نصائح من ضابط شرطه ............

[of_hon]

أحبطت جداااااااااااااا انا حاسس زي ماكون أنا عزام عزام
ومش عارف أقول أيه .........

بس اللي لفت أنتباهي قوووي اللي بيسألني لما أنت عارف السلاح دا فين ومع مين ليه مبتقبضوش عليه ؟؟؟؟؟؟؟
مبدئيا أنا مقولتش ان احنا عارفين وساكتين وكل يوم يتم ضبط مئات القطع من الاسلحه الناريه مع بلطجيه ومسجلين .
بس المشكله في ايه في حاله عامه عند ضباط الأمن العام - وهم عارفين الشارع كويس قووي-تشبه الاضراب العام وربنا يكون في عونهم .
أنا ماليش احتكاك مباشر مع المواطنين العاديين في شغلي بس لو كل ضابط نزل سمع كلمه من كل واحد وهو واقف في خدمته زي الدبش وتتهمه بالعماله والخيانه وقلة الضمير والفساد وهو معملش حاجه في حياته غير انه خدم البلد دي بجد ومن قلبه فأعتقد انه يموت من اليأس والاحباط أكرمله من الوقفه في الشارع .
والله والله والله الضباط الكويسه أكتر من الوحشه بكتييييييييييييييير جدا بس تقول لمين .......

[خالدخليفة]

ياحضرة الظابط كلنا بنخدم بلدنا كل واحد فى مجاله

وأما حكاية الظباط محبطين بسبب كلام الناس
احب أبشر سعادتك ان دى حالة مؤقتة .....يعنى هتاخد وقتها وتمشى طالما الشعب شايف منكم المعاملة الحسنة اللى هو عايزها وطالبها منكم .....يعنى بداية المصالحة مطلوبة منكم انتم
والحالة دى سببها ممارسات اخوانك الغير ملتزمين من سنة 1954 من يوم عبد الناصر م مسك الحكم وحولها الى دولة القهر والظلم
أى حاكم ظالم ....هيظلم الناس ازاى الا عن طريق الشرطة

ثم انك صحيح مقلتش انكم عارفين مكان السلاح وساكتين .....ولكن برضه مقلتش انكم ظبطتو أى حاجة سبتها لنا عايمة ...... وده طبعا يدى أيحاء اننا لو نزلنا من بيوتنا ممكن ننضرب بالنار
ومن منطلق حسن الظن ......هنعتبرك نسيت تقول

ثم أنك مش محتاج تحلف ان فى ظباط كويسين .....أنا شخصيا أعرف ناس كويسين بس فئات مختلفة
سواء ظباط او أمناء او مندوبين او حتى عساكر .....انا اعرف من مختلف الفئات بفضل الله من العسكرى لحد العميد( للأسف معرفتش لواءات فى الشرطة )
وياحضرة الظابط
جهاز الشرطة مش ظباط وبس
وانما فى فئات مختلفة ......وكلهم منهم المحترم وابن الناس .......ومنهم الظالم وابن الأيه

اخيرا
حمدا لله على السلامة .....واجازة سعيدة

[Ahmed Anwer]

هأطلب من حضرتك طلب واحد فقط ،،

توصل لزملائك إن الشرطة مستفيدة من الثورة

الثورة للجميع و منها الشرطة

مش دلوقتي كل الكلام عن تضبيط أحوالك المادية وعن تضبيط ظروف عملكم و الإحترام المتبادل ،،، يعني حضرتك بتبسط من الشتيمة و الضرب و التعذيب !!!! أكيد حضرتك إنسان فاضل سوي مش هتكون سعيد و أنتا بتعمل كده

دي كلها مكتسبات للشرطة من الثورة

عايزين الشرطة تبقي مع الثورة مش ضدها ،،، لأن الثورة لصالح كل الشعب

بخصوص زمايلك اللي نفسيتهم تعبانة ،،، قولهم معلهشي تعالوا علي نفسكم ،،، أمال الناس اللي استشهدت و الناس اللي فقدت عيونها يعملوا أيه يقه ؟؟؟

عايز أقولك إن الناس النهاردة في ميدان التحرير كانوا بيقترحوا تكوين لجان شعبية متطوعة تقف مع أفراد الشرطة عشان تساعدهم و تحميهم من أي إهانات ،،، عايز أيه بقه أكتر من كده تعاون ؟؟

ده غير أساسا ،، إن لو النية صادقة أكيد عندكم من الحلول الأمنية ما يكفل كرامة أفراد الشرطة ،، مش معقول يعني منفذي القانون مش هيعرفوا ياخدوا حقهم

[abo-salama]

اللهم اعنا على من خاننا وروعنا واللهم بارك لنا فى من وقف معنا واستر من سترنا وارحم من رحمنا واغفر لنا جميعا مشكوووووووووووووووووووووو وور

[سيف الدين سعيد]

المشاركة الأصلية كتبت بواسطة of_hon أحبطت جداااااااااااااا انا حاسس زي ماكون أنا عزام عزام ومش عارف أقول أيه ......... بس اللي لفت أنتباهي قوووي اللي بيسألني لما أنت عارف السلاح دا فين ومع مين ليه مبتقبضوش عليه ؟؟؟؟؟؟؟ مبدئيا أنا مقولتش ان احنا عارفين وساكتين وكل يوم يتم ضبط مئات القطع من الاسلحه الناريه مع بلطجيه ومسجلين . بس المشكله في ايه في حاله عامه عند ضباط الأمن العام - وهم عارفين الشارع كويس قووي-تشبه الاضراب العام وربنا يكون في عونهم . أنا ماليش احتكاك مباشر مع المواطنين العاديين في شغلي بس لو كل ضابط نزل سمع كلمه من كل واحد وهو واقف في خدمته زي الدبش وتتهمه بالعماله والخيانه وقلة الضمير والفساد وهو معملش حاجه في حياته غير انه خدم البلد دي بجد ومن قلبه فأعتقد انه يموت من اليأس والاحباط أكرمله من الوقفه في الشارع . والله والله والله الضباط الكويسه أكتر من الوحشه بكتييييييييييييييير جدا بس تقول لمين .......

أخى العزيز : أولا أحب أقول لك ماتزعلش من كلامنا ومشاركاتنا معاك . ولازم تكون متفهم لأسباب الغضب المترسب داخل نفسية الشعب من سوء معاملة هذا الجهاز معهم على مر سنين طويله . وأكيد لو انت بتشوف مقاطع الفيديو المنشوره على اليو تيوب حاتعرف ليه الناس بتعامل ضباط الشرطه بكل هذا الغضب .
أما حالة امتناع الشرطه عن واجبها فده مالوش أى عذر . احنا هنا مش بنتكلم عن فنان أو شاعر أو حتى أى وظيفه كتابيه أو اداريه . احنا بنتكلم عن جهاز أمنى واللى فيه انتموا اليه بحر ارادتهم من أجل تأدية مهام الأمن والأمان . مش للمنظره والسلطه . وبالتالى تقصيرهم فى تأدية هذه المهمه يعتبر فعلا خيانه للبلد والشعب . وبالنسبه لكلام الناس اللى بتقول انه زى الدبش . فمعلش يا سيدى . اعتبروه نوع من انواع التنفيس عن اللى جواهم . على الأقل الناس بتتعامل بالكلام انما الشرطه كانت بتتعامل بالقوه والتعذيب والظلم والإتاوه .