناء البرادعي
صدقني زي مافية ابناء مبارك فية برضة ابناء للبرادعي وانا ضد الاتنين
وقبل كدا انا قلت على المجلس العسكرى انه اداءة كان سيئ سياسيا ولو مبارك مش واثق من دا مكانش فوضة في خطاب التنحى لانه عارف قلة خبرة اعضاء المجلس العسكري سياسيا وبدل مانقف كلنا وراة ونشيله جميل انه حمى الثورة كنا اول ناس بنقطع ونشتم فيه ولم يأخذ الفرصة المناسبة اطلاقا ودلوقتي حتى واحنا ماشيين على المخطط الزمنى لتسليم السلطة محدش عاجبة وعايزين الدنيا كن فيكون
ولعلمك اكبر نجاح للثورة انها بلا اب...فعلا هي ثورة شعب بحالة
ايوة اللي اشعل الثورة شباب زي 6 ابريل وغيرهم بس خلاص الثورة بقت بتاعه الشعب كله اللي لو فاكر ان لولا العصيان المدنى اللي ساد ارجاء مصر كلها مكانتش الثورة نجحت في عزل مبارك ...
وخلينا فاكرين ان الشعب دا هو اللي نزل الانتخابات اللي حماها برضة المجلس العسكرى وكانت نزيهه تماما بغض النظر عن بعض الاخطاء الادارية واعطى صوته للاخوان ....يبقى عشان الانتخابات اتت بناس مش على هوا حضرتك يبقى الشعب مايعرفش مصلحتة فين...
اخر حاجة احب اقولها الشعب هو البطل الحقيقي للثورة وهو هو اللي اختار الاخوان في مجلس الشعب ودا يعتبر موافقة ضمنية على تصرفات المجلس العسكرى...

[M.TONSY]

المشاركة الأصلية كتبت بواسطة AboNoRa ياعم وليد انتو اللى عايزين تلزقو الثورة فى اشخاص البرادعى او وائل غنيم او اسماء محفوظ او نوارة نجم ووو الثورة انتو عارفين ان ملهاش قائد غير جموع الشباب المستنير والشريف واللى عنده رؤية وبيتعامل بموضوعية والا كنت شوفتنا ماسكين صورة وبنهتف بيها زى انصار المخلوع اللى بتشبهنا بيه احنا ايدنا البرادعى فى البداية بناء على مطالب بيان التغيير وما اعلنته الجبهه الوطنبية للتغيير وقتها وكانت دعوة فيها اسماء وهامات لا تقل عن البرادعى وناس وطنيين طول عمرهم فى البلد لا راحو ولا جم فبالله عليك ياعم وليد انت وبتوع المجلس بلاش خلط للاوراق والمواقف احنا كشباب الحمد لله ولحد دلوقتى مديناش حد تفويض بانه يبقى ابو الثورة ولا امها والبرادعى زيه زى باقى المصريين اصحاب الرأى او الاطروحات ليه من يؤيدة فى رائى او يختلف معاه

هى فعلا ثورة الشباب المستنير والمصريين الشرفاء وفعلا ملهاش قائد علشان كدة للاسف فى رعاع ظهروا فى الصورة وعايزين يركبوا الثورة ويعملوا فيها ثورجية امثال من ذكرت ياابو نورا وغيرهم من الشخصيات اللى مرشحة نفسها للرئاسة لو دورت فى تاريخ كل واحد هتشوف العجب مولد وتكية كله عايز يغرف منها محدش للاسف قلبه على البلد الا من رحم ربى ده للاسف اللى مزعل الواحد لانى مش شايف حد بجد قادر يقود دفة الاصلاح والتنمية لمصر وللاسف اللى ظاهرين حاليا انا بشبههم بالمرتزقة وبقينا عايشين فى جهل وحيرة ومحدش بقى عارف مين صح ومين غلط علشان كدة الناس لجأت للاسلاميين وقالوا طيب متيجوا نرجع لربنا ونجرب الاخوان والسلفيين ونشوف هيصلحوها ازاى وعلشان كدة الناس متوسمين فيهم الخير باذن الله وميخذلوناش لانهم لو سقطوا فى الاختبار هتبقى الطامة الكبرى والله دى اصعب ايام دى اللى احنا بنحاول نعيشها وربنا يخرجنا منها سالمين ... حسبنا الله ونعم الوكيل